Uzcard янгиликлари

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

Пластик карталардан фойдаланиш маданияти: ишонинг, бироқ текширишни унутманг!

  Сўнгги кузатувларга биноан, карта эгалари томонидан ўз пластик карталарининг ҳавфсизлигига нисбатан бефарқ бўлган ҳолатлар қайд этилган.  Таъкидлаб ўтамизки, ҳар бир карта эгаси ўз пластик картасининг  PIN-кодини овоз чиқариб айтиш, картани бегоналарга ишониб топшириш,  карта уланган мобил иловага кириш паролини айтиш ёки тотализаторларда иштирок этиш каби ҳолатларда ўзи жавобгар ҳисобланади. Ўзбекистон Республикаси маъмурий жавобгарлик кодексига биноан (191-модда),  қимор ўйинлари ва бошқа ҳавфли ўйинларни ташкиллаштириш ва уларда иштирок этиш ноқонуний ҳисобланади.

Халқаро ҳавфсизлик талабаларига кўра, пластик картанинг фотосуратини, 16 сонли рақамларини ижтимоий тармоқлар орқали ёзиб юбориш, жумладан, уни учинчи шахсларга топшириш қатиъян ман этилади. Кибер жиноятчилар айнан шу каби ҳолатлардан фойдаланганликлари қайд этилган.

Uzcard логотипи жойлаштирилган гуруҳлар, иловалар ва сайтлар Ягона умумреспублика процессинг марказига (ЯУПМ) интеграцияланганидан ҳамда ҳамкор эканлигидан далолат бермайди. ЯУПМ билан тузилган шартномага биноан, Республикамиздаги 28 та банк ва савдо нуқталари  Uzcard савдо белгисини ишлатишга ҳақли ҳисобланади.

Пластик картадан фойдаланишда бажарилиши даркор бўлган ҳавфсизлик чоралари:

-картани ҳавфсиз жойда сақлаш;

- фойдаланувчини тасдиқлаш учун юборилган текширув кодини учинчи шахсларга айтмаслик;

-учинчи шахсларга пластик картанинг PIN-кодини айтмаслик;

- пластик картанинг фотосуратини ижтимоий тармоқлар орқали тақдим этмаслик;

-эслатма тариқасида пластик картанинг ўзида унинг PIN-кодини ёзмаслик даркор.

Ўз навбатида, Uzcard барча карта эгаларини огоҳ бўлишга ҳамда шубҳали эълон ва гуруҳлар кузатилганида ҳуқуқ тартибот органларига мурожаат этишларини сўраб қолади.

Пул маблағларингизнинг ҳавфсизлиги Сизнинг қўлингизда!

Ягона умумреспублика процессинг маркази ва ASHBURN International ўратасида стратегик ҳамкорлик тўғрисида иккитомонлама келишув имзоланди

 POS-терминаллар тармоқларини бошқариш ва мониторинг қилишга қаратилган ишланмаларга ихтисослашган ASHBURN International компанияси Ягона умумреспублика процессинг маркази билан ҳамкорлик қилишга қаратилган келишувни имзолади.

10 йиллик муддат давомида амал қилувчи ушбу келишув доирасида ASHBURN International компанияси томонидан мамлакатимиз бозор шароитига мослаштирилган TransLink.iQ номли дастурий таъминот ўрнатилиши кўзда тутилган. Шунингдек, келишувга асосан янги тўлов терминалларини етказиб бериш ва Ягона умумреспублика процессинг марказининг ҳамкорлари бўлмиш, мамлакатимизда ўз фоалиятини олиб бораётган 28 та банк томонидан тақдим этилувчи  POS-терминаллар учун 250 000 дан зиёд рухсатномаларнинг сотуви назарда тутилган. Аниқлик киритилишича, бир неча йиллар давомида TransLink.iQ платформасига йилига 50 000 дан ортиқ POS-терминаллар ўрнатилиши кўзда тутилган.

ASHBURN International компанияси директори Жоржас Шарафановичюснинг таъкидлашича,  иккила компаниянинг олдиндаги ҳамкорлик ва стратегик мақсадлари бир-бирига мос келганлиги боис, ушбу шартномани имзолаш жараёни ҳам самарали кечди. Лойиҳани амалга ошириш учун тизимларни интеграция қилиш давомида синов ишлари олиб борилди. Натижада, Ўзбекистон бозор шароити талабларига жавоб берувчи оптимал ечим топилди.

