Uzcard янгиликлари

Саволлар ва жавоблар

     Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Бераётган саволарингиз учун миннатдормиз. Ҳар бир савол ўз навбатида бизга камчиликларни бартараф этишга, ҳамда хизмат кўрсатиш сифатини оширишга ёрдам бермоқда.

     Саволларингизни  This email address is being protected from spambots. You need JavaScript enabled to view it.  электрон почта манзилига юборишигиз мумкин.

Саволларга жавоблар.

1. «Woy-wo’» тўлов портали орқали товар ва хизматлар учун амалга оширилган тўлов квитанциясини олиш имконияти мавжудми?

Сиз «Woy-wo’» порталидан рўйхатдан ўтиб, товар ва хизматлар учун тўловларни амалга оширганингиздан сўнг, ўз саҳифангизда тўловларингиз тариҳига кириб, тегишли тўловни танлаб, чекни сақлаб қўйишингиз ёки уни принтерда чоп этишингиз мумкин бўлади.

2. SMS-хабарлар хизматига қаерда ва қандай қилиб уланиш мумкин? Шунингдек, битта картада ушбу хизмат орқали  иккита телефон рақамига улаш мумкин?

SMS-хабарлар хизматини инфокиоска/банкомат орқали йоқиш мумкин. Ушбу хизматни ёқишда картани фақатгина битта мобил рақамига улаш мумкин. Лекин битта мобил рақамига икки ва ундан ортиқ бўлган карталарни ушбу хизмат орқали  улаш имконияти мавжуд.

3.  Мен корпоратив картадан жисмоний шахснинг пластик картасига маблағни ўтказишим мумкинми?

Афсуски, картадан картага пул ўтказиш хизмати жисмоний шахслар картаси учун қўлланилади.

4. Ҳозирда мен ҳар бир оила аъзолари учун кийимлар сотиш билан шуғулланидиган дўкон эгасиман. Келажакда мижозларга интернет орқали маҳсулотларни харид қилиш хизматини йўлга қўйиш ниятим бор. «Woy-wo’» тўлов портали билан қандай қилиб шартнома тузишим мумкин?

«ЯУПМ» МЧЖ ҚК билан E-POS орқали электрон тўловларни қабул қилиш тўғрисидаги шартномани тузиш юзасидан маълумотларни қуйида кўриб чиқишингиз мумкин. Шунгингдек, (+99871) 238 69 76, 245 54 67 рақамларига телефон қилиб ҳам маълумот олишингиз мумкин.

POS-терминал учун янги ишончли UZCARD-POS дастурий таъминоти

     Ҳар қандай пластик картанинг афзаллиги бу бутун кун давомида ундаги маблағдан фойдалана олиш ҳамда сарф-ҳаражатларни назорат қилиш мумкинлигидадир. Пластик карталарнинг муомилага киритилиши ҳар бир фуқаролар учун товар ва хизматлар учун тўловларни қулай тарзда амалга оширишларига имконият яратди.

     Ҳозирги кунда савдо марказлари, умумий овқатланиш жойларида пластик карталари орқали тўлаш жараёни самарали ва қулайлиги сабабли, ушбу масканларда кундан кунга POS-терминалларни ўрнатиш авж олиб бормоқда.  

     Терминал орқали тўлов хавфсизлигини ошириш мақсадида, савдо ва хизмат кўрсатувчи корхоналарга янги «Uzcard-Pos» дастурий таъминотни ўрнатиш юзасидан, хизмат кўрсатувчи банкларга мурожаат қилишингизни маслаҳат берамиз.

     Маълумки, сифатли дастурий таъминот ҳар бир қурилманинг самарали ишлашини таъминлайди. Дастурий таъминот  қанча ишончли ва барқарор фаолият кўрсатса, савдо ва хизмат кўрсатиш корхоналар ва банклар учун ортиқча муоммолар келтириб чиқармайди.

     «Uzcard-Pos» дастурий таъминот аввалги дастурий таъминотга нисбатан қуйидаги афзалликларга эга:  фойдаланишда соддалик, қисқа фурсат ичида транзакцияни амалга ошириш, Ўзбекистон ҳудудида фаолият олиб бораятган провайдерларни танлаш, GPRS ҳамда Wi-Fi орқали интернетга уланиш каби имкониятлар.

«Uzcard-Pos» - POS-терминаллар учун универсал ечим бўлиб, савдо ва хизмат кўрсатиш корхоналарнинг молиявий амалиётларини самарали амалга оширилишини  таъминлайди.

Саволлар ва жавоблар

     Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Саволларингизни  This email address is being protected from spambots. You need JavaScript enabled to view it. электрон почта манзилига юборишигиз мумкин.

     Саволларга жавоблар.

1. Қандай қилиб онлайн картани Дуэт картасидан фарқлаш мумкин?

     Картани ташқи кўринишига қараб фарқлаш жуда осон:

А) Онлайн карта (Uzcard EMV): Карта номери 16 та сондан иборат бўлиб, биринчи 4та рақам 8600 дан бошланади. Шунингдек, картага    логотипи мавжуд.

Б) Офлайн карта (Дуэт): Карта номери 17 та рақамдан иборат бўлиб, рақамлар 9860 дан бошланади.

Агар сиз Дуэт карта эгаси бўлсангиз, сизга уни Uzcard EMV га алмаштиришни маслаҳат берамиз. Алмаштириш сабабалри қуйида келтирилган.

2. Агар савдо шаҳобчаларида харидни амалга оширганда, терминал «Отказано» деган хабарли чек чиқарсаю, аммо картадан маблағ ечилганлиги тўғрисидаги смс-хабар келган ҳолларда нима қилиш керак?

     Бундай ҳоллатларда карта эгаси товар ва хизмат кўрсатувчи корхона ҳодимларига картадан маблағ ечилганлиги тўғрисида хабар қилишлари керак бўлади. Товар ва хизмат кўрсатувчи корхона ҳодимлари ушбу карта балансини терминалда текшириш ёки кейинги тўлов амалиётини бажарганларидан кейин, биринчи тўлов транзакцияси бекор бўлади ҳамда маблағ картага қайтиб тушади.

3. Сўнги пайтларда картадан маблағ ечилганлик тўғрисидаги СМС-хабарлар менинг қўл телефонимга келмаяпти. Нима учун?

     Бизнинг мутахассисларимиз қуйидаги ҳолларда СМС-хабарлар келмаслик сабабларини аниқлашди:

А) Мобил рақам ҳисобида маблағ бўлмаган ҳолатлар.

Б) Ушбу хизматга нотўғри уланиш ҳолатлари. Мисол учун мобил телефон рақам коди нотўғри киритилган бўлиши мумкин.

В) Мобил алоқа операторлари томонидан СМС-хабар етказилмаганлиги ёки алоқа сигналининг сустлиги каби ҳолатлар.

Г) Мобил қурилмада носозликлар мавжуд бўган ҳолатлар. Агар янги мобил илова ўрнатилганидан сўнг смс-хабарлар келмай қолса, сизга ушбу иловани ўчиришни маслаҳат берамиз. Шунингдек, мобил қурилма ҳотираси смс-хабарлар билан тўлиб қолган бўлиши мумкин.

     Баъзи бир ҳоллатларда алоқа тўрлари ортиқча юкланганлиги боис СМС-хабар келмаслиги мумкин. Ушбу ҳолларда СМСлар маълум бир муддат ўтганидан сўнг юбориш навбатидан ўчирилади. Келмаган СМС-хабарлар борасида бизнинг алоқа марказимизга 200 28 28 телефон рақамини териб, мурожаат этсангиз, СМС-хабар сизнинг мобил телефон рақамингизга қайта юборилади.

Нега эски DUET картани замоновий UZCARD EMV га алмаштириш керак?

Кўздан нари – кўнгилдан нари!

Бугунги кунда “Узкарт” тўлов тизими икки платформада фаолият олиб бормоқда:

  1. “DUET” (Offline) платформасида карта оффлайн тартибда ишлайди, яъни транзакция амалга оширилаётганда ахборотлар терминал картасига ёзилади.
  2. “Uzcard EMV” (Online) платформасида эса транзакция амалга оширилаётганида ахборотлар тўғридан-тўғри тўлов тизимга юборилади.

 

Нега эски DUET картани замоновий UZCARD EMV га алмаштириш керак?

 

Ҳозирги кунда DUET карталари эскирган бўлиб, PCI DSS халқаро хавфсизлик талабларига жавоб бермайди..  

 

Uzcard EMV (Online) карталари эса замонавий банк технологиялари ёрдамида муҳофазаланган бўлиб, халқаро стандартларга тўлиқ жавоб беради. 

 

Тасаввур қилинг! Сиз DUET картангизни йўқотиб қўйдингиз. Бу эса ўз навбатида бир қанча муоммоларни келтириб чиқаради.

 

Агар DUET карта йўқотилса, уни тиклаш учун камида 20 кун талаб этилади. Чунки банк ҳодимлари махсус СТОП-листга карта маълумотларини киритишлари лозим бўлади. Бу вақт ичида фирибгарлар қулай шароитга эга бўладилар.

Онланй карта эса бундай камчиликларга эга эмас, чунки карта йўқолганда қисқа вақт ичида картани блокка тушириш имконияти мавжуд. Бунинг учун ушбу картани чиқарган банк муассасига шахсни тасдиқловчи ҳужжат билан мурожаат қилсангиз бўлди.

Ҳар гал ойлик иш хаққи берилганда, картани тўлдириш учун DUET карта эгалари иш жойини тарк этиб ёки кечки пайт, об-ҳавога қарамай, банк муассасаларига боришларига тўғри келади.

 

Шунингдек, DUET карталарида СМС-хабарлар хизматини йоқиш имконияти йўқлигини ҳам иноботга олиш керак. Чунки ушбу хизмат картада амалга оширилаётган барча амалиётлар тўғрисида маълумотни олиш имкониятини беради: тўловлар, келиб тушган маблағлар, картадаги қолдиқ.

Онлайн карталари эса бундан мустасно. Яъни картага келаётган маблағлар ўз вақтида тушади, ортиқча ҳаракатлар талаб этилмайди. Шунингдек, агар карта СМС-хабарлар хизматига уланган бўлса, мобил телефон рақамингизга маблағ тушганлиги тўғрисидаги хабар келади.

Бу оффлайн картани онлайн картага алмаштириш учун сизга яна бир сабаб эди.

 Ҳозирги замонда Интернет нафақат янги ахборотларни қабул қилиш, балки узоқ масофадан туриб тўловларни амалга ошириш, ҳарид қилиш имкониятини бермоқда:  Uzcard EMV ёрдамида Uzcard шахсий кабинети/мобил иловаси ва Woy-wo’ тўлов портали орқали ҳарид ва тўловларни амалга ошириш мумкин.

 

Лекин бундай афзалликларни DUET карталари ўзида мужассам этмаган.

Ўзбекистон ҳудудида DUET картанинг камчиликларидан ҳалос бўлган янги Uzcard EMV карталари муомалада экан, келинг, бор имкониятдан фойдаланайлик!

 

Ucell абонентлари Woy-wo’ тўлов порталининг USSD-хизматидан фойдалана оладилар!

     Эндиликда Woy-wo’ тўлов порталининг USSD-хизматидан Uzmobile, UMS ҳамда Ucell абонентлари фойдалана олишлари мумкин.

     USSD-хизматидан фойдаланиш учун аввал рўйхатдан ўтишингиз керак бўлади. Бунинг учун *899# рақамини мобил телефон орқали теринг ва қуйидагиларни бажаринг:

1. Пластик картанинг биринчи 6 та рақамини киритинг. Мисол учун: 8600 1234 5678 9101

2. Сўнг картанинг оҳирги 4 та рақамини киритинг. Мисол учун: 8600 1234 5678 9101

3. 4 дан 10 гача сонлардан иборат бўлган янги ПИД-кодни киритинг.

4. Тасдиқлаш учун қайта янги ПИН-кодни киритинг.

5. Кодни киритгандан сўнг, ПИН-код ўрнатилганлиги тўғрисидаги хабарни кутинг: "Вы успешно установили ПИН-код"

 

               

 Woy-wo' тўлов порталининг USSD-хизматидан фойдаланиш бўйича йўрикнома.

 

 

 

 

WOY-WO’ орқали товар ва хизматлар учун хавфсиз тўловлар

ОТР технологияси ёрдамида Сизнинг “Woy-wo’” тўлов портали ва мобил иловаси орқали товар ва хизматлар учун тўловларингиз хавфсиз амалга оширилади!

ОТР нима?

ОТР технилогияси - бу тўлов ва харидларни амалга оширишда “Woy-wo’” платформасида  авторизация қилиш жараёнида аутентификация учун  қўшимча ҳаракатлар ҳисобига хавфсизликни таъминловчи уникал тизимдир.

Авторизация қилиш жараёнида карта бириктирилган телефон рақамга бир марталик код билан СМС-хабар келади. Шундан сўнг карта эгасидан ушбу кодни териш талаб этилади.

 

ОТР нинг афзалликлари нимада?

  • Хавфсиз: Сизнинг картангиз фақат сизга маълум бўлган бир марталик код орқали ҳимояланган.
  • Қулай: Кодни ёдда тутиш талаб этилмайди. Ушбу бир марталик код портал ёки мобил иловада авторизация қилиш жараёнида СМС тарзда мобил телефонингизга келади.

 

OTP

Эслатма: “Woy-wo’” тўлов портали ва мобил иловасидан янада хавфсиз фойдаланиш учун, рўйхатдан ўтиш жараёнида “Бу қурилмага ишониш” таклифини рад этишингиз мумкин. Шунда, хар бир авторизациядан ўтиш жараёнида сизнинг мобил телефонингизга СМС тарзда келаётган бир марталик кодни киритишингиз керак бўлади.

Woy-wo’ тўлов порталининг янги хизмати

899

Янада қулай, янада тез...

Woy-wo’ тўлов порталининг янги хизмати

Woy-wo’ тўлов порталида USSD-хизмати ишга тушди

 

 

Бу нима?

Woy-wo’ тўлов порталининг USSD-хизмати мобил телефондан юборилган махсус сўровлар ёрдамида банкка мурожаат этмай туриб Сизга таъминотчилоримиз таклиф этган товар/хизматлар учун тўловни амалга ошириш имкониятини беради.

Эслатма! Товар ва хизмат таъминотчилари учун тўловларни Woy-wo’ орқали қабул қилиш (2-3 маротабага) арзонлашди.

Ҳозирги кунда Woy-wo’ порталига уланган таъмиинотчилар сони 149 тага етди. Таъминотчилар рўйхати билан www.woy-wo.uz сайтида танишишингиз мумкин.

 

Бу қандай ишлайди?

Энди Woy-wo’ тўлов порталининг USSD-менюсини чақириш учун мобил телефонингиз орқали *899# ни териш кифоя. Натижада интернетга уланмай туриб Сиз телефон балансини тўлдиришингиз, интернет провайдерлар учун тўловни ёки коммунал тўловларни амалга оширишингиз, ҳамда  харид қилишингиз мумкин бўлади.

899 

Маълумот учун:

Ушбу хизматдан фойдаланиш учун аввал сиз инфокиоскада СМС-хабарлар хизматини ёқтиришингиз керак бўлади. Сўнг:  *899# териб чақирув тугмасини босинг ҳамда экранда кўрсатилган маълумотларни киритинг. ШИР-кодини (ПИН-код) теришингиздан сўнг Woy-wo’ тўлов порталига уланганлик тўғрисидаги тасдиқномани кутинг.

 

Қандай афзалликларга эга?

  • Ушбу хизмат телефон русуми қандайлигидан қатъий назар товар/хизматлар учун тўловни амалга ошириш имкониятини беради.
  • Тўловлар тўғрисидаги хабарлар ўз вақтида келади.
  • Қўшимча комиссион тўловлар йўқ.
  • Интернетга уланишни талаб этмайди.
  • Фойдаланишнинг қулай эканлиги.

Ушбу USSD-хизматидан UZMOBILE GSM абонентлари фойдалана оладилар.

Саволлар ва жавоблар

Ҳафтанинг ҳар жума кунлари www.uzcard.uz сайтида бизга келаётган мурожаатларга жавобларни нашр қилиб борамиз. Бераётган саволарингиз учун миннатдормиз. Ҳар бир савол ўз навбатида бизга камчиликларни бартараф этишга, ҳамда хизмат кўрсатиш сифатини оширишга ёрдам бермоқда.

Шунингдек, сизнинг ижобий фикр-мулоҳазаларингиз бизга кўмак бермоқда.

Саволларингизни ушбу  This email address is being protected from spambots. You need JavaScript enabled to view it. электрон почта манзилига юборишингиз мумкин.

