Uzcard янгиликлари

Саволлар ва жавоблар

Саволлар учун раҳмат, сизнинг саволларингиз биз учун жуда муҳим, бунинг натижасида биз пластик карталарга хизмат кўрсатиш сифатини оширябмиз ва камчиликларини аниқлаябмиз. Шунингдек,  кўплаб ижобий фикрлар билдирилмоқда. Иштирокингиз ва қўллаб-қувватлаётганингиз учун рахмат!

Саволларингиз билан шу ерда изох, сифатида ёки This email address is being protected from spambots. You need JavaScript enabled to view it. почта адресига хат ёзиб мурожаат қилишингиз мумкин.

1. Агар савдо-хизмат шохобчаси вакили менинг картамга хизмат кўрсатишни инкор қилса, бундай ҳолатда қандай йўл тутишим керак?

Агар тадбиркор товар хариди ёки кўрсатилган хизмат учун тўловни пластик карта орқали қабул қилмаса ёки олинган товар учун чек бермаса, булар ҳақида Давлат солиқ қўмитаси ва давлат солиқ хизмати ҳудудий органлари “ишонч телефонларига” хабар беринг. Тошкент ДСБ ишонч телефони: 244-54-86. Ишонч телефонлари тўлиқ рўйхати шу ерда.

2. Қандай мобил иловалар ёрдамида картадаги пул маблағлари ҳолатини кузатиб бора оламан?

Картангиздаги пул маблағларининг ҳаракати ҳақидаги тўлиқроқ маълумотни олиш учун карта эгаларига  Uzcard мобил иловаси ёки my.uzcard.uz портталидан фойдаланишни тавсия қиламиз.

3. Ассалому алайкум! Ипотека банкдаги ўзимнинг on-line картамдан шу банк картасидан фойдаланувчи бошқа жисмоний шахс картасига пул маблағларини ўтказа оламанми? Агар мумкин бўлса, қандай қилиб?

Картадан картага пул маблаҳларини ўтказишнинг икки хил йўли мавжуд:

      1) UZCARD мобил иловаси ёрдамида;

     2) Ипотека банкка ариза билан мурожаат қилиш.

4. UZCARD EMV (Online) картасини интернет орқали очса бўладими? Рахмат!

Бу масала юзасидан тизим банклари кўп марта бош қотиришган. Лекин қонунчиликка кўра, картани очиш жараёнида жисмоний шахснинг шахсини тасдиқловчи ҳужжат билан банкда бевосита иштирок этилиши талаб этилади.

5. Биз интернет-провайдерлик хизматини кўрсатамиз, Woy-wo тўлов портали билан қандай шартнома тузишимиз лозим?

E-POS  орқали электрон тўловлар процессинги хизматини кўрсатиш учун “ЯУПМ” МЧЖ ҚК билан шартнома тузиш тўғрисидаги тўлиқ маълумот билан шу ерда танишишингиз ёки (+99871) 238 69 76 рақамига қўнғироқ қилиб олишингиз мумкин.

6. Ассалому алайкум, менда муаммоли ҳолат юзага келди, картани анча олдин олган эдим, кўп фойдаланганимдан ундаги барча маълумотлар ўчиб кетди, уларни қандай қилиб қайта тиклай оламан?

Сиз банкка мурожаат қилишингиз керак, у ерда график персонализатор орқали барча ёзувларни қайта тиклаб беришади. Агар карта ДУЭТ платформасига тегишли бўлса, карта эгасин инг аризасига кўра янги кўринишдаги UZCARD картаси тақдим этилиши мумкин.

Карта ҳисоби карта рақамидан нимаси билан фарқ қилади?

