Uzcard янгиликлари

Ҳурматли карта эгалари!

Ягона Умумреспублика Процессинг Марказининг маълум қилишича, профилактика ишлари олиб борилиши муносабати билан 2018 йилнинг 18 март соат 00:00 дан 19 март 02:00 гача « my.uzcard » шахсий кабинети ҳамда  «UzCard» мобил иловасидан фойдаланиш вақтинча тўхтатилади.

Вақтинчалик ноқулайликлар учун узр сўраймиз.

Ҳурмат билан, Маъмурият

САВОЛЛАР ВА ЖАВОБЛАР

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1. UzCard шахсий кабинетидан иккита карта бўйича мониторинг олиб боришим мумкинми?

Ҳа, мумкин. Бунинг учун шахсий кабинетингизга киришингиз  ва “Меню”  орқали “Карталар” бўлимини танлашингиз керак бўлади. Экранда “Карта қўшиш” хизмати танланганидан сўнг, иккинчи картангизни қўшишингиз ва карта орқали амалга оширилган операциялар бўйича мониторинг олиб боришингиз мумкин бўлади.

2.Ишлатмаётган мобил телефон рақамига уланган смс-хабарнома хизматини қандай ўчириш мумкин?

Смс-хабарнома хизматини инфокиоск орқали мобил телефон рақамидан ўчириш имкони мавжуд.  Шунингдек, фаол режимда турган янги телефон рақамига смс-хабарнома хизматини ёқиш  ҳам мумкин.  Инфокиоскдан ташқари Сизга хизмат кўрсатаётган банк орқали ҳам ушбу хизмат турини  ўчириш мумкин.

3. Мен пластик картамни алмаштирганимда банкда унга PIN-код ўрнатиш хаёлимдан кўтарилибди, энди уни қандай ўрнатишим мумкин?

Пластик картангизнинг PIN-кодини  дўконларда хизмат кўрсатувчи POS-терминал орқали ўрнатишингиз мумкин. Бундан ташқари, яна бир бор Сизга хизмат кўрсатаётган банкка мурожаат қилиб муаммоингизни бартараф қилиш имкони ҳам бор.

 

САВОЛЛАР ВА ЖАВОБЛАР

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1. Пластик карта узоқ муддат давомида ишлатилмаганлиги боис блокланган. Уни қандай қилиб актив ҳолатга келтириш мумкин?

Пластик карта мустақил равишда блокланмайди. Унинг сабаблари қуйидагича бўлиши мумкин: ишлатиш муддати тугаган ҳолатда;  пластик картаси карта эгаси унга хизмат кўрсатаётган банкда ўз истагига кўра блокласа;  3 маротаба нотўғри PIN-код киритилганда автоматик равишда блокланиши мумкин. Келтирилган сабабларнинг ҳар бирида ҳам Сизга хизмат кўрсатаётган банкга мурожаат қилишингиз ўринли.  

2. Нега аксарият ҳолатларда  Кадишев бозорида жойлаштирилган 3 та банкоматдан 1 донаси ишчи ҳолатда туради. Шу ягона банкомат ҳам узлуксиз ишламайди. Қачон шу каби ҳолатларга барҳам топилади?

Банкоматларнинг узлуксиз иши банк томонидан таъминланиши керак. Сабаби , банкоматлар айнан банклар томонидан  ўрнатилади. Агар Сизда бирон бир масалага ойдинлик киритиш эҳтиёжи туғилса, банкоматда келтирилган банк телефон рақами орқали АТМ га хизмат кўрсатаётган банкка мурожаат қилишингиз мумкин.  

3. Телефон рақами ҳисобидан пластик карта ҳисобига пул ўтказиш имкони борми?

Бугунги кунга келиб ушбу хизмат ҳали жорий қилинмаган,бироқ Марказимиз мутахассилари томонидан ушбу лойиҳани амалга ошириш юзасидан самарали иш олиб борилмоқда.

Glomo Awards 2018: мобил иловалар хизматлари бўйича ғолиб аниқланди

Glomo Awards 2018:  мобил  иловалар  хизматлари бўйича ғолиб аниқланди

     Барселонада ўтказилган Mobile World Congress тадбирида Glomo Awards 2018 анъанавий мукофот ғолиблари  аниқланди.