TransLink.iQ дастурий таъминотининг авзалликлари қаторида, унинг турли русумдаги POS-терминаллар билан мувофиқ тарзда ишлаш қобилиятига эгалигидан ташқари, унда бизнес-харажатларни оптималлаштириш, дастурий таъминотларнинг янгиланиши ҳамда POS-терминаллар тармоқларини реал вақтда масофада туриб мониторинг қилиш ва бошқариш имконияти мавжудлиги ҳам муҳим омиллардан ҳисобланади. Платформа криптографик калитларни автоматлаштириш, масофадан эквайринг тармоғида эҳтимолли носозликларни руйхатдан ўтказиш ва тегишли чораларни кўриш имкониятини беради. TransLink.iQ халқаро тўлов тизимлари, EMV ва PCI ҳавфсизлик талабларига жавоб беради. Бу эса ўз навбатида, карта эгаларига тегишли маълумотларнинг ҳавфсиз сақланишини таъминлайди.

ASHBURN International компанияси Penki kontinentai ташкилоти гуруҳи аъзоси ҳисобланиб,  POS-терминаллар тармоғини мониторинг қилиш ва бошқаришни таъминлаш, транзакциялар бўйича маълумотлар етказиш, транзакциялар жараёнида маълум пул маблағини карта эгасига қайтариш каби вазифаларни бажарувчи ишланмаларни тақдим этади. Компания томонидан ижара хизматлари, банк қурилмаларини ўрнатиш ва уларга техник хизмат кўрсатилиб келинади. Шунингдек, ASHBURN International компанияси Болтиқбўйи, Ўрта Осиё ва Кавказ орти давлатлари орасида POS-терминаллар ишлаб чиқариш соҳасида мамлакат бўйлаб йирик ишлаб чиқарувчиси Ingenico Group компаниясининг расмий ҳамкори ҳисобланади. Компания томонидан тақдим этилувчи дастурий таъминот  ва қурилмалари сертификатланган ва VISAInternational, Mastercard Incorporated, American Express, Diners Club International, JCB ва UnionPay International халқаро  ташкилотлар томонидан белгиланган  EMV стандартлари талабларига жавоб беради.

Таъкидлаб ўтиш жоизки, Ўзбекистон бозор шароитига етакчи ахборот технологиялари ва электрон тўлов воситаларини жорий этиш мақсадида, Марказимиз қатор халқаро молиявий институтлар, тўлов ассоцияациялари, инновацион банк қурилмалари ишлаб чиқарувчилари  билан ҳамкорлик қилишни давом эттириб келмоқда.

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

Жамоат транспортида автоматлаштирилган тўлов тизими

  Замонавий тўлов технологиялари, авваламбор, бизнесда хизмат кўрсатиш тезлиги муҳим омиллардан бири ҳисобланган,  чакана савдо соҳасида кенг қўлланиб келинади. Жумладан, майда тўловлар ҳажмини инобатга олганда, жамоат транспортида нақд пулсиз тўловларни амалга ошириш жараёни мукаммал ҳисобланади.

Ягона умумреспублика процессинг маркази «BPC Group» халқаро холдинг компанияси билан ҳамкорликда ABT (account based ticketing) технологиялари асосида “STS”- «Smart Ticketing Solution» дастурий-таъминот мажмуини ишлаб чиқди. ABT – фойдаланувчининг шахсий ҳисоб рақамига асосланган,  жамоат транспортида амалга ошириладиган замонавий тўлов тизими ҳисобланади.  Тизим орқали амалга оширилган барча тўловлар эса, марказий серверда сақланади. Тизимнинг авзалликларидан бири, унда замонавий банк карталари (Uzcard, VISA, Mastercard, UPI, МИР) орқали тўловларни амалга ошириш имкониятининг яратилгани ҳамда режага мувофиқ,  бизнинг Марказимизга интеграция қилиниши ҳисобланади.

Мутахассисларимиз томонидан контактсиз тўловлар соҳасида яратилган қулайликларни инобатга олиб, транзакцияларни амалга ошириш жараёнида ҳавфсизликни таъминлаш ва транспорт компаниялари тизимида бенуқсон тизимни жорий этиш билан бирга, ушбу тизимни автоматлаштириш ишида инсон омилларига боғлиқликни минималлаштиришга алоҳида эътибор берилди.