Ҳозирги кунда тўловни амалга ошириш ёки ҳисобни тўлдириш учун банкка мунтазам равишда боришга вақт хам имконият хам етарли эмас. Шуни инобатга олган ҳолда, банклар бизга операцияларни амалга ошириш имконини берувчи пластик карта ҳисобларини таклиф қилишмоқда, бу эса бизни доимий банкка қатнашдан халос этади. Пластик карта ёрдамида биз шу пайтнинг ўзида дўконда харидларимиз учун ҳисоб-китоб қилишимиз ёки кўрсатилган хизмат учун тўловни амалга оширишимиз мумкин. Шунинг учун, ҳар биримизнинг ҳамёнимизда пластик карта бор, эҳтимол, бир нечта карта бор. Келинг карта ҳисоби карта рақамидан нимаси билан фарқ қилишига ойдинлик киритамиз.

Пластик картани расмийлаштириш билан бир пайтда мижозга ушбу пластик картага боғланган карта ҳисоби хам очилади. Ушбу карта ҳисоби – сизнинг пулингиз келиб тушадиган ва сақланадиган жой ҳисобланади.

Карта номери – пластик карта устига туширилган 16та сондан иборат рақам. Ушбу рақам фақатгина муайян пластик картанинг кўрсаткичи бўлиб, ундан пул ечиш ёки ҳисобни тўлдириш каби операциялар амалга оширилади, карта ҳисоби эса банк ҳисоби бўлиб, унда пул сақланади.

Карта ҳисобининг карта рақамидан нимаси билан фарқ қилишига мисоллар:

  1. Биргина карта ҳисобига турли хил карта рақамлари билан бир нечта пластик карталарни боғлаб қўйиш мумкин. Одатда бундай қўшимча карталардан оилавий фойдаланилади: эри, хотини, фарзандлари. Яъни, пул тушадиган ҳисоб битта, мисол учун – эрининг маоши, ушбу ҳисобдаги пулдан ҳар бир оила аъзоси шахсий картаси орқали фойдалиниши мумкин.
  2. Худди шу схема корпоратив картадан корпоратив ҳаражатлар қилинганда хам кузатилади, компания ҳисоби битта бўлишига қарамасдан, ҳар бир ходим белгиланган лимит доирасида ўз картасига эга бўлади.
  3. Одатда ҳар бир пластик карта бир йилдан уч йилгача бўлган амал қилиш муддатига эга бўлади. Муддат тугаши билан, эски карта ўрнига янги карта рақами билан бошқа карта расмийлаштириш мақсадида банкка мурожаат қилишингиз мумкин ва бу ҳолатда мавжуд банк ҳисоби ўзгармай қолади.

Маъжозий маънода карта бу унинг ортида пулингиз сақланаётган эшикнинг калити, бу калитни алмаштириш, нусхасини кўпайтириш, йўқотиш, бошқа шахсга бериш, синдириш ва ҳ. қилиш мумкин, лекин карта ҳисоби бу эшик ортидаги хонадир. 

Пулни картада сақлашнинг бир нечта сабаблари

Пластик картага эгалик қилувчиларнинг сони йил сайин эмас, балки кун сайин тобора кўпайиб бормоқда. Агар авваллари уйда пул маблағлари совутгичда, матрас остида, ёстиқ тагида, кийимларда ва ҳатто тасаввурингизга хам сиғмайдиган жойларда сақланган бўлса, эндиликда мамлакатимизнинг кўплаб фуқаролари тежалган пулни бир қисми ёки ҳаммасини ўзларининг пластик карталарида сақлашни афзал кўрмоқда. Зеро, бу автоматлашган ва хавфсиз жараён. Биз нима учун кўпчилик “пластик”дан фойдаланишни афзал кўришининг асосий сабабларини аниқладик.

№ 1 – Сабаб: мустаҳкам ҳамён

Нақд пулни хавф-хатар деярли ҳар қадамда таъқиб қилади: купюралар ўғирланиши, йўқотилиши мумкин... Агар бу ҳолат карта билан рўй берса, унинг эгаси ҳеч қандай зарар кўрмайди: банк билан боғланиш, картани блоклаш ва янгисига буюртма беришнинг ўзи кифоя қилади.

