Uzcard янгиликлари

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

«UZCARD» тизими фаолиятига тегишли бўлган ахборот хабари

 

Тошкент ш.                                                                                                                                                                                                                        2018 йил, 17 сентябрь

 

 

  2018 йил 15 сентябрь куни Ягона умумреспублика процессинг маркази ахборот тизимининг носоз фаолият кўрсатиши сабабларини тушунтириб ўтишдан аввал, Марказимизнинг бутун жамоаси номидан «Uzcard» карталари сақловчилари, савдо-хизмат кўрсатиш корхоналари ва ҳамкорлар олдида узр сўраймиз.

 

«Uzcard» компанияси пластик карталар орқали амалиётларни ўтказиш имкониятининг йўқлиги оқибатида барча тизим фойдаланувчиларида шаклланган эътироз ва норозиликларини тўлиқ англамоқда. Юзага келган шарт-шароитларни тўғри баҳолаган ва мазкур ҳодисанинг натижаларини тушуниб етган ҳолда, бизнинг компаниямиз тизимнинг барча иштирокчилари ва фойдаланувчиларини, хусусан халқимизни, вазиятни оқилона баҳолашга, шунингдек “Uzcard” тўлов тизимининг фаолият кўрсатишини тиклашда иштирок этаётган ва баҳоли қудрат барча чораларни амалга ошираётган мутахассислар ва ташкилотларнинг масъул вакилларига нисбатан хайрихохлик кўрсатишларини сўраймиз.

Шу ўринда таъкидлаш лозимки, барча тўлов ташклотлари, шу жумладан, етакчи халқаро тўлов тизимлари иш фаолиятининг ўзига хослиги сабабли турли хилдаги ҳар кунлик ташқи хужумларга дуч келади. Ушбу шартларни инобатга олиб, шунингдек, барча тўлов тизимлар ўз иш фаолиятида, исталган вақтда ишдан чиқиши мумкин бўлган аппарат-дастурий мажмуаларидан фойдаланишларидан келиб чиққан ҳолда, улар фаолиятида тўсатдан носозликлар рўй бериш эҳтимоли мавжуд бўлади. Бу каби эҳтимоллар олдиндан ҳисобга олиниши лозимлиги ва тўлов тизимлари фаолиятини тўхташи ноўрин бўлишига қарамай, тўсатдан аппарат-дастурий мажмуаларининг ишдан чиқиши ва ташқи хужумларнинг юз бериши натижасида бугунги кунда ҳам тизимлар фаолиятида носозликлар кузатилмоқда.

 “Uzcard” тўлов тизимининг фаолият масаласига қайтадиган бўлсак, шуни маълум қиламизки, тизимда техник носозлик қайд этилганидан сўнг, мутахассисларимиз томондан муаммонинг сабабларини аниқлаш ва уларни бартараф этиш, Марказ ишини қайта тиклаш, шунингдек, пластик карталарга тегишли бўлган барча маълумотларни бутлигини сақлашга қаратилган чора-тадбирлар кўрилди.  Тизимни қайта тиклаш ишларига нафақат компаниямизда фаолият олиб бораётган дастурчилар, балки бир қатор ҳамкор-мутахассислар ҳам жалб этилди. Амалга оширилган чора-тадбирлар натижасида барча техник ва дастурий носозликлар бартараф этилди. Ҳозирда «Uzcard» тизимининг тўлақонли фаолият олиб бориши учун жараёнларни босқичма-босқич тиклаш ишлари бажарилмоқда. Ахборот тизимининг нотўғри ишлаш сабабларини аниқлаш учун дастурий таъминотнинг аниқ қайдномалари олиниб дастурий таъминот яратувчилари (software) ҳамда серверли қурилмаларни (hardware) ишлаб чиқарувчиларининг техник қўллаб-қувватлаш хизматига (support) тақдим этилди. Тизимнинг тўлақонли фаолият кўрсатиши тиклангандан ва носозлик сабаблари аниқлангандан сўнг, Марказ томонидан қўшимча равишда тегишли маълумотлар тақдим этилади.