 Совринларни турли соҳаларда фаолият олиб борувчи энг етакчи мобил ишланмалари қўлга киритишди. Шундай қилиб, натижаларга кўра, “Тўловларнинг мобил инновацияси” номзодининг ғолиб деб рақамли хамён - Samsung Pay топилди. Ушбу хизмат орқали мижозлар ўз смартфонларига банк карталарини қўшишлари ва улар орқали тўловларни амалга оширишлари мумкин.

 Ушбу хамён 2015 йилнинг ёзида Жанубий Кореяда тақдим қилинганди. Икки йил ўтиб ушбу хизматдан 20 та давлатда  фойдаланиш имкони яратилди.  Шу каби хизматларни таклиф қилувчи рақибларига қараганда (Apple Pay, Google Pay) Samsung Pay нинг тўловларни амалга оширувчи нуқталари кўпроқ бўлиб, уни  кредит картаси ўрнида ҳам ишлатиш мумкин.

 Glomo Awards 2018 тақдимотида турли мавзулардаги, ҳаммаси бўлиб, 35 та номзод (интернет ҳаёти, мобил хизматлари, ижтимоий ривожланиш, технологиялар, гаджетлар ва бошқалар.) эгаси аниқланди. Йилнинг энг яхши смартфони деб iPhone X лойиқ деб топилди. Лауреатларнинг тўлиқ руйҳати билан тадбирнинг расмий сайтида танишиш мумкин.

 

САВОЛЛАР ВА ЖАВОБЛАР

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1.  UzCard картаси онлайнми ёки онлайн эмалигини қандай билиш мумкин?

 2017 йилнинг 15 декардаги “Узкарт” банклараро чакана тўлов тизимининг Банклараро  Мувофиқлаштирувчи Кенгашининг №14 баённомасига биноан 2018 йилнинг 1 январидан UzCard компанияси томонидан DUET карталари орқали амалга оширилувчи транзакцияларни тўхтатиш тўғрисида қарор қабул қилинди. Бунга биноан, Ўзбекистон ҳудудида хизмат кўрсатаёган барча банк пластик карталари  - онлайн карталар функциясини бажаради.

2. Бир дона картани иккита мобил иловаларга улаш мумкинми? Агар бунинг иложи бўлса, бу имконият иловадан фойдалнишга салбий таъсир қилмайдими?

 Ҳа, бир пластик картани бир неча мобил иловаларга улаш мумкин. Бундай имконият ҳар тарафлама ҳавфсиз ҳисобланиб, аксинча фойдаланувчи учун  бир неча иловалар орқали картага тегишли маълумотга эга бўлишга ҳамда онлайн-тўловларни амалга оширишга қўшимча шароит яратади.  

3. Sms-хабарнома хизматини пластик карта иштирокисиз қандай ўчириш мумкин?

  Бугунги кунга келиб, мустақил равишда  sms-хабарнома хизматини ўчириш имкони мавжуд. Уни қандай йўл билан амалга ошириш усуллари билан  http://www.uzcard.uz/index.php/ru/novosti-uzcard/item/685-innovatsionnye-udobstva-samostoyatelnoe-otklyucheniya-sms-informirovaniya-uzcard  манзили орқали ўтиб танишишингиз мумкин.

Кобейджинг карталари: куч бирликда!

   Бир кўринишда  кобейджинг карталари оддий дебет карталаридан фарқ қилмайди, бироқ улар шртасида бир қатор фарқларни келтириш мумкин. Биринчидан,  картанинг  ташқи кўринишида  ҳамкорликда фаолият олиб борувчи тўлов тизимларнинг логотиплари  жойлаштирилиши бунинг мисолидир.    Кобейджинг картлари ўзида ҳам чип, ҳам магнит чизиғининг функцияларини бажариши эса, унинг алоҳида имкониятларини белгилайди. Аниқроқ қилиб айтсак, тўловларни чип орқали, яъни паролларни киритган ҳолда ҳам, магнит чизиғи орқали ҳам – картридерлар орқали ўтказиб ҳам амалга ошириш мумкин.

