Uzcard янгиликлари

«OXYGEN NETWORKS®» САВДО БЕЛГИСИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИГА АЙЛАНДИ

 Эндиликда «Woy-wo’» тўлов порталининг фойдаланувчиларига www.2oxygen.uz манзили орқали  шаҳарлараро ва халқаро алоқа хизматлари кўрсатилади.

 «OXYGEN NETWORKS®» - Ўзбекистон бозорида Тошкент худудидан ташқарида бўлган абонентлар учун  тезкор, сифатли, тежамкор алоқани таклиф қилувчи савдо белгиси. Бу дунёнинг исталган нуқтасига шахсий ёки  иш юзасидан қунғироқ қилиш учун таклиф қилинаётган энг мақбул таклифдир.

 Бугунги кунда «OXYGEN NETWORKS®» бир қатор хизматларни таклиф қилмоқда. Жумладан, ҳар бир мижоз исталган вақтда ўзининг қўнғироқларига тегишли статистика билан танишиши мумкин.

 Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – “Woy-wo’” Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади.

Скачать мобильное приложение платёжного портала Woy-wo’

Версия для Android

Версия для iOS

Ватанимиз мустақиллигининг 26 йиллиги билан табриклаймиз!

 Ягона Умумреспублика Процессинг Маркази бутун Ўзбекистон халқини  Ватанимиз мустақиллигининг 26 йиллиги билан табриклайди! Барчангизга осойишталик, юртимиз тинчлиги ва мамлакатимизни янада гуллаб яшнашини тилайди.  Жорий йилда халқимизга қўшалоқ байрамни нишонлаш насиб қилди. Фурсатдан фойдаланиб, барча мусулмон аҳлини ёруғ байрам – Қурбон Хайити билан муборакбод этамиз. Ҳар бир оилада тинчлик, хотиржамлик ва ҳурсандчилик ўрин эгалласин! 

Ҳурматли карта эгалари!

 Ягона Умумреспублика Процессинг Марказининг маълум қилишича, профилактика ишлари олиб борилиши муносабати билан 2017 йил 30 август соат 01:00 дан 02:00 гача POS ва E-POS терминаллари процессинг маркази билан вақтинчалик улана олмаслиги мумкин.

Вақтинчалик ноқулайликлар учун узр сўраймиз.

Ҳурмат билан, Маъмурият

«SkyLine» ИНТЕРНЕТ-ПРОВАЙДЕРИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИ БЎЛДИ

 Эндиликда  “Woy-wo’” тўлов портали фойдаланувчилари www.skyline.uz интернет сайти хизматларидан фойдаланишлари мумкин.   

 Бугунги кунга келиб, «SkyLine» компанияси Dial-Up, АDSL, SDSL, SHDSL, ВОЛС, Ethernet технологияларидан фойдаланган ҳолда тармоққа уланиш учун хизматларни таклиф қилади. Шунингдек, компания Cisco, ZyXEL, D-Link, HP каби замонавий ускуналар, ҳар бир АТС да сифатли оптик-толали алоқа линиялари, замонавий компьютер технологиялар ва интеллектуал тармоқлар соҳасида ўз мутахассисларига эга.

 «SkyLine» интернет-провайдери Тошкент шаҳрида ADSL-технологисидан фойдаланган ҳолда Интернетда уланиш нуқталарига эга. Шунингдек, корпоратив мижозлар учун Ўзбекистон ҳудуди бўйлаб уланиш имконияти ҳам кўриб чиқилади.

 Ҳозирги вақтга келиб, “Woy-wo’” тўлов портали билан  300 га яқин ҳамкорлик шартномалари тузилиб, мазкур портал орқали таъминотчи ташкилотлар ўз хизматларини тақдим этмоқда.

 Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – “Woy-wo’” Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади. 

Скачать мобильное приложение платёжного портала Woy-wo’

Версия для Android

Версия для iOS

Жорий йилнинг 2-чорак натижалари. e-commerce транзакциялар сони сезиларли қадамлар билан ўсмоқда

Электрон тижорат (E-Commerce)

 Ягона Умумреспублика Процессинг Марказининг маълумотига кўра, жорий йилнинг 2-чорак натижаларига кўра,  Ўзбекистонда электрон тижорат  (e-commerce) транзакциялар сони барқарор ўсишни намоён қилмоқда.

 Натижада, e-commerce транзакциялар сони  89,5 млн. ни ташкил қилиб, ўтган чоракнинг худди шу вақти оралиғидаги кўрсатилган натижаларига нисбатан 3,6% га кўпроқ эканлигини кўрсатмоқда. Жумладан, 1-чоракда ушбу кўрсаткич 86,4 млн.ни ташкил қилган эди.  2-чоракда электрон тижорат бўйича транзакцияларнинг бирлашган миқдори эса  16,7 трлн. сўмни ташкил қилиб, ўз ўрнида жорий йилнинг ўтган 1-чораги кўрсаткичларига кўра 16 трлн. сўмлик миқдорига нисбатан 4,4% ўсишни кўрсатиб турибди.

 

 1

 

2

Оффлайн карталар

 “Ўзкарт” банклараро тўлов системаси жорий йилнинг 2-чоракда  DUET (“оффлайн”)  карталар орқали амалга оширилган банклараро транзакцияларнинг умумий миқдори 44,9 минг транзакция билан 31,07 млрд.сўмни ташкил қилди.

UZCARD EMV (uzcard онлайн карталар)

 Статистик маълумотларга кўра, 2017 йилнинг 2-чорагида UZCARD онлайн карталарнинг умумий транзакциялар миқдори  267,7 млн.га етиб,   30,5 трлн. сўмни кўрсатди.  Шу ўринда “Ўзкарт” банклараро тўлов тизимининг оффлайн платформадан онлайн платформага ўтиши деярли тугатилди.

 

3

 

4

 

 Таъкидлаш жоизки, мамлакатимизда жорий йилнинг 2-чорагида  908,210 мингта пластик карталар ишлаб чиқилган бўлиб, ушбу кўрсаткич 1-чоракнинг худди шу муддатдаги кўсаткичидан 15,05% га кўпроқ эканлигини кўсатмоқда. Жорий йилнинг 1-чорагида бу кўрсаткич, яъни ишлаб чиқарилган карталар сони 789,380 мингтани ташкил қилган.

5

«WOY-WO’» тўлов портали bot орқали амалга оширилган тўловлар борасида бепул хабардор қилади

 Ягона Умумреспублика Процессинг Марказининг лойиҳаси бўлмиш «Woy-wo’» тўлов порталининг боти  Telegram ижтимоий тармоғида ўз ишини бошлади. Автоматлаштирилган робот  @uzwoywouzbot тезкор ва бепул тўловлар тўғрисида хабардор қилишни таклиф қилмоқда. Ботни юклаб олиш учун:

  • woy-wo.uz сайтида рўйхатдан ўтиш;
  • WOY-WO.UZ BOT га ўз телефон рақамингизни боғлашингиз керак.

 Юқоридаги  амалларни бажарганингиздан сўнг, сизга  амалга оширилган тўловларингиз тўғрисида WOY-WO.UZ BOT орқали смс-хабарлар келади. Ҳозирда ушбу bot қуйидаги 4 та вазифаларни бажаради:

  1. /sms_on  Бот орқали хабарлар қабул қилишни тўхтатиш (smsни ёқиш)
  2. /sms_off  Бот орқали хабарларни қабул қилиш (sms ни ўчириш)
  3. /start  Ботда рўйхатдан ўтиш
  4. /stop  Профильни бекор қилиш. Маълумотларни ўчириш (sms ни ўқиш)

Яқин кунларда WOY-WO.UZ BOT да Марказимиз мутахассислари томонидан қўшимча операциялар таклиф қилиниши режалаштирилган.

 

 

«АРЧАЗОР » ТОҒ КУРОРТИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИ БЎЛДИ

 Эндиликда «WOY-WO’» тўлов порталининг фойдаланувчилари  «АРЧАЗОР»  тоғ курорти хизматлари ва таклифларидан фойдаланшилари мумкин. 

 «АРЧАЗОР »  тоғ курорти дам олишни истовчилар учун  бир қатор қулайликларни таклиф қилади. Жумладан,  «АРЧАЗОР» тоғ курорти  Чимён тоғ этагидаги хушманзара жойда, аниқроғи  ҳудуддаги ягона қарағайзорда жойлашган.

 «АРЧАЗОР »  тоғ курортида нафақат оила билан бирга дам олишингиз мумкин, балки корпоратив ҳордиқдан ҳам баҳраманд бўлиш имкони бор. Шунингдек, ушбу тоғ курортига меҳмон бўлиб боришингиздан аввал сизда archazor.uz интернет сайтига кириб, таклиф қилинаётган хизматлар, курорт фаолиятига тегишли янгиликлар билан  тўлиқроқ  танишиш имкони бор.

 Woy-wo’ тўлов порталининг мобил иловасини юклаб олиш

Версия для Android

Версия для iOS

САВОЛЛАР ВА ЖАВОБЛАР

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

 Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1-Савол: Тошкент шаҳрида карточкалардан чекланган миқдорда пул ечиб олиш имкони бўлган банкоматлар ўз ишини бошлаганини кузатишимиз мумкин. Саволим шундан иборатки, банкоматлар орқали пул ечиб олиш эмас, балки тескариси, картага пул тўлдириш имкони борми?

Жавоб: Ҳозирги вақтда шаҳримизда ўрнатилган банкоматлар бундай хизмат турини таклиф қилмайди.

2-Савол:  Мен нафақахўрман. Нафақа пулимни карточка орқали оламан. Мени қизиқтирган савол шуки: агарда мен пластик картам орқали тўловларни амалга оширмасам, менга қандайдир бонуслар қўшиладими?

Жавоб: Карточкадаги қолдиқ суммага фоизлар белгиланиши Сизга хизмат кўрсатаётган Банк таклифларига боғлиқ. Ушбу саволингизга аниқлик киритмоқчи бўлсангиз ўз банкингизга мурожаат қилишингиз ўринли.

3-Савол:  Шу кунларда мен, Клик мобил тўлов дастури орқали чипта сотиб олмоқчи эдим. Баъзи техник носозликлар сабабли натижада, мен хам пулсиз, ҳам чиптасиз қолдим. Ушбу саволим билан Темир Йўллари кассасига мурожат қилсам менга чипта бахосининг 50% ни қайтариб беришди. Нега техник сабабларга кўра, мен ҳам пул йўқотишим, ҳам чиптасиз қолишим керак? Муаммоимни ечиш учун кимга мурожаат қилишим керак эди: Темир Йўлларигами ёки мобил тўлов дастуригами?

Жавоб:  Агарда Сиз тўловни амалга ошираётган вақтингизда  чипта сотиб олингани тўғрисида тасдиқ олмаган бўлсангиз, у ҳолда Клик мобил тўлов дастурига мурожаат қилиб, чипта сотиб олишда амалга оширилган транзакцияни бекор қилишни талаб қилишингиз керак.  Агарда сиз чиптани муваффақиятли харид қилиб, уни қайтармоқчи бўлсангиз бу масала Узбекистон Темир Йўлларининг амалдаги қоидаларига асосан ҳал қилинади.

Тадқиқот натижалари: чипли карталарга ўтилгандан сўнг фирибгарлик холатлари қисқарди

  PULSE тадқиқот ишларига кўра, АҚШ нинг молиявий институтлари чипли карталарни ишлаб чиқишгандан сўнг, фирибгарлик орқали дебет карталар бўйича  йўқотилиш кўрсаткичлари пасайгани қайд этилган.

 2015 йилдан бошлаб АҚШ да тахминан 80% дебет карталар чип каратларга конвертация қилинган. Тадқиқод натижаларига кўра, 2016 йилда фирибгарлик холатлари ўтган йилга нисбатан 28% га камайган.

 Тадқиқот муаллифларининг сўзларига кўра, бир қатор чора-тадбирлар кўрилгани учун дебет карталар бўйича йўқотилиш даражаси анча пасайган экан. Жумладан, картадан чипли картага ўтилгани, мобил савдода кенг токенизациядан фойдаланилгани ҳамда фирибгарликка қарши кураш қарорига сармоя киритилгани бундай натижаларга олиб келган.

 Шунга қарамай молиявий ташкилотлар учун фирибгарлик халигача жиддий муаммо бўлиб қолмоқда. 2016 йилда дебит карталар бўйича йўқотилиш 900 млн АҚШ долларини ташкил қилган.

 Ўтган йили дебет карталарни ишлатиш  кўрсаткичи ўсган. Тадқиқот натижалари 2016 йилда дебет картлар орқали амалга оширилган транзакциялар 7% га, дебет карталарни ишлаб чиқарилган миқдори эса 1 % га ўсганини кўрсатмоқда.

Белгилаб ўтиш жоиз, тадқиқотда йирик банклар ва кредит уюшмаларидан ташқари 50 та молиявий ташкилотлар иштирок этди.  

«TEST&KITOB online kitob do’koni» «WOY-WO’» тўлов порталининг янги ҳамкори бўлди

«TEST&KITOB online kitob do’koni» интернет дўкони «WOY-WO’» тўлов порталининг янги ҳамкорига айланди

Эндиликда «WOY-WO’» тўлов порталининг фойдаланувчилари юқорида айтиб ўтилган интернет дўконнинг  www.tak.uz сайти орқали харидларни амалга оширишлари мумкин. Ушбу интернет дўкон сайтдаги харидорлар учун бир қатор қулайликларни таклиф қилади. Жумладан,  www.tak.uz  сайти ўқувчиларига исталган жанрдаги китоблар каталогини ҳавола қилади. Айтиб ўтиш жоизки, «TEST&KITOB online kitob do’koni» ўз фойдаланувчиларига қулай ҳамда тезкор равишда китобларга эгалик қилиш имконини беради.

Скачать мобильное приложение платёжного портала Woy-wo’

Версия для Android

Версия для iOS