Бугунги кунда ҳар биримиз пластик карталарнинг қулайликлари ва афзалликларини, ҳамда нақд пулсиз ҳисоб-китоблар тизимининг имкониятиларини тушуниб етмоқдамиз. Бироқ, тизимда кенг кўламли муаммолар кузатилаётган бир пайтда нафақат карта эгалари, балки тизимга боғлиқ қатор молиявий ташкилотлар, шу жумладан, бизнинг Марказимиз ҳам унинг фаолият кўрсатмаслиги билан боғлиқ қийинчилик ва ноқулайликларни ўзида ҳис этади. Ўтган вақт давомида Марказимиз номига барча мутассади ташкилотларнинг маъсулиятсизлиги ва ходимлар малакасининг етишмаслигига қаратилган жуда кўп миқдорда салбий фикр ва мулоҳазалар билдирилди. Бидирилган фикрларнинг кичик миқдоригина тизимнинг тўлиқ ишлашини тиклашда тинмай ҳаракатда бўлганларни қўллаб-қуватлашга қаратилган эди.

Ахборот якунида «Uzcard» тизимининг барча фойдаланувчиларини ишонтириб айтамизки, бу каби ҳолатларнинг қайтарилмаслиги учун Марказимиз томонидан пластик карталарга тегишли маълумотларни ҳавфсизлигини таъминлаш ва ҳар бир транзакциянинг ҳимоясини янада мустаҳкамлашга қаратилган зарурий чоралар кўрилади. Шу билан биргаликда пластик карталардан фойдаланишда янада кенг имкониятларни тақдим этишни инобатга олган ҳолда, «Uzcard» карталари эгалари учун янги ҳам маҳаллий ҳам ҳалқаро хизматларни жорий этиш давом эттирилади.

Ягона умумреспублика процессинг маркази рўй берган техник носозлик натижасида келиб чиққан ноқулайликлар учун яна бир бор узр сўраган ҳолда, ўз иш фаолияти давомида “сифатли ва ҳавфсиз хизматларни кўрсатган ҳолда, барча фойдаланувчиларнинг пул маблағларини ҳимоясини таъминлаш” каби тамойилнинг амалда бажарилишини таъминлашини таъкидлаб ўтади.

 

Вазиятни тўғри баҳолашингизга умид билдирган ҳолда, Ҳурмат билан Uzcard маъмурияти.

 

Ҳурматли карта эгалари!

Ягона умумреспублика процессинг маркази тизимида  2018 йил  15 сентябри, кечки соат 18:52 да техник носозлик кузатилди. Марказимиз мутахассислари томонидан тизимни кун давомида ишга тушириш учун барча зарур чора-тадбирлар олиб борилмоқда. Mобил тўлов тизимлари пул маблағларига тегишли маълумотни тақдим эта олмаяпти. Пул маблағларига тегишли барча маълумотлар ҳавфсиз ҳолатда сақланмоқда. Вақтинчалик ноқулайликлар учун узр сўраймиз.

Ҳурмат билан, Маъмурият

Ҳурматли карта эгалари!

Ягона Умумреспублика Процессинг Марказининг маълум қилишича,  техник носозликлар сабабли 2018 йилнинг 15 сентябри, соат 18:52 дан бошлаб POS, E-POS терминаллари ва АТМ қурилмалари  процессинг маркази билан вақтинчалик улана олмаслиги мумкин. Вақтинчалик ноқулайликлар учун узр сўраймиз.

 Ҳурмат билан, Маъмурият.

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

Барча мобил иловалар платформалари учун қўшимча имкониялар

"Карта ҳисобидаги пул миқдорини музлатиш” хизмати мамлакатимизда фаолият олиб бораётган ҳамда бизнинг тўлов тизимимизга интеграция қилинган барча мобил илова платформалари учун қўшимча имкониятдир.