P.S. БПЦ компанияси рақамли ва инновацион ишланмалар бозорида етакчи компаниялардан бири ҳисобланиб, дунёнинг 70 дан ортиқ мамлакатида ўз ҳамкорларига эга. Шунингдек, компания жамоат транспортида тўловларни амалга ошириш соҳасида автоматлаштирилган ишланмаларни жорий этишда кўпйиллик тажрибага эга. Сбербанк ҳамкорлиги доирасида Марказий Транспорт Платформасига уланган ҳамда амалга оширилган лойиҳалар рўйхатига Россия Федерациясининг 20 дан ортиқ шаҳарлари ҳам киритилган. 

 

 

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

Ўқитувчи ва мураббийлар куни муборак бўлсин!

Uzcard компанияси барча устозларни  Ўқитувчи ва мураббийлар куни билан чин қалбидан табриклайди.  Сизларга мустаҳкам соғлиқ, фаровонлик , маъсулиятли ва шарафли ишларингизда сабр, куч-қувват тилаб қолади.

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз

Карта эгаларининг мурожаат қилиш тартиби

  Бугун биз карта эгаларининг таклиф ва шикоятлари билан банк муассасаларига мурожаат қилиниш тартибига эътиборингизни қаратмоқчимиз. Мисол учун, агар пластик картангиз йўқолганини ёки карта ҳисобида маблағингиз камайганини аниқласангиз, зинҳор ваҳима қилманг ва асабийлашманг. Аввало, бу ва бошқа ҳолатлар аниқланганида сизга хизмат кўрсатаётган банкга мурожаат қилишингиз даркор. Банк ходими Сизнинг мурожаатингизни қабул қилиши ҳамда банк даражасида уни ҳал қилиш имкони бўлмаса, мижознинг аризаси асосида ҳамда сўровнома кўринишида Ягона умумреспублика процессинг марказига мурожаат қилиши керак. Марказимиз томонидан ушбу расмий сўровнома қабул қилинганидан сўнг, карта эгасининг муаммосини хал қилишга қаратилган чора-тадбирлар кўрилади. Агар муаммо Марказимиз даражасида хал қилинса, унинг жавоби бир кун давомида банк ихтиёрига юборилади. Бироқ, бир неча кун давомида муаммо сабаблари аниқланган ҳолатлар ҳам бундан мустасно эмас. Турли вазиятларда муаммоингиз бартараф этилишига ишонч ҳосил қилишингиз мумкин!

Интернет орқали харид: қаллоблардан ҳимоя қилиниш усуллари

  Бугунги кунга келиб, интернет тармоғи ўз фойдаланувчилари иҳтиёрига қатор сайтлар ва ижтимоий тармоқ турларини таклиф қилиб келмоқда. Ҳаётимизда интернет тармоқларининг ўрни шунчалик аҳамиятлики, ҳаттоки доимий равишда бир-биримизга хабарлар, файллар, фотосуратлар юборишимиздан ташқари, онлайн-харидларни ҳам амалга ошириб келамиз. Бундай сер маълумотлар шароитида оддий фойдаланувчи “йўқолиб қолиши” ҳам мустасно эмас.

Интернет тармоқларидаги қатор сайтлар орқали “фақат бугун ва дархол” чақириғи билан ташкиллаштирилган йирик чегирмаларни таклиф қилувчи харидларга ундовчи, бунинг учун сотувни расмийлаштириш учун пластик картангизга тегишли маълумотлар талаб қилинишини кузатиш мумкин.  Бундай чақириқларга ишониб, пул маблағларингиз йўқолиш ҳавфи мавжудлигини унутманг, доим огоҳ бўлинг!

Сайт ёки Telegram-bot орқали тўловларни амалга ошираётганингизда, уларнинг ҳақиқийлигига ва расмий эканлигига ишонч ҳосил қилинг. Сайтларнинг доменига алоҳида эътибор қаратинг. Ўз пул маблағларингизни йўқотишдан ёки уларни қайтариш усулларини излашга вақтингизни сарфлашдан кўра, сайтларнинг сертификатланганлигига вақт ажратинг.

Uzcard компанияси ўзининг расмий сайти ва интернетдаги расмий саҳифалар орқали сўнгги янгиликлари ва тавсилотларини эътиборингизга ҳавола этади:

Web: uzcard.uz

Facebook: Uzcrad

Instagram: uzcard24

Twitter: Uzcard

Мурожаатлар Uzcard  компаниясининг расмий call-марказининг 71-200-28-28 телефон рақами ҳамда  This email address is being protected from spambots. You need JavaScript enabled to view it. , This email address is being protected from spambots. You need JavaScript enabled to view it. электрон почтаси орқали қабул қилади.