Uzcard янгиликлари

Ҳурматли карта эгалари!

UzCard маълум қилишича,   "Узбектелеком" акционерлик компаниясида профилактика ишлари олиб борилиши муносабати билан 2018 йилнинг  24 июнида соат  01:00 дан 02:00 гача POS ва E-POS терминаллари процессинг маркази билан вақтинчалик улана олмаслиги мумкин.

Вақтинчалик ноқулайликлар учун узр сўраймиз.

Ҳурмат билан, Маъмурият

 

Ҳурматли карта эгалари!

Смс-хабарларни етказиб берувчи контент-провайдернинг ўзгариши муносабати билан, 2018 йилнинг  18 июн куни, соат 23:50 дан бошлаб смс-хабарномалар бошқа қисқа рақамдан етказилади.

UMS абонентлари смс-хабарларни вақтинча кечикишлар билан қабул қилишлари кузатилади.  

Тармоқ назорат остида: ижтимоий тармоқларда содир этилган жиноят изи топилди

 Шу кунларда ижтимоий тармоқ вамессенджерлар орқали пластик карталар орқали амалга оширилган жиноятлар борасида Сизларни огоҳ қилган эдик. Бир қатор жабрланганлар томонидан келиб тушган аризаларни қабул қилганимиздан сўнг, ушбу кибержиноятларни фош қилиш юзасидан тегишли чора-тадбирлар кўйилди ва жиноятчилар қўлга олинди.

Батафсил маълумот

Интернет тармоқларида шубҳали манбалар орқали маълумот олиш, норасмий иловаларни юклаб олиш, эълон ва электрон манзилларга жавоб бериш мумкин эмас, деган “ёзилмаган қоида” бекорга амал қилмайди. Жумладан, шубҳали ва  ишончсиз манбаларга мурожаат қилиш натижасида нафақат маълумотларингиз тарқалиб кетади, балки ўз пул маблағингизни йўқолишига сабаб бўлиши ҳеч гап эмас. Бир неча ой олдин содир этилган ҳодиса юқорида қайд этилган қоидаларнинг асосли эканлигидан далолат беради.

Сирдарё вилоятида яшовчи, Ўзбекистон фуқароси вирусли мобил иловани яратиб уни Play Маркетга жойлаштирган. Уни юклаб олган фойдаланувчилар бир оздан сўнг 10 000 сўм пул миқдорини тўлашмаса, телефон рақамлари блокланиши тўғрисида хабар олишар эди. Тўлов амалга оширилгандан сўнг, фойдаланувчига шубҳали телефон рақамидан смс-хабар етказилар эди. Ушбу кетма-кетликнинг ўзи телефон ва Telegram ижтимоий тармоғидан фойдаланиш имкониятини яратиб берилишига етарлича эди. Шу йўл орқали жиноятчилар  Telegram ижтимоий тармоғидаги Click-бот орқали картадаги пулларни ишлатган. Бироқ, жиноятчиларнинг ушбу ҳатти-ҳаракатлари тезкор равишда аниқланиб, уларга нисбатан жиноий иш қўзғатилди.

Click-бот орқали амалга оширилган ўғирлик содир этилган бир қатор киберўғриликларнинг биридир. Биз расмий сайтимиз ва расмий сиҳифаларимиз орқали ташкиллашириладиган ҳайрия акциялари ҳам жиноятчилар учун қулай имкониятлигини, шу сабабли, унинг ташкилотчилари зиммасида катта маъсулият туришини таъкидлаб ўтганмиз. Шу ўринда, Oson мобил иловаси билан боғлиқ ҳодисага ҳам мисол тариқасида эътиборингизни қаратмоқчимиз. Ижтимоий тармоқлардан бирида бемор боланинг даволанишига қаратилган ҳайрия акцияси ташкиллаштирилган эди. Эълонда даволаниш учун пул ўтказилиши мумкин бўлган пластик картанинг реквизитлари келтирилган эди.  Жиноятчи эълонда кўрсатилган пластик картага тегишли маълумотни Оson мобил иловасига киритиб,  карта эгаси билан  қўнғироқ орқали боғланади ва пул ўтказилганлигига тегишли тасдиқловчи кодни овоза қилишини сўрайди. Маҳфий кодга эгалик қилган қаллоб, эълонда келтирилган пластик картани осонликча мобил иловага боғлаб туриб, ундаги маблағларни бошқарган. Ўтказилган қидирув-суриштирув ишлари натижасида жиноятчилар аниқланиб, қўлга олинди.

 

 

 

 

Яна бир бор расмий равишда билдириб ўтамиз, марказимизда пластик карталар билан боғлиқ кибержиноятарни қисқа вақт ичида аниқлаш имкони мавжуд. Банк ёки ҳуқуқтартибот органлариларидан бу каби жиноятларни фош қилишга тегишли сўровнома келиб тушганида, бизнинг марказимиз томонидан пластик картага тегишли жиноят юзасидан керакли ҳужжатлар тақдим қилинади. Аниқроғи, Ягона умумреспублика процессинг маркази ходимлари автоматлаштирилган дастур ёрдамида жиноятчини тезкор равишда аниқлаш имконига эга.  

 Фурсатдан фойланиб карта эгаларини эҳтиёткорлик чоралари билан такроран таништириб ўтмоқчимиз:

-картангизни ҳавфсиз жойда сақланг;

- PIN-кодингизни учинчи шахсларга ишонманг ва жамоат жойларда овоза қилманг;

- пластик картангиз боғланган мобил иловага тегишли паролни ҳеч кимга айтманг;

-ижтимоий тармоқлар орқали пластик картангизнинг суръатларини юборманг;

-фойдаланувчини идентификациялаш учун телефон рақамга келадиган текширувчи паролларни учинчи шахсларга айтманг;

-пластик картанинг ўзида PIN-кодингизни эслатма тариқасида ёзиб қолдирманг.  

 

 

ҲАФТА САВОЛЛАРИ

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз.

Uzcard ва UnionPay International ўртасида иккитомонлама шартнома имзоланди

  Ягона умумреспублика процессинг маркази ҳамда UnionPay International ўртасида кобейджинг карталар чиқарилишига тегишли шартнома имзоланди. Келишув марказимиз вакилларининг Хитой Республикасига ташрифи доирасида амалга оширилди.

Uzcard ва UnionPay International иштирокида ўтказилган учрашувда ушбу келишувга тегишли барча саволлар муҳокама қилиниб, икки тўлов тизимлари иштирокида муомалага чиқариладиган кобейджинг карталар мавзусига алоҳида эътибор қаратилди. Жумладан, келишувниниг асосий мақсадларидан бири кобейджинг карталар ишлаб чиқарилишига аъзо бўлган банкни аниқлаш бўлиб, унга кўра, Aloqabank томонидан UnionPay International халқаро тўлов тизимини қўллаб-қувватловчи илк кобейджинг карталари чиқарилиши белгилаб ўтилди.    

Бундан аввал, Ўзбекистон ҳудудида 1 июлдан бошлаб кобейджинг карталари ишлаб чиқарилишини эълон қилган эдик. Икки компания ўртасида имзоланган келишувга биноан эндиликда икки тўлов тизимларига хизмат кўрсатувчи кобейджинг карталари UzCard ягона тўлов тизимида мамлакатимиз ҳудудида ҳам хизмат кўрсатади, ҳам унинг ташқарисида UnionPay International тўлов тизими доирасида тўловларни қабул қилади.

Юқоридагиларни инобатга олган ҳолда, компаниямиз томонидан UnionPay International билан ҳамкорлик қилишда қўйилган бир қатор талаблар бажарилди ва карталарни эмбоссировка  қилиш учун мўлжалланган марказ персо ускуналар билан тўлиқлигича жиҳозланди. Бугунги кунга келиб юқорида санаб ўтилган келишув қатнашчилари иштирокида тест режимида кобейдж карталари чиқарила бошланди. Жумладан, Ипак Йули, QQB, Агробанк, ОФБ,   Инфинбанк, Хамкорбанк, НБУ банклари ҳам ушбу жараёнга интеграция қилиш арафасида турибди.

Бундан ташқари, Марказимиз мутахассислари томонидан барча POS-терминалларнинг дастурий таъминотини қайта ўрнатиш юзасидан фаол ишлар олиб борилмоқда. Демак, яқин кунларда барча POS-терминаллар UnionPay International халқаро карталарини ҳам қабул қилишни бошлайди.  

Бугунги кунга келиб, UzCard пластик картасини қабул қилувчи барча банкоматлар сертификациядан ўтиб, UnionPay карталарига хизмат кўсатишга тайёрланмоқда. Эслатиб ўтамиз, банкоматлар 24/7 кун тартибида хизмат кўрсатади. Уларга ёпиштирилган UnionPay махсус логотипи орқали банкоматнинг ушбу халқаро тўлов тизимига хизмат кўсатишини аниқлашингиз мумкин.

Эндиликда, мамлакатимизга ташриф буюраётган сайёҳлар банкомат орқали маҳаллий валютамизни ечиб олишлари ҳамда POS-терминаллар орқали UnionPay карталари орқали тўловларни амалга ошириш имкониятидан фойдаланишлари муҳим қадамлар ташланаётганини кўрсатмоқда.    

 

ҲАФТА САВОЛЛАРИ

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз.

«Смс-хабарнома хизматини масофадан ўчириш -STOP1» хизмати билан танишмисиз?

Сўнгги пайтларда карта эгаларимиз ижтимоий тармоқларимиз орқали мобил  иловаларга уланган телефон рақамини қандай узиш мумкинлиги тўғрисида  қизиқиб, қатор  саволлар  билан мурожаат қилишмоқда.  Жумладан, ушбу мавзуни кенгроқ ёритиш мақсадида   Ягона умумреспублика процессинг маркази ходимлари томонидан яратилган «Смс-хабарнома ҳизматини масофадан ўчириш -STOP1» хизматининг имкониятларига тўхталиб ўтмоқчимиз.  

Маълумки, агар бирон бир мобил алоқа оператори мижози 3 ой давомида телефон рақамидан фойдаланмаса, у ҳолда мобил алоқа оператори автоматик равишда уни блоклаб, янги рақам эгаси иҳтиёрига топшириши мумкин. Шу ўринда савол келиб чиқади: агар телефон рақамининг илк эгаси ўз пластик картасини  унинг блокаланишидан аввал  мобил телефон рақами орқали мобил иловаларга улаган бўлса, у ҳолда телефон рақамининг янги эгаси ҳам мобил иловалар орқали пластик картадан фойдалана олиши мумкинми?

Марказимиз мутахассилари томонидан шу каби ҳолатларни бартараф қилиш учун «Смс-хабарнома хизматини масофадан ўчириш -STOP1» хизмати жорий қилинган.  3 ой давомида ишлатилмаган мобил телефон рақами янгидан сотувга чиқишидан аввал, мобил алоқа компанияси ЯУПМ га мобил рақам хақида маълумот юборади ва унга бириктирилган UzCard карталарининг смс-хабарнома хизмати фаоллигини тўхтатади. Ўз навбатида, барча тўлов тизимларига (мобил иловалар ва ҳоказо.) фойдаланувчилар паролларини тулиқ қайта тиклаш функциясидан фойдаланганларида,  кабинетга бириктирилган картага оид маълумотларни тозалаш ва тўлов тизимида хавфсиз фойдаланиш даражасини ошириш тавсия қилинган.

«Смс-хабарнома ҳизматини масофадан ўчириш -STOP1» хизматининг жорий қилиниши мобил алоқа мижозларининг карта ҳавфсизлигини таъминлашда ҳамда рақам янги мижоз ихтиёрида эмаслилига ишонч ҳосил қилишда ўз қулайлиги билан ажралиб туради.

Ҳафта саволлари

Ўз саволларингизни қуйидаги ижтимоий тармоқлар манзилларига юборишингиз мумкин:

This email address is being protected from spambots. You need JavaScript enabled to view it.  электрон почта манзили;
uzcard.uz сайтимиздаги онлайн чат;
facebook.com/uzcard/ корпоратив саҳифамиз.

Ҳурматли карта эгалари!

Ягона Умумреспублика Процессинг Марказининг маълум қилишича, алоқадаги узилишлар сабабли 2018 йил 14  май  соат 12:55 дан  POS ва E-POS терминаллари процессинг маркази билан вақтинчалик улана олмайди.

Вақтинчалик ноқулайликлар учун узр сўраймиз.

 

Ҳурмат билан, Маъмурият