Uzcard янгиликлари

Пойтахтимизда UnionPay ҳалқаро пластик карталарига хизмат кўрастиш йўлга қўйилмоқда

Ягона умумреспублика процессинг маркази томонидан Тошкент шаҳридаги савдо-хизмат кўрсатиш корхоналарида UnionPay International ҳалқаро тўлов тизими эквайринги ишга туширилди.

15 июн 2016 йилда, “Тошкент” универмагида UnionPay International пластик карталари асосида биринчи транзакция ўтказилди.

Ягона умумреспублика процессинг маркази келажакда UnionPay International ҳалқаро тўлов тизими пластик карталарига хизмат кўрсатувчи терминаллар дислокацияси рўйхатини www.uzcard.uz  сайтида жойлаштиришни режалаштирган.

 

 

ЯУПМ PR-хизмати

Онлайн пластик карталар амал қилиш муддати тугаса нима қилиш керак?

     Ўзбекистонда онлайн пластик карталар – UZCARD EMV амалга киритилгандан анча вақт ўтди. Бироқ карталарнинг ҳамма эгалари ҳам уларнинг амал қилиш муддати тугаётганидан хабарлари йўқ. Бундай вазиятда қандай йўл тутиш кераклиги ҳақида uzdaily.uz нашрида баъзи тавсиялар келтирилди.

     Қуйида ушбу вазият бўйича кўп учрайдиган бир нечта масалаларни кўриб чиқамиз.

     Карта амал қилиш муддати

     Исталган банк пластик картасида амал қилиш муддати мавжуд. Бу муддат картанинг олд томонида "ой/йил" форматида кўрсатилади, мисол учун 12/16 деган ёзув карта 2016 йилнинг 31 декабригача амал қилишини англатади. Бу картадан сиз бутун декабрь ойи фойдаланишингиз мумкин, бироқ 2017 йилнинг 1 январида сиз ундан энди фойдалана олмайсиз.

     UZCARD EMV карталари одатда 3 йиллик муддат билан чиқарилади.

онлайн карталар

     Картани қайта чиқариш

     Бунинг учун ортиқча хатти-ҳаракатлар шарт эмас, Сиз картангиз муддати тугашидан 2-3 ҳафта аввал картангиз бириктирилган банк бўлимига мурожаат қилиб, картангизни бошқатдан чиқариш учун ариза ёзиб, янги картани олишингиз мумкин.

     Картадаги пул маблағлари

     Картангиз муддати тугагандан кейин, сиз фойдалана олмайдиган картангизда қолган пулдан ташвишланмасангиз бўлади. Чуки пуллар картада эмас, балки бу карта бириктирилган ҳисоб рақамида туради.

     Карта муддатининг тугаши тўғрисидаги СМС-огоҳлантириш

     Ягона умумреспублика процессинг маркази томонидан картасининг амал қилиш муддати тугаётгани ҳақида карта эгаларининг мобил телефонларига смс-огоҳлантириш юборувчи функция ишлаб чиқилиб, амалиётга жорий қилинган. Бундай хабарни картаси смс-ахборот бериш хизматига уланган карта эгалари олишлари мумкин (смс-ахборот бериш хизмати карта эгаси ёки уни муомалага чиқарган банк томонидан уланади).

     Муддати тугаган карта билан нима қилиш керак?

     Муддати тугаган эски карта янгиси олинаётганда банкка топширилади ва у ерда йўқ қилинади.

 

 

 

ЯУПМ PR-хизмати

 

Хурматли карта эгалари!

Ягона Умумреспублика Процессинг Маркази шуни сизга маълум қиладики, профилактика ишлари олиб борилиши муносабати билан 2016 йил 25 март соат 00:30 дан 04:30-гача онлайн терминаллари процессинг маркази билан вақтинчалик алоқа узилиши мумкин.

 

Вақтинчалик ноқулайликлар учун узр сўраймиз.

Маъмурият.

Ўзбекистон республикаси тижорат банклари карточкаларини Uzcardнинг янгиланган логотипи билан ишлаб чиқмоқда.

Ўзбекистон тижорат банклари томонидан Uzcard тўлов тизимининг янги логотипи билан пластик карточкалар ишлаб чиқилмоқда. Янги логотипнинг ранги миллий ватанпарварлик руҳини ҳамда фойдаланувчиларнинг мазкур брендга бўлган ишончини орттиришга хизмат қилади. Логотип Ўзбекистон миллий рамзларига хос бўлган ранглар мажмуи асосига қурилган.

Бизнес Интернет сари интилмоқда

Ҳар қандай бизнесни оқилона ташкил қилиш унинг функционал элементлари тизимини аниқ ўйлаб чиқишни талаб қилади. Зеро айнан шулар сотув ҳажмининг ўсишини таъминлайди, хизмат кўрсатишни сифатини яхшилайди ва, шу билан бирга, бизнес жараёнларни таҳлил қилиш учун қулай шароитлар яратиш орқали иш жараёнини анчайин енгиллаштиради. Электрон бизнес (e-commerce)да бундай элементлар бир қанча ва улар бизнеснинг муваффақиятли ривожланишига жавоб беради.

Ўзбекистон Республикаси Президенти "Электрон тижорат тўғрисидаги" Қонуннинг янги таҳририга имзо чекди

22 майда Ўзбекистонда "Электрон тижорат тўғрисидаги" Қонуннинг янги талқини кучга кирди. Ушбу Қонун Олий Мажлиснинг Қонунчилик палатаси томонидан 2015 йил 17 апрелда қабул қилинган ва Сенат томонидан 2015 йил 15 майда маъқулланган. "Электрон тижорат тўғрисидаги" Қонуннинг аввалги таҳрири 2004 йилнинг 29 апрелда қабул қилинган эди.

Батафсил

 

Uzmobile Uzcard терминаллари учун янги тариф режасини йўлга қўйди

Ўзбекистонда пластик карточкалар асосида ҳисоб-китоб қилиш тизимини такомиллаштириш бўйича жадаллик билан ишлар олиб борилмоқда. Тижорат банклари ойлик иш ҳақи лойиҳаларини жорий этиш, шу билан бирга замонавий электрон тўлов терминаллари билан жиҳозланган савдо ва хизмат кўрсатиш шаҳобчалари тизимини кенгайтириш бўйича жадал тарзда ишлар олиб бориш давом этишмоқда. Лекин тўлов терминаллари сонининг кўпайиб бориши республикамиз миқёсида Uzcard банк пластик карточкалари учун алоқа каналлари ишлашининг доимий тарзда яхшилаланиши талаб этилади.

Uzcard: Электр энергияси учун тўлов Интернет тармоғи орқали тўловчилар сони кўпайди

Ўзбекистонда электрон тижорат соҳасида хизматлар сони ортиб бормоқда ва бугунги кунда Uzcard карточкалари эгалари харид ва хизматлар учун уйдан чиқмаган ҳолда Интернет тармоғи ёрдамида тўловларни амалга оширмоқдалар.

"СМС-хабар" хизмати тарихини юритиш бўйича функционал жорий этилди

Бугунги кунда пластик карточкалар шунчалик оммавийлашиб кетдики, бу карточкаларнинг биз учун яратаётган кенг имкониятлардан фойдаланмаётган одамларнинг ўзи йўқ бўлса керак. Маълумки, электрон тижорат имкониятларидан фойдаланиш, хох у мобил тўловлар, хох Интернет тармоғи орқали хизматлар ва товарлар учун тўловлар амалга ошириш бўлсин, карта орқали амалга оширилган транзакцияларни кузатиб бориш имконини берувчи СМС-хабар хизматини улаш зарур.