№ 2 – Сабаб: исталган жойдан туриб фойдалана олиш

Харидни карта орқали амалга оширишга одат қилганлар ўзи билан “пачкалаб” пулни олиб юришга эҳтиёж сезишмайди. Мамлакатимизнинг исталган қисмидаги деярли ҳар бир дўкон POS-терминал билан жиҳозланган, бу куннинг исталган қисмида пластик карта билан товар харид қилиш ёки хизмат учун тўловни тез ва қулай амалга ошириш имконини беради.

 

№ 3 – Сабаб: қўшимча даромад ёки ўша пулга кўпроқ товар

Пластик картадан фойдаланиш орқали банклар томонидан ўз мижозлари учун амалга оширилаётган садоқатлилик(лояллик) дастурлари доирасида қўшимча бонусларга эга бўлиш мумкин. Ўзбекистон Республикаси Марказий банкининг 2016 йил 1 мартда тасдиқланган тариф режасига кўра, пластик карта қолдиғига ҳисобланадиган фоиз жорий йил учун белгиланган МБ қайта молиялаш ставкасидан кам бўлмаган миқдорда бўлади.

№ 4 – Сабаб: ҳаражатлар назорат остида

Оилавий бюджет ҳаражатларини кузатиб бориш учун нақд кўринишдаги ҳаражатларни доимий ёзиб бориш керак. Карта билан эса бундай муаммо юзага келмайди: карта эгаси исталган пайтда онлайн-сервис ёрдамида ёки СМС-хабар бериш хизматини  ёқиш орқали ҳаражатларнинг тўлиқ кўчирмасига эга бўлиши мумкин.

Пластик карталар – банкларнинг жудаям қулай хизмати. Пулни банк карталарида сақлаш ҳозирги кунда энг хавфсиз жой ҳисобланади. Барча тежалган пуллар ёстиқ остида сақланадиган замонлар аллақачон ўтиб кетди. 

Саволлар ва жавоблар.

Ҳафтанинг жума кунлари www.uzcard.uz сайтида мурожаатларга жавобларни нашр қилиб борамиз. 

1. Нега картадан картага пул ўтказиш хизмати фақат бир неча банкларда амалга оширилади? Яқин орада ушбу хизматни барча банклар тақдим этадими?

2016 йилнинг 1 мартидан бошлаб жисмоний шахсларнинг картадаги маблағларини бошқа банк хизмат кўрсатаётган шахснинг картасига ўтказиш имконияти вужудга келди.

“А” банкига тегишли бўлган картадан фойдаланаётган жисмоний шахс, “Б” банкига тегишли бўлган бошқа жисмоний шахснинг картасига хар қандай ҳудудда маблағларини ўтказа олади. Яъни ушбу хизматдан хар бир карта эгаси фойдалана олади. Бунинг учун карта эгаси ўз банкига ариза билан мурожаат этиши лозим.  

Ушбу хизматни UZCARD иловаси орқали амалга ошириш мумкин.

2. Банкка бормай туриб қай тарзда картамнинг балансини билишим мумкин?

Карта эгалари балансни билиш мақсадида қуйидаги хизматлардан фойдаланишлари мумкин:

•  Банкда ёки инфокиоска/банкамот орқали СМС-хабар хизматига уланиш. Карта ҳақида маълумотлар, яъни харажатлар ва карта хисоб рақамига келаётган маблағлар ҳақида маълумотлар СМС-хабар тариқасида мобил телефонизга келади.

•  UZCARD мобил ва веб иловаси. Интернет орқали ҳар қандай ҳудудда карта эгаси ўз хисоб рақамини бошқариши, ҳамда картада қолган маблағ тўғрисида маълумотга эга бўлиши мумкин.

•  Инфокиоска/банкомат. Ушбу қурулмалар орқали картангиз орқали бажарган 10 та охирги амалиётлар тўғрисида маълумот олишингиз мумкин.

3. Агар картам орқали мен амалга оширмаган амалиётлар бажарилса нима қилишим керак?

Бундай ҳолларда албатта хизмат кўрсатаётган банкка ёзма мурожаат қилиб, картангизни блокка туширишингиз лозим.  

4. Агар менинг рухсатимсиз кимдир картам орқали тўловни амалга оширса нима қилишим лозим?

Бундай ҳолларда хизмат кўрсатаётган банкка мурожаат қилиш лозим. Банк ҳодимлари ушбу вазият бўйича текширув олиб борилади. Карта рақамлари 3чи шахсларга маълум бўлганлиги сабабли, кейинчалик ҳам шундай ҳолатлар кузатилиши мумкин, шунинг учун картани қайта расмийлаштириш тавсия этилади. 

UZCARD мутахассислари This email address is being protected from spambots. You need JavaScript enabled to view it. электрон почта манзилимизга юборилган саволларга жавоб беришга тайёр.

Эскисидан воз кечиш – янгисига ўтиш

DUET картасидан UZCARD EMV (Online) картасига ўтиш

Ҳозирги кундалик ҳаётни замонавий технологияларсиз тассаввур қилиб бўлмайди. Қулайлик ва тезкорлик – замонавий технологик маҳсулотларнинг асосий тавсифи, пластик карталар хам, шубҳасиз, шулар сирасидандир. Ушбу ҳажман кичик ва кўз илғамас буюмнинг кўплаб фойдали вазифаларни бажаришига ишониш қийин.

UZCARD EMV (Online) карталари билан харид қилиш жудаям қулай, ҳозирги кунда деярли барча савдо шохобчалари, ресторанлар ва муассасаларда товар ва хизматлар учун тўловни амалга ошириш учун терминаллар ўрнатилган. Пластик карта билан исталган харидни сониялар ичида амалга ошириш мумкин. Дўкон сотувчисига картани узатишни ўзи кифоя қилади, орадан бир дақиқа ўтар-ўтмас ундан керакли пул миқдори ечиб олинади.

UZCARD EMV (Online) картасининг DUET Offline картасидан афзаллик томонлари  борган сари намоён бўлмоқда.  UZCARD EMV (Online) картаси эгасининг маблағни картага юклаш учун банкка мурожаат қилишига ёки банкомат/инфокиоскка боришига зарурат йўқ, энди маблағ автомат равишда ҳисобига келиб тушади.

Ҳозирда UZCARD EMV (Online) пластик картаси эгасига бир гуруҳ имтиёзлар тақдим қилинмоқда. Авваламбор, бу ундан фойдаланишдаги қулайликдир. Карта ҳисобида чекланмаган пул ҳажмибўлиши мумкин ва катта ҳажмдаги харид чоғида кўп миқдордаги нақд пулни ўзи билан олиб юришга зарурат туғилмайди. Даромад ҳақида хам унутмаслик керак. Банк ойма-ой ҳисобдаги қолдиқ маблағ учун белгиланган фоизда пул ўтказиб боради.

Қолаверса, UZCARD EMV (Online) карталарининг яна шундай афзалликлари мавжудки, унга товар ва хизматлар учун тўловни амалга оширишда вақтни тежаш, молиявий операцияларни амалга оширишдаги ҳажаржатларни камайтириш ва ҳисоб-китоб қилишдаги аниқлик ва тезкорликни ошириш киради.

Шунингдек, онлайн-карта эгалари авваллари DUET карталари эгаларида мавжуд бўлмаган бир қатор афзалликлардан фойдалана оладилар. Масалан, ЯУПМ сайтида тақдим қилинган (my.uzcard.uz) интернет-банкинг хизмати. Уйдан ёки офисдан чиқмаган ҳолда, ўша заҳотиёқ Woy-wo (www.woy-wo.uz) тўлов портали орқали интернет провайдерлари, уяли алоқа компаниялари, онлайн телевидение, такси хизматлари учун тўловни амалга ошириш, интернет магазинлардан маҳсулотлар/кийим-кечаклар, дорихоналардан дорилар ва б. сотиб олишингиз мумкин.

Асосий афзалликларидан бири - UZCARD EMV (Online) картаси хавфсизлиги

Хавфсизлик – пластик картанинг яна бир муҳим сифати. Агар пластик карта эгаси уни йўқотиб қўйса, бу унинг ўз пулларини йўқотганини англатмайди. Ҳар бир UZCARD EMV (Online) картаси фақатгина карта эгасига маълум бўлган индивидуал тўртта белгили ПИН-код билан ҳимоя қилинган, бу эса ўз навбатида бошқа шахслар томонидан фойдаланишини олдини олади.