Замонавий ҳаётимизнинг бир қисмига айланиб улгурган электрон тижорат соҳасидаги янги хизматлар кун сайин янги имкониятлар билан кенгайиб бормоқда. Бугун ҳар биримиз ушбу қулай технологик имкониятларсиз ҳаётимимзни тасаввур этолмаймиз. Жумладан, компаниямиз ҳам кундан-кунга ривожланиб, ўз ҳамкорларига янги хизматларни таклиф қилиб келмоқда. Булардан бири яқин кунларда мутахассисларимиз томонидан яратилган  “Карта ҳисобидаги пул миқдорини музлатиш” хизматидир. 

Музлатиш сўзи инглизча “hold” сўзидан олинган бўлиб, эквайер томонидан банк картаси орқали амалга оширилган тўловнинг банк-эмитент томонидан ушлаб қолиниши деган маънони ангалатади.  

Янги хизматимиздан фойдаланган карта эгаси маҳсулот ёки хизмат турига белгиланган тўловни амалга оширишдан аввал, амалга ошириладиган тўлов миқдорини “музлатиш” имкониятига эга бўлади. Мисол учун, Сиз бирон бир мобил илова орқали маҳсулотга буюртма бердингиз ва маҳсулот етказилганида талабларга жавоб берилмаган ҳолат кузатилганида тўловга ажратилган пул миқдори олдиндан музлатилганлиги сабабли карта ҳисобига қайтарилиши мумкин. Агар маҳсулот ёки хизмат турига белгиланган тўловни  бекор қилимоқчи бўлсангиз, пул миқдори “музлатилган” статусидан ечилади ва тўлиқлигича қайтиб карта балансига қайтарилади.  Унгача ушбу пул миқдори “музлатилган” ҳолда тураверади.  Ушбу хизмат тури иштирокчилари харидор, мерчант ва Ягона умумреспублика процессинг маркази ҳисобланади. 

Пул миқдорининг музлатилиш функциясининг  қўлланилиши мижозларга бир қатор қулайликларни тақдим этади:

•         пул миқдори ажратилаётганда улар карта ҳисобида қолади;

•         маҳсулот ёки хизмат тури кўрсатилганидан сўнг харидор тўловни амалга ошириши мумкин;

•         мижоз ҳар доим ҳақ: маҳсулот ёки хизмат тури керакли талабларга жавоб бермаган ҳолатда ундан бош тортишингиз мумкин;

•         тегишли талабларга жавоб берилганида мерчант, яъни тўлов пункти эгаси томонидан “музлатилган” пул миқдори тўланишига ишонч ҳосил қилинади;

•         сотувчи учун ўз аудиториясини кенгайтириш имконияти;

•         ажратилган пул миқдори бошқа сотувчи ҳисобига йўналтирилмайди.

Маълум пул миқдорини музлатишга қаратилган янги хизмат тури мижозлар учун қатор қулайликларни келтириб чиқаради.

 

 

ҲУРМАТЛИ КАРТА ЭГАЛАРИ!

  Uzcard jamoasi Sizlarni eng ulug' va eng aziz bayram, asriy orzu niiyatlarimizning ramzi bo'lgan muborak sana - davlatimiz Mustaqilligining 27 yillik shodiyonasi bilan tabriklaydi!
Sizga mustahkam sog'liq baxt saodat va ulkan zafarlar tilaymiz. Vatanimiz ravnaqi va taraqqiyoti, xalqimiz farofonligi yo'lidagi e'zgu va xayrli ishlaringizda omad hamisha yor bo'lsin!

Hafta savollari

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

ҲУРМАТЛИ КАРТА ЭГАЛАРИ!

Ягона Умумреспублика Процессинг Марказининг маълум қилишича, "Узбектелеком" акционерлик компаниясида профилактика ишлари олиб борилиши муносабати билан 2018 йилнинг 19 августидан 30 августигача POS ва E-POS терминаллари процессинг маркази билан вақтинчалик улана олмаслиги мумкин. Вақтинчалик ноқулайликлар учун узр сўраймиз.

Ҳурмат билан, Маъмуриятu

Манба

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз