Uzcard янгиликлари

Woy-wo’ тўлов порталининг янги хизмати

899

Янада қулай, янада тез...

Woy-wo’ тўлов порталининг янги хизмати

Woy-wo’ тўлов порталида USSD-хизмати ишга тушди

 

 

Бу нима?

Woy-wo’ тўлов порталининг USSD-хизмати мобил телефондан юборилган махсус сўровлар ёрдамида банкка мурожаат этмай туриб Сизга таъминотчилоримиз таклиф этган товар/хизматлар учун тўловни амалга ошириш имкониятини беради.

Эслатма! Товар ва хизмат таъминотчилари учун тўловларни Woy-wo’ орқали қабул қилиш (2-3 маротабага) арзонлашди.

Ҳозирги кунда Woy-wo’ порталига уланган таъмиинотчилар сони 149 тага етди. Таъминотчилар рўйхати билан www.woy-wo.uz сайтида танишишингиз мумкин.

 

Бу қандай ишлайди?

Энди Woy-wo’ тўлов порталининг USSD-менюсини чақириш учун мобил телефонингиз орқали *899# ни териш кифоя. Натижада интернетга уланмай туриб Сиз телефон балансини тўлдиришингиз, интернет провайдерлар учун тўловни ёки коммунал тўловларни амалга оширишингиз, ҳамда  харид қилишингиз мумкин бўлади.

899 

Маълумот учун:

Ушбу хизматдан фойдаланиш учун аввал сиз инфокиоскада СМС-хабарлар хизматини ёқтиришингиз керак бўлади. Сўнг:  *899# териб чақирув тугмасини босинг ҳамда экранда кўрсатилган маълумотларни киритинг. ШИР-кодини (ПИН-код) теришингиздан сўнг Woy-wo’ тўлов порталига уланганлик тўғрисидаги тасдиқномани кутинг.

 

Қандай афзалликларга эга?

  • Ушбу хизмат телефон русуми қандайлигидан қатъий назар товар/хизматлар учун тўловни амалга ошириш имкониятини беради.
  • Тўловлар тўғрисидаги хабарлар ўз вақтида келади.
  • Қўшимча комиссион тўловлар йўқ.
  • Интернетга уланишни талаб этмайди.
  • Фойдаланишнинг қулай эканлиги.

Ушбу USSD-хизматидан UZMOBILE GSM абонентлари фойдалана оладилар.

Саволлар ва жавоблар

Ҳафтанинг ҳар жума кунлари www.uzcard.uz сайтида бизга келаётган мурожаатларга жавобларни нашр қилиб борамиз. Бераётган саволарингиз учун миннатдормиз. Ҳар бир савол ўз навбатида бизга камчиликларни бартараф этишга, ҳамда хизмат кўрсатиш сифатини оширишга ёрдам бермоқда.

Шунингдек, сизнинг ижобий фикр-мулоҳазаларингиз бизга кўмак бермоқда.

Саволларингизни ушбу  This email address is being protected from spambots. You need JavaScript enabled to view it. электрон почта манзилига юборишингиз мумкин.

Саволларга жавоблар.

1.  Қанча миқдоргача мен мобил илова орқали картадан картага пул ўтказишим мумкин?

Жисмоний шахслар учун мобил илова орқали картадан картга пул ўтказишда бир ой муддатга чекловлар мавжуд – ҳозирги кунда  Алоқабанк, Агробанк ва Савдогарбанкларда ушбу пул ўтказиш чегаравий миқдори 5 млн. сўм деб белгилан бўлса, қолган банкларнинг кўпчилигида 1 млн. сўмдан ошмаган маблағни ташкил қилади.

Агар сиз банкка бевосита ариза билан мурожаат килсангиз, картадан картага пул утказишда чекловлар мавжуд эмас.

2.  Агар пластик картамнинг устки қисмида 11/2016 санаси ёзилган бўлса, мен қайси санагача картамдан фойдаланишим мумкин?

11/2016 санаси сиз картангиздан 2016 йилинг 30 ноябригача фойдаланишингиз мумкин деган маънони англатади. 1 декабр 2016 йилдан бошлаб картанинг ишлатиш муддати тугайди. Сиз карта берган банкка мурожаат этиб, янги пластик картани олишингиз мумкин.

3.  Хайрли кун! Менинг картамга бошқа шаҳардан махфий код билан пул ўтказишди. Лекин мен пулни қабул қила олмаганлигим туфайли пул ўтказмани бекор қилган бўлсамда, пул юборувчига пул қайтиб келмади. Бундай ҳолларда мен нима қилишим керак?

Сизнинг мурожаатингизда қандай карта ва қайси тизим орқали ушбу ўтказмани бажарганингиз бизга номаълум. Илтимос, сизга карта берган банкка мурожаат қилишингизни сўраймиз.

4.  «WOY-WO’» интернет тўлов портали орқали амалга оширилган коммунал тўловлар ва бошқа тўловлар квитанциясини қай йўсинда олиш мумкин?

Сиз «WOY-WO’» порталидан рўйхатдан ўтиб, товар ва хизматлар учун тўловларни амалга оширганингиздан сўнг, ўз саҳифангизда тўловларингиз тариҳига кириб, тегишли тўловни танлаб, чекни сақлаб қўйишингиз ёки уни принтерда чоп этишингиз мумкин бўлади.

ЯУПМ PR-хизмати

Пластик карта эгасига ноодатий маслаҳат!

Картага нотўғри ШИР-кодини ёзиб қуйинг!

  

uzcard idea

Банк мижозларининг кўпчилиги картага унинг ШИР-кодини (ПИН-код) ёзмаслик кераклигини, шунингдек хамёнда карта билан биргаликда  унинг ШИР-кодини олиб юриш мумкин эмаслигини билишади. Банкларнинг кўпчилиги эса ШИР-кодни сақлаб қўйишни маслаҳат қилмайдилар. Шунинг учун ушбу кодни фақатгина ёдда сақлаш орқали коднинг хавфсизлигини таъминлай оласиз. Лекин одатда хотира панд берадиган ҳоллар мавжуд.

Хотирада сақлашнинг осон йўллари ҳам бор. Бу шахсан ўзингизга маълум бўлган сана! Албатта, сиз ва яқинларингизнинг туғилган саналари картанинг ШИР-коди бўла олмайди, чунки бу саналарни кўпинча ижтимоий тармоқ орқали билиб олиш мумкин.

ШИР-кодни сақлашнинг хавфсиз йўли – бу мобил телефонингизда ушбу кодни телефон рақам сифатида сақлашдир. Мисол учун мобил телефоннинг “Контакты” саҳифасида ёки ён дафтарчага янги контакт яратасиз, ҳамда унинг оҳирги тўртта рақами ўрнига ШИР-кодни киритасиз.  Контакт яратаётганда асло “ШИР” (“ПИН”) сўзини ёзманг.

Карта қаллобларидан пластик картангизнинг хавфсизлигини таъминлаш учун қуйидаги айёрона усулдан фойдаланишингиз мумкин. Яъни карта устки қисмига нотўғри ШИР-кодини ёзиб қўйинг. Карта ёқолганда ёки ўғирланганда қаллоблар карта устки қисмида ёзилган ШИР-коддан фойдаланадилар ва картангиз блокка тушиб қолади(уч маротаба нотўғри код киритилганда). Сиз эса бу вақт ичида банк ҳодимларини огоҳлантиришга улгурасиз.  

 

ЯУПМ PR-хизмати

 

Саволлар ва жавоблар

Бизнинг реклама ва жамоатчилик билан ишлаш бўлимимизга келиб тушадиган  мурожаатларга жавобларни ҳар жума кунлари «Саволлар ва жавоблар» саҳифасида жойлаштирамиз.

Саволлар-жавоблар.

1.  Давлат солиқ қўмитасига тўловларни, яъни ер, мол-мулк солиғи ва шунга ўхшаш солиқ тўловларни онлайн тарзда амалга ошириш бўйича хизмат кўрсатишни режалаштирганмисиз?

Ҳозирда ҳодимларимиз “Woy-wo’” лойиҳаси устида ишлашни давом эттирмоқдалар. Яқин кунладра “Woy-wo’” тўлов портали ва мобил иловаси орқали солиқларни тўлаш хизматини ишга тушириш режалаштирилмоқда.

2.  Агар савдо-хизмат шохобчаси вакили менинг картамга хизмат кўрсатишни инкор қилса, бундай ҳолатда қандай йўл тутишим керак?

Агар тадбиркор товар хариди ёки кўрсатилган хизмат учун тўловни пластик карта орқали қабул қилмаса ёки олинган товар учун чек бермаса, булар ҳақида Давлат солиқ қўмитаси ва давлат солиқ хизмати ҳудудий органлари “ишонч телефонларига” хабар беринг.

Тошкент ДСБ ишонч телефони: 244-54-86.

3.  Мен Агробанк пластик картасидан микрокредит банк картасига 500 000 сўм пул ўтказмоқчиман. Бунинг учун қабул қиловчи ўз картасида Pay me дастурини ўранатиши керак бўладими? Ушбу амилиётни бепул бажариш учун нима қилиш керак?

Картадан картага пул ўтказиш амалиётини бажариш учун, пул қабул қиловчи картасида “СМС-хабарлар” хизматини ёқтирган бўлиши керак. Ушбу амалиётни бепул амалга ошириш учун, сиз, яъни пул ўтказувчи ўз банкига ариза билан мурожаат этиши керак бўлади.

4.  DUET картани қандай қилиб On-line картага алмаштириш мумкин?

UZCARD EMV (Online) картасини очиш учун исталган пайтда банкка ариза билан мурожаат қилишингиз мумкин. Ҳар бир банкнинг ўз муддатлари  ва шартлари бор, ушбу маълумотни ўзингизга яқин бўлган банк филиалидан билиб олишингиз керак бўлади.

 

Саволларингизни ушбу  This email address is being protected from spambots. You need JavaScript enabled to view it.  электрон почта манзилига юборишингиз мумкин.

Саволлар ва жавоблар

Ҳафтанинг ҳар жума кунлари www.uzcard.uz сайтида бизга келаётган мурожаатларга жавобларни нашр қилиб борамиз. Бераётган саволарингиз учун миннатдормиз. Ҳар бир савол ўз навбатида бизга камчиликларни бартараф этишга, ҳам хизмат кўрсатиш хизмати сифатини оширишга ёрдам бермоқда.

Шунингдек, сизнинг ижобий фикр-мулоҳазаларингиз бизга кўмак бермоқда.

Саволларингизни қуйида келтирилган изоҳ саҳифасига, ҳамда  ушбу  This email address is being protected from spambots. You need JavaScript enabled to view it. электрон почта манзилига юборишингиз мумкин.

Саволларга жавоблар.

1.   Бир картани икки телефон рақамига улаш мумкинми?

Йўқ. SMS-хабарлар хизматини ёқишда картани фақатгина битта мобил рақамига улаш мумкин. Лекин битта мобил рақамига икки ва ундан ортиқ бўлган карталарни ушбу хизматни улаш имконияти мавжуд.

2.   SMS-хабарлар хизматини мобил телефони орқали қандай ўчириш мумкин?

Афсуски SMS-хабарлар хизматини мобил телефони орқали ўчириш имконияти йўқ. Ушбу хизматни фақат инфокиоска ва банкда ўчириш мумкин.

3.   Қай тарзда картадан картага пул маблағларини бепул ўтказиш мумкин?

Пластик картадан бошқа бир пластик картага пул ўтказиш амалиётини бепул амалга ошириш учун, пулни бошқа пластик карта хисоб рақамига тушурмокчи бўлган карточка эгаси банкига ариза билан мурожаат этиши керак. 

Биз ваъда берган эдик ва биз ваъдамиз устидан чиқдик!

Woy-wo’ мобил иловаси – энг фаол фойдаланувчилар учун!

Сизга қулайлик яратувчи мутлақо янги Woy-wo’ тулов порталининг мобил иловаси

Мобил воситалар фойдаланувчилари учун янги имконият пайдо бўлди - Woy-wo’ мобил иловаси. Энди мобил воситадан тўловни амалга ошириш янада қулай бўлди!

Мобил илова мобил воситалар учун махсус мослаштирилган ва асосий сайтнинг тўлиқ функциялари сақланиб қолинган, хусусан, сиз, аввалгидек,  ҳеч қандай ортиқча ҳаракатларсиз товар/хизмат учун тўлов қилишингиз мумкин.

Харидор учун хизматнинг асосий қулайлиги тўловни амалга оширишдаги вақтни тежаш бўлиб, “Тўлаш” тугмасини босиш билан муваффақиятли тўловни амалга оширишни тасдиқлашгача бўлган вақтни қамраб олади, бу эса ўртача бир неча сониядан иборат бўлади.

Илова портатив воситалар учун мўлжалланганлигини инобатга олиб, уни яратишда асосий урғу унинг функционал тарафига берилган.

Ушбу қулай жиҳоз онлайн режимда товар ва хизматлар тўлови учун! Woy-wo’ мобил иловаси фойдаланувчилари учун  PLAY Market ва AppStore да бепул кўчириб олиш имконияти мавжуд.

Тез орада Woy-Wo’ тўлов порталининг USSD-хизмати ишга тушади, бу сизга мобил воситадан юборилган  махсус сўровлар орқали, бизнинг ҳамкорларимиз томонидан тақдим қилинаётган товар/хизматлар учун тўловни банкка бормасдан ва интернет тармоғига уланмасдан амалга ошириш имконини беради.

Саволлар ва жавоблар

Саволлар учун раҳмат, сизнинг саволларингиз биз учун жуда муҳим, бунинг натижасида биз пластик карталарга хизмат кўрсатиш сифатини оширябмиз ва камчиликларини аниқлаябмиз. Шунингдек,  кўплаб ижобий фикрлар билдирилмоқда. Иштирокингиз ва қўллаб-қувватлаётганингиз учун рахмат!

Саволларингиз билан шу ерда изох, сифатида ёки This email address is being protected from spambots. You need JavaScript enabled to view it.  почта адресига хат ёзиб мурожаат қилишингиз мумкин.

     1. Мен яқинда Woy-wo’ тўлов порталида USSD-хизмати ишга тушиши ҳақида эшитдим, телдефонимдан қандай кодни теришим керак бўлади?

Woy-Wo тўлов портали USSD –хизмати Сизга мобил аппаратингиздан юборилган махсус сўровлар орқали, бизнинг ҳамкорларимиз томонидан кўрсатиладиган  хизматлар учун, бевосита банкка бормасдан,  тўловни амалга ошириш имконини беради. UZCARD пластик карталари эгалари Интернетга уланмаган ҳолда, бир неча сониялар ичида, коммунал хизматлар, интернет провайдер хизматлари учун тўлов қилиш, телефон ҳисоби балансини тўлдириш, интернет-магазиндан харидни амалга оширишлари мумкин. Бунинг учун мобил аппарати клавиатурасидаги клавиш орқали (“Чақирув”, "Send" ёки "Yes")  қисқа рақамга (899) сўров юборишнинг ўзи кифоя қилади.

     2. Инфокиоск ва банкоматнинг фарқи нимада?

Банкомат (“банк автомати”дан) – дастурий-техник мажмуа бўлиб, тўлов карталари орқали нақд пул маблағларини бериш учун мўлжалланган, шунингдек товар ва хизматлар учун тўловни амалга ошириш, муайян операцияларни тасдиқловчи ҳужжатларни тайёрлаш каби бошқа операцияларни хам бажаради.

Инфокиоск – бу банк тўлов картаси ёрдамида операцияларни амалга оширишга мўлжалланган мослама (балансни билиш, смс-ахборот хизмати ва ш.к.), шунингдек реклама, маълумот бериш хизматларини кўрсатади..

     3. Агар картада пул бўлса-да, POS-терминал транзакцияни амалга оширишни рад қилса (хатолик кўрсатса) нима қилиш керак?

Бу индивидуал ҳолат, ушбу муаммони сизга хизмат кўрсатётган банкка мурожаат қилиб аниқлашингиз мумкин.

     4. UZCARD пластик картамдаги CVV-кодни  қандай билиб олсам бўлади? Интернетда харидни амалга оширмоқчиман.

UZCARD тизими пластик карталарида CVV-кодидан фойдаланилмайди.

     5. Агар мен энди ушбу банкнинг мижози бўлмасам ва картанинг яроқлилик муддати ўтиб кетган бўлса, картани банкка қайтаришим шартми?

Картани қайтарганингиз маъқул, мижозни хафвсизлиги учун бу элементар ғамхўрлик ҳисобланади. Карта қайтариб берилгандан сўнг, банк ходимлари уни зудлик билан яроқсиз ҳолатга келтиришади.

Саволлар ва жавоблар

Бизнинг реклама ва жамоатчилик билан ишлаш бўлимимимзга ҳар куни мурожаатлар келиб тушади, ҳар жума кунлари уларнинг энг долзарб бўлганларига жавоб беришга ҳаракат қиламиз.

     1. DUET картани қандай қилиб On-line картага алмаштириш мумкин?

UZCARD EMV (Online) картасининг янги кўринишдаги турини очиш учун исталган пайтда банкка ариза билан мурожаат қилишингиз мумкин. Ҳар бир банкнинг ўз муддатлари  ва шартлари бор, ушбу маълумотни ўзингизга яқин бўлган банк филиалидан билиб олишингиз керак бўлади.

     2. Ассалому алайкум. Якка тартибдаги тадбиркорнинг корпоратив картасидан қонун доирасида қандай мақсадларда фойдаланиш мумкин?

Якка тартибдаги тадбиркорлар томонидан миллий валютадаги банк карталаридан фойдаланиш тартиби тўғрисида

Низомига кўра (Марказий банк Бошқарувининг 2008 йил 19 июлдаги 16/2-сон қарори билан тасдиқланган, Адлия Вазирлигидан 04.09.2008й. №1850 сон билан рўйхатдан ўтказилган):

Якка тартибдаги тадбиркор банк карталаридан фақат унинг бевосита ишлаб чиқариш, савдо, хизмат кўрсатиш ва ишларни бажариш фаолияти билан боғлиқ бўлган қуйидаги харажатлари учун тўловлар амалга оширилиши мумкин:

     а) хом ашё ва материаллар (шу жумладан қурилиш материаллар), ярим фабрикатлар, фурнитура, асбоб-ускуналар сотиб олиш;

     б) коммунал тўловлар (иситиш, иссиқ сув, ичимлик сув, оқова, электр энергияси, газ ва чиқинди учун тўловлар);

     в) ижара тўловлар;

     г) солиқ ва бошқа мажбурий тўловлар;

     д) чакана савдо фаолияти билан шуғулланувчи якка тартибдаги тадбиркорлар томонидан аҳолига нақд пулга сотиш мақсадида харид қилинган товарлар учун;

     е) жорий фаолияти билан боғлиқ бошқа харажатларни тўлаш учун.

      3.  Мен пластик карта эгаси - жисмоний шахсман. Ўзимнинг картамга қандай қилиб нақд пулни ўтказиб олишим мумкин?

Пул маблағлари карта эгасининг карта ҳисобига қуйидаги йўллар билан ўтказилиши мумкин:

  • карта ҳисобига нақдсиз кўринишда маош, пенсия, дивиденд, стипендия ва ҳоказолар кўринишида ўтказилиши;
  • сизга хизмат кўрсатаётган банк бўлинмасида “картадан картага ўтказиш” операцияси (транзакция) орқали;
  • исталган банк бўлинмасида нақд пулни ўтказиш орқали

Нақд пулни картангизга ўтказиш учун банкка ариза билан мурожаат қилишингиз лозим.

      4. Сизга қуйидаги саволим билан мурожаат қилмоқчиман, хусусий корхона таъсисчиси ўзининг дивидендларини (солиқлар тўлангандан кейинги даромад) шу банканинг ўзида очилган ўзининг депозит ҳисобига ўтказди. Пул маблағларини жисмоний шахс депозит ҳисобидан ечиб олишда банк хизматлари учун % ушлаб қолишга ҳақлими?

Банк операцияларини амалга ошириш бўйича қарорлар қабул қилишда банклар мустақилдир. Банк ва унинг мижозлари ўртасидаги муносабатлар шартнома асосида амалга оширилади. Пул маблағларини ечиб олиш ёки ўтказиш билан боғлиқ керакли маълумотларни олиш учун банк раҳбариятига мурожаат қилишингизни тавсия қиламиз.

     5.  Мен мобил приложения орқали ўзимнинг Ипотека банкдаги пластик картамдан InvestFinance Банк картасига 2 млн сўмни ўтказмоқчи эдим, лекин рад қилишди, нима учун?

Жисмоний шахслар учун мобил приложенияорқали картадан картга пул ўтказишда бир ой муддатга чекловлар мавжуд – ҳозирги кунда кўп банкларда ушбу лимит 1 млн. сўмдан ошмаган маблағни ташкил қилади.

Агар сиз банкка бевосита ариза билан мурожаат килсангиз, картадан картага пул утказишда лимит урнатилмайди.

Агар сизда хам саволлар бўлса, саволингизни This email address is being protected from spambots. You need JavaScript enabled to view it.   электрон манзилимизга йўлланг ва биз саволингизга қисқа муддат ичида жаовб беришга ҳаракат қиламиз.

ЯУПМ PR-хизмати

Аниқ фойда ва сезиларли афзаллик!

Тез кунда! Woy-Wo' тўлов портали USDD-хизмати

Олдинроқ хабар берганимиздеқ “Woy-wo'” интернет тўлов портали - бу пластик картадан фойдаланувчиларга товар ва хизматларни онлайн тўловини амалга ошириш имконини берувчи платформа. “Way-wo” тизими on-line режимда 24 соат мобайнида ишлайди. Айни пайтда платформа www.woy-wo.uz интернет сайти кўринишида ишламоқда. Тизимнинг асосий имкониятларидан бири  «Uzcard EMV» (Узкарт Онлайн) пластик картаси фойдаланувчисининг  банк ҳисобидан  мобил тўловларни тўғридан-тўғри ўтказа олишидадир.

Энди биз пластик карта эгалари учун USSD-хизматини тақдим қилмоқчимиз.

Маълумот: USSD (Unstructered Supplementary Service Data) - GSM тармоқларидаги стандарт хизмат бўлиб, тармоқ абоненти ва  хизмат иловаси ўртасидаги ўзаро интерактив  алоқани  қисқа хабарлар юбориш режими орқали ўрнатиш имконини беради.

Woy-wo тўлов портали USSD - хизмати нима?

Woy-wo тўлов портали USSD - хизмати Сизга мобил аппаратдан юборилган махсус сўровлар орқали, банкка бормасдан, бизнинг ҳамкорларимиз кўрсатаётган хизматлар учун тўловни амалга ошириш имконини беради. Яъни, UZCARD пластик карталари эгалари бир неча сониялар ичида, ИНТЕРНЕТга боғланмасдан, коммунал хизматлар, интернет провайдери учун тўлов қилиши, мобил телефон ҳисоби балансини тўлдириши, интернет-магазиндан бирор нарса сотиб олиши мумкин.

Бунинг учун мобил аппарат клавиатураси ёрдамида 899 қисқа рақамини териш ва “Чақирув”, “Send”,”Yes” клавишлари билан сўров юборишнинг ўзи етарли.

WOY-WO платформаси USSD хизматининг асосий афзалликлари:

  • Хизмат телефон моделининг исталган туридан биргина қисқа сўров юбориш   орқали товар/хизмат учун тўловни амалга ошириш имконини беради.
  • Амалга оширилган тўловлар ҳақида ўз вақтида хабар олинади.
  • Бепул фойдаланиш, тўлов учун комиссия йўқ.
  • Интернетга боғланишга зарурат йўқ.
  • Фойдаланишдаги осонлик ва  қулайлик.

Бизнинг янгиликларимизни кузатиб боринг, тез кунда хизмат ишга тугади, Woy-wo тизими USSD-интерфейси тўлиқ кўрсатмалари ҳақида маълумот берамиз.

UZCARD ICTFORUM 2016да иштирок этди

ICTWEEK ахборот-коммуникация тенхнологиялари ҳафталиги доирасида 2016 йилнинг 21-22 сентябрь кунлари Халқаро бизнес марказда ICTFORUM 2016 бўлиб ўтди.

“Интернет форум”сессияси доирасида бизнинг “ЯУПМ” МЧЖ ҚК вакиллари маърузалар билан иштирок этишди, унда “Тўлов карталарининг хавфсизлиги” ва “Электрон тўловларнинг ривожланиши” каби муҳим мавзуларга эътибор қаратишди.

Ҳозирги кунда, ахборот-телекоммуникация технологияларидан кенг фойдаланган ҳолда  пул активлари ва тўловларни нақдсиз кўринишга ўтаётган даврда, ахборот хавфсизлиги масалалари тобора долзарб тус олмоқда. Ахборот хавфсизлиги бошқармаси Етакчи мутахассиси ўзининг “UZCARD да хавфсизлик ечимлари” маърузасида маҳаллий онлайн тўлов карталари (UZCARD) хавфсизлиги билан боғлиқ бир қатор муаммолар ечимларига тўхталди.

Ўзбекистонда фойдаланувчилар орасида электрон тўловлар тизимининг жадал ривожланиши ва интернет хизматларининг тезкор оммалашувини инобатга олган ҳолда, Ягона Умумреспублика Процессинг Маркази томонидан замонавий ягона интернет тўловлари порталини яратиш бўйича катта ҳажмдаги ишлар амалга оширилди. Амалга оширилаётган ишлар хусусида Ривожланиш ва оптимизация қилиш бўлими Етакчи мутахасиси,  Woy-wo’ лойиҳаси менежери фикр юритиб, Ўзбекистондаги электрон тўловлар афзалликлари ва муаммолари тўғрисида ва янги «Woy-wo’» ахборот-тўлов портали ҳақида мулоҳазаларини билдирди.

Юқори савияда ўтказилган ушбу табдирни ташкил қилганлиги учун ташкилотчиларга алоҳида миннатдорчилигимизни билдирамиз. Бу ерда мутахассислар ахборот-коммуникация технологиялари соҳасида янги маълумотларга эга бўлиш ва тажриба алмашиш имкониятини қўлга киритишди.