Бироқ! Тасаввур қилинг, сиз пластик картангизни йўқотиб қўйдингиз, ушбу картангиз эскирган DUET картаси эди. UZCARD EMV (Online) карталари эгаларини унинг пин-коди ўзгарганлиги ва карта билан операциялар (блоклаш, блокдан ечиш) амалга оширилганлиги ҳақида огоҳлантиради.

DUET картаси йўқотилганда банк мутахассислари томонидан карта маълумотлари мамлакатдаги барча терминалларга тарқатиладиган СТОП-листга киритилиши талаб қилинади. Бу пайтгача кабиҳ ниятли кимса картадан пул маблағлари ечиб олиши мумкин, қолаверса кўпчилик карта эгалари стандарт парольдан фойдаланишади. Бундан ташқари, DUET тизимининг катта камчилиги ҳисобланувчи, Стоп-листнинг яна бир муаммоси шуки, савдо-хизмат муассасаларининг ҳаммаси хам ушбу тизимда ишлаш бўйича регламентга амал қилмайди ва ўз вақтида қилинмаган инкассация ўғирланган/йўқотилган карталардан транзакциялар амалга оширилиши хафвини юзага чиқаради.

UZCARD EMV (Online) карталарида бундай камчилик йўқ, картани ўша заҳотиёқ блок қилиш мумкин, пуллар эса карта эгасининг банк ҳисобида ишончли сақланади. Банкка бормасдан онлайн-картани блок қилиш – DUET картаси билан солиштирганда, унинг яна бир афзаллиги. DUET картаси йўқотилганда ёки ўғирланганда карта эгаси банкка бориши, картани блоқ қилиш тўғрисидаги ариза билан мурожаат қилиши лозим ва орадан маълум вақт ўтибгина карта блок қилинади.

Янгиси ҳақида нима хам дейиш мумкин? Эскисини янгиси билан солиштириш мумкинми? Янги бу ҳар доим янги – замон талаби, эскидан воз кечинг.

UZCARD EMV (Online) картасини очиш учун исталган вақтда ариза билан банкка мурожаат қилиш мумкин. Ҳар бир банкнинг ўз муддатлари ва шартларини ўзингизга яқин банк бўлинмасидан шахсан суриштириб олишингиз мумкин.

Ҳаёт шу қадар тез ўзгармоқдаки, замонавий инсон замон билан хамнафас бормоғи лозим. Замонавий фикрлашдадавом этинг ва давримиз тақдим қилаётган замонавий технологияларнинг барчасидан фойдаланинг! 

Саволлар ва жавоблар

Ҳафтанинг жума кунлари энг долзарб мурожаатларга жавобларни нашр қилиб борамиз. UZCARD мутахассислари This email address is being protected from spambots. You need JavaScript enabled to view it. электрон почта манзилимизга юборилган саволларга жавоб беришга тайёр.

САВОЛ-ЖАВОБ

1. UZCARD EMV картасига бириктирилган телефон рақами қандай ўргартирилади?

UZCARD EMV картасига бириктирилган телефон рақамини ўзгартириш учун, аввалги телефон рақамидаги “СМС-хабар олиш” хизматини ўчириш лозим. СМС-хабар хизматини ўчиришнинг икки хил йўли мавжуд:

     1) Карта эгасининг бевосита ўзи инфокиоск/банкомат орқали;

     2) Ушбу картани тақдим қилган банк муассасасига мурожаат қилиш орқали.

2. Менинг картамдаги қолдиққа ҳисобланадиган фоиз миқдорини қандай била оламан?

Пластик картадаги қолдик, суммаси фоиз ставкасини  ҳар бир банк ўзи белгилайди. Сизга хизмат кўрсатаётган банкка мурожаат қилишингиз лозим.