 Демак, мақола номидан кўриниб турибдики, бундай карталарнинг бир қатор қулайликлари мавжуд:

+ бир неча тўлов тизимлардан тўлов  инфраструктурасида фойдаланиш;

+ пластик картадан ўз давлатидан ташқарида ҳам фойдаланиш имконияти мавжудлиги (мисол учун VISA, Mastercard, Unionpay тўлов тизимлар );

+ агар чет эл тўлов тизими яшаб турган жойда ишлатилмай қолса, карта эгаси маҳаллий тўлов тизими орқали тўловларни амалга ошириши;

+Тўлов тизимларнинг  рақобатбардошлик даражаси ошиб бориши;

+Карта эгасида  ягона  карта орқали, таклиф қиланаётган тўлов тизимларидан фойдаланиш имкониятининг пайдо бўлиши.  

___________________

Кобейджинг картаси  («co badge» –   инглиз тилидан қисқартирилганда «company badge» – белгилар гуруҳи) – бу икки ва ундан ортиқ тўлов тизимларнинг бир пластик картасида бирлашиши.

Номаълум компьютер орқали карта маълумотларингизни киритиб, тўловларни амалга ошириш ҳавфли!


Тўловларни амалга ошириш учун умум жамоа учун мўлжалланган компьютердан фойдаланманг, яъни интернет-кафе ёки мехмонхонанинг жамоат хоналарида ўтириб харидларни амалга оширманг!

САВОЛЛАР ВА ЖАВОБЛАР

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1.  Смс-хабарнома хизматини уламасдан карта балансини аниқлаш мумкинми?

 Ҳа, мумкин. Смс-хабарнома хизматига уланмасдан туриб,  POS-терминал, инфокиоск ёки Сизга хизмат кўрсатаётган банк орқали карта балансини текшииб олиш имкони бор.

2. Банкомат орқали пластик карта ҳисобини тўлдириш имкони борми?

 Бугунги кунга келиб, бундай хизмат турини амалга ошириш имкони мавжуд эмаслиги сабабли, бизнинг мутахассисларимиз қулайлик яратиш мақсадида шу каби таклифлар устида иш олиб боришмоқда.  Ҳозирда мавжуд имконият бу - Сизга хизмат кўрсатаётган банк орқали пластик картангизнинг ҳисоб рақамини маълум пул миқдори билан тўлдириш бўлиб қолмоқда.  

3. Мен Давлат корхонасида фаолият юритмайман. Ўз номимга банк пластик картасини очиш имкони борми?

 Ҳа, UzCard банк пластик картасини очиш учун Сиз Давлат корхонасида фаолият олиб бораётган ходим бўлишингиз шарт эмас. Бунинг учун Сизга хизмат кўрсатадиган банкни танлашингиз ҳамда ёнингизда паспортингиз бўлиши  кифоя.

 

САВОЛЛАР ВА ЖАВОБЛАР

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1. Ассалому алайкум! Агар пластик карта турмуш ўртоғимнинг номига очилган бўлса, мен уни блоклаб қўйишим мумкинми?

Ҳа, турмуш ўртоғингизнинг пластик картасини мобил илова орқали блоклаб қўйиш имкони мавжуд.

2. Саволим шундан иборат эди:  анчадан бери бир корхонада фаолият олиб бораман ва менинг пластик картам ушбу ташкилотга боғланган. Банк орқали ушбу картамга бошқа компания ҳисоб рақамидан  пул ўтказишлари мумкинми?

Ҳа,  бошқа компания банки Сизнинг пластик картангизга ҳам хизмат кўрсатса буни амалга ошириш мумкин.

3. Мен пластик картамдан амалга оширлган барча транзакциялар бўйича мониторингини, аниқроғи карта балансининг тўлдирилганини билмоқчиман. Бунинг иложи борми?

Ҳа, мумкин. Карта балансини тўлдиришга тегишли маълумотни  қуйидаги усуллар орқали олишингиз мумкин:

-         Банк;

-         Инфокиоск;

-         Мобил илова орқали.