3. Ассалом алайкум, мен “Агробанк” мижозиман.  Айтингчи, мен ўзимнинг банкимда Uzcard Family оилавий картасига эга бўла оламанми? Ҳурмат билан, Наталия.

Ҳозирги кунда Uzcard Family оилавий картаси “Алоқабанк” АТБда синовдан ўтказилган.  Uzcard Family оилавий  картасини тақдим қила оладиган банклар сони ошиб боради. Биз томонимиздан Uzcard EMV платформасида фаолият кўрсатувчи Ўзбекистоннинг барча тижорат банкларида ушбу карта турини жорий қилиш учун техник шароитлар яратилган.

4. “Савдогарбанк” картасидан “Алоқабанк” картасига алимент  тўловларини ўтказиш мумкинми?

“Савдогарбанк” картасидан “Алоқабанк” картасига пул маблағларини ўтказишнинг икки хил усули мавжуд:

     1) UZCARD мобил иловаси ёрдамида;

     2) “Савдогарбанк”ка ариза билан мурожжат қилиш.

5. Салом, Сhina UnionPay картасини қайси валюталарда очиш мумкин?

Сhina UnionPay тўлов тизими банк билан (прцессинг марказлари) ҳисобни амалга оширишдаги тизимингиздаги операцияларни бажаришда 10 та халқаро валюта тури(базавий) билан ишлайди:

     CNY – Юань
     EUR – Евро
     GBP – Англия фунт стерлинги
     HKD – Гонконг доллари
     JPY – Япония иенаси
     MOP – Макао патакаси
     NZD – Янги Зелландия доллари
     SGD – Сингапур доллари
     THB – Тайланд бати
     USD – АҚШ доллари

 

POS-терминаллар: пулни қулай сарф қилиш

Ҳозирда ҳар куни содир бўладиган замонавий товар-пул муносабатлари турли хил банк хизматлари билан шу қадар соддлаштирилмоқдаки, гўё тез орада товар сотиб олиш фикр кучи билангина амалга ошириладигандек.

Мисол тариқасида, дўконлар кассаларида POS-терминалларни пайдо бўлиши харидорларга ўзлари билан харид учун қанча миқдорда нақд пул олишлари кераклиги тўғрисида бош қотирмасдан, шунчаки банк картаси билан ҳисоб-китоб қилиш имконини бермоқда.

Харид вақтида биргина бундай операцияни амалга оширилиши – шубҳасиз банк муассасасининг хам, харидорнинг хам ютуғи.

Юқорида таъкидланганидек, терминалларнинг асосий афзаллиги – савдо айланмаси томонларининг тўлиқ қониқиш ҳосил қилишида. Харидор учун фойдалилиги унинг ўзи билан қанчадир миқдорда нақд маблағни олиб юриш мажбуриятидан халос бўлишида.

Нима учун қанчадир миқдорда? Чунки озиқ-овқат маҳсулотлари, маиший кимё ёки кийим-кечак хариди учун кунлик лимитни аниқ билишнинг деярли имкони йўқ. Қолаверса, ҳозирнинг ўзида нақд пул керак бўладиган форс-мажор ҳолатлар хам кузатилади, аммо ҳамёнда эса етарлича маблағ топилмайди.

Шунинг учун, ноқулай ёки қийин аҳволга тушиб қолмаслик учун, энг яқин банк муассасасида банк картасини расмийлаштиришга эҳтиёж сезилади. Савдо терминалларининг яна бир ижобий томонини инобатга олиш лозим – бу банк томонидан хам, ушбу хизматни тақдим қилаётган дўкон томонидан хам комиссион тўлов олинмаслигида. Банк билан бўладиган барча комиссион ҳисобларни дўкон ўз зиммасига олади.

Банкка келадиган бўлсак, у POS-терминаллардан кўплаб афзалликларга эга бўлади. Банклар нимани ҳисобига фойда кўради, деб сўрашингиз мумкин, ваҳоланки улар умуман алтруистлар эмас? Албатта, йўқ.  Биринчидан, банклар нақдсиз операцияларда комиссиондан пул ишлайди.

Иккинчидан, банкнинг мижозлар базаси кенгайиб бормоқда, чунки дўконларнинг терминал билан ишлашга ўтиши харидорларнинг банк карталарини расмийлаштиришига туртки бўлмоқда. Бундан келиб чиққан ҳолда, янги мижозларни банкка жалб қилиниши унга янги сармоялар киритилишига замин яратади, бу ўз навбатида даромадни оширади.

POS-терминаллар орқали бўладиган товар-пул муносабатларидан савдо майдончаси хам ўз улушига эга бўлади. Маълумки, терминалларнинг касса ҳисоб операциялари дўконда савдо жараёнини автоматлаштириш имконини беради, бундан ташқари ўғрилик ва фирибгарлик ҳолатларини сезиларли даражада камайтиради. Шунингдек, дўконда терминаллардан фойдаланиш инкассатор хизматларига мурожаат қилиш заруриятини бир неча баробар камайтиради, бу эса ўғрилик таҳдидини пасайтиради.

Саволлар ва жавоблар

Бизнинг реклама ва жамоатчилик билан ишлаш бўлимимизга ҳар куни мурожаатлар келиб тушади, ҳафтанинг жума кунлари энг долзарб мурожжатларга жавоб беришга ҳаракат қиламиз. Агар сизда хам савол мавжуд бўлса, марҳамат This email address is being protected from spambots. You need JavaScript enabled to view it.  электрон почта манзилимизга хат ёзиб мурожаат қилинг, энг яқин мудддатларда Сизга жавоб беришга ҳаракат қиламиз.

САВОЛ-ЖАВОБ

1. Картадан операциялар амалга оширалаётган бўлсада, SMS-хабар келмаётган бўлса нима қилиш лозим?

Бизнинг мутахассисларимиз томонидан носозлик сабаблари сифатида қуйидагилар аниқланди:

       1. Мобил телефон ҳисобидаги баланснинг етарли бўлмаслиги;

      2. Хизматнинг нотўғри  уланганлиги;

      3. Мобил тармоқ оператори томонидан СМС-хабарнинг етказилмаганлиги;

      4. Мобил оператори сигналининг заифлиги;

      5. Фойдалунувчининг мобил жиҳозидаги носозликлар.

Шунингдек, хар куни 24 соат мобайнида бизнинг Сall-марказимиз хизмат кўрсатмоқда (200-28-28 рақами орқали), бизнинг мутахассисларимиз сизнинг мурожаатингизга кўра, ушбу муаммони хал қилишда мамнуният билан ёрдам беришади.

2. POS-терминал транзакцияни амалга оширишда хатолик кўрсатса нима қилиш лозим?

Сизга хизмат кўрсатаётган банк сабабни ойдинлаштиришингизга ёрдам бера олади.

3. Ўзбекистонда халқаро Union Pay картлари эквайринги қай тарзда амалга ошади? Тадбиркор валютада ҳисоб очиши керакми? Ёки uzcard терминали уни қабул қила оладими?

ЯУТМ (Ягона Умумреспублика Процессинг Маркази) саъй ҳаракатлари билан Ўзбекистонда товар ва хизматлар учун тўловни Uzcard банк теминалларида UnionPay карталари орқали амалга ошириш ечими топилган. Агар савдо шохобчаси Ўзбекистон банкида валюта ҳисоби эга бўлса, валютадаги тўлов пули  унга ўтказилади (товар/хизмат нархи тизимда ўрнатилган курс бўйича). Агар валюта ҳисоби бўлмаса, ҳисобга маҳаллай валюта-сўмда товар/хизмат нархи/суммаси тушади.

4. Uzcard форумда иштирок этади, деб эшитдим. ICT 2016 форуми тингловчиси бўлиш учун қаердан рўйхатдан ўтишим лозим?

 Форумда бизнинг тингловчимизга айланишингиз учун Форумнинг расмий сайтига ўтишингиз ва анкетани тўлдиришингиз лозим. Интернет Форум барча тадбирларида тингловчи сифатида иштирок этиш бепул.

5. Е-POS-терминалида Merchant ID ва Terminal ID нима?

E-POS – электрон кўринишдаги тўлов терминали бўлиб, UZCARD EMV банк пластик карталари эгаларига товар, иш ва хизмат кўрсатувчилари фойдасига ушбу картадан бевосита фойдаланмасдан электрон тарзда тўловларни амалга ошириш иимконини беради. Банк электрон тўловларни қабул қила олиши учун E-POS тўлов терминалини рўйхатга олиш учун транзит ҳисоб очади.

Merchant ID ва Terminal ID – E-POS терминалнинг уникал рақамлари бўлиб, унга банк шартнома тузилгандан сўнг эгалик қилади. 

“ЯУПМ” МЧЖ ҚК ҳар йили ICTWEEK ахборот-коммуникация технологиялари ҳафталиги иштирок этади

ICTWEEK Uzbekistan 2016 ахборот-коммуникация технологиялари ҳафталиги доирасида Internet FORUM 2016 бўлиб ўтади. Форум ўтказилишининг асосий мақсади ахборот технологиялари коммуникация соҳаларинг замонавий тенденцияларини муҳокама қилиш учун ўзига хос мутахассислар майдонини яратишдир.

Ўзбекистонда электрон тўлов тизимларининг фаол ривожланиб бориши ва фойдаланувчилар ўртасида интернет-хизматларнинг тобора оммалашувини ҳисобга олган ҳолда, Ягона Умумреспублика Процессинг Маркази томонидан замонавий интернет-тўловлар ягона порталини яратиш мақсадида катта ишлар бажарилди. Шуни инобатга олиб, “ЯУПМ” МЧЖ ҚК “Электрон тўловларинг ривожланиши” йўналиши бўйича маъруза билан иштирок этади, унга кўра бизнинг спикер/маърузачимиз Ўзбекистондаги электрон тўловлар афзалликлари ва муаммолари ва янги “Woy-wo’” ахборот-тўлов портали ҳақида фикр юритади.

Бугунги кунда, пул активлари ва тўловларнинг ахборот-телекоммуникация технологияларининг ёрдамида нақдсиз кўринишга ўтиши даврида, ахборот хавфсизлиги тобора долзарб тус олмоқда. Шу мақсадда, Internet FORUM 2016да иштирок этиш учун биз “UZCARDда хавфсизлик ечимлари” мавзусида сўз юритувчи вакил/экспертимизни хам йўллаймиз.Маърузада маҳаллий онлайн тўлов карталари (UZCARD) хавфсизлиги билан боғлиқ муаммоларнинг атрофлича ечимлари тўғрисида сўз боради.

Интернет Форум “Ўзэкспомарказ” МКК конференц-холлида блок конференциялари, секциялар йиғилишлари, мастер-класслар ва панель мунозаралар форматларида икки кун давомида бўлиб ўтади (2016 йил, 21-22 сентябрь кунлари).

Сизни кўргазмага таклиф қиламиз ва бизнинг вакилларимизни тинглаб кўришга чорлаймиз, зеро, ахборотга эгалик қилган шахс – дунёга эгалиқ қилади.

Мустақиллимизнинг 25-йиллиги муборак бўлсин!

Ҳурматли ҳамкорлар ва фойдаланувчилар! Сизни мамлакатимизнинг асосий байрами- Ўзбекистон Республикаси мустақиллигининг 25-йиллиги билан чин юракдан қутлаймиз!

Мустақиллик куни- бу ватан ғурури, унинг равнақи учун хизмат қилиш, оиламиз, яқинларимиз ва тупроғимизга бўлган муҳаббатимиз каби умумхалк, қадриятларимизни англовчи ва қадрловчи ҳар бир инсоннинг байрами.

Бундай хайрли ва хурсандчилик кунда Сизга мустаҳкам соғлик, улкан оилавий бахт, тинчлик, ҳотиржамлик ва фаровонлик тилаймиз! Ҳар бир кунингиз қувончга, омадга ва янги ютуқларга тўла бўлсин!