Саволларга жавоблар.

1.  Қанча миқдоргача мен мобил илова орқали картадан картага пул ўтказишим мумкин?

Жисмоний шахслар учун мобил илова орқали картадан картга пул ўтказишда бир ой муддатга чекловлар мавжуд – ҳозирги кунда  Алоқабанк, Агробанк ва Савдогарбанкларда ушбу пул ўтказиш чегаравий миқдори 5 млн. сўм деб белгилан бўлса, қолган банкларнинг кўпчилигида 1 млн. сўмдан ошмаган маблағни ташкил қилади.

Агар сиз банкка бевосита ариза билан мурожаат килсангиз, картадан картага пул утказишда чекловлар мавжуд эмас.

2.  Агар пластик картамнинг устки қисмида 11/2016 санаси ёзилган бўлса, мен қайси санагача картамдан фойдаланишим мумкин?

11/2016 санаси сиз картангиздан 2016 йилинг 30 ноябригача фойдаланишингиз мумкин деган маънони англатади. 1 декабр 2016 йилдан бошлаб картанинг ишлатиш муддати тугайди. Сиз карта берган банкка мурожаат этиб, янги пластик картани олишингиз мумкин.

3.  Хайрли кун! Менинг картамга бошқа шаҳардан махфий код билан пул ўтказишди. Лекин мен пулни қабул қила олмаганлигим туфайли пул ўтказмани бекор қилган бўлсамда, пул юборувчига пул қайтиб келмади. Бундай ҳолларда мен нима қилишим керак?

Сизнинг мурожаатингизда қандай карта ва қайси тизим орқали ушбу ўтказмани бажарганингиз бизга номаълум. Илтимос, сизга карта берган банкка мурожаат қилишингизни сўраймиз.

4.  «WOY-WO’» интернет тўлов портали орқали амалга оширилган коммунал тўловлар ва бошқа тўловлар квитанциясини қай йўсинда олиш мумкин?

Сиз «WOY-WO’» порталидан рўйхатдан ўтиб, товар ва хизматлар учун тўловларни амалга оширганингиздан сўнг, ўз саҳифангизда тўловларингиз тариҳига кириб, тегишли тўловни танлаб, чекни сақлаб қўйишингиз ёки уни принтерда чоп этишингиз мумкин бўлади.

ЯУПМ PR-хизмати

Пластик карта эгасига ноодатий маслаҳат!

Картага нотўғри ШИР-кодини ёзиб қуйинг!

  

uzcard idea

Банк мижозларининг кўпчилиги картага унинг ШИР-кодини (ПИН-код) ёзмаслик кераклигини, шунингдек хамёнда карта билан биргаликда  унинг ШИР-кодини олиб юриш мумкин эмаслигини билишади. Банкларнинг кўпчилиги эса ШИР-кодни сақлаб қўйишни маслаҳат қилмайдилар. Шунинг учун ушбу кодни фақатгина ёдда сақлаш орқали коднинг хавфсизлигини таъминлай оласиз. Лекин одатда хотира панд берадиган ҳоллар мавжуд.

Хотирада сақлашнинг осон йўллари ҳам бор. Бу шахсан ўзингизга маълум бўлган сана! Албатта, сиз ва яқинларингизнинг туғилган саналари картанинг ШИР-коди бўла олмайди, чунки бу саналарни кўпинча ижтимоий тармоқ орқали билиб олиш мумкин.

ШИР-кодни сақлашнинг хавфсиз йўли – бу мобил телефонингизда ушбу кодни телефон рақам сифатида сақлашдир. Мисол учун мобил телефоннинг “Контакты” саҳифасида ёки ён дафтарчага янги контакт яратасиз, ҳамда унинг оҳирги тўртта рақами ўрнига ШИР-кодни киритасиз.  Контакт яратаётганда асло “ШИР” (“ПИН”) сўзини ёзманг.

Карта қаллобларидан пластик картангизнинг хавфсизлигини таъминлаш учун қуйидаги айёрона усулдан фойдаланишингиз мумкин. Яъни карта устки қисмига нотўғри ШИР-кодини ёзиб қўйинг. Карта ёқолганда ёки ўғирланганда қаллоблар карта устки қисмида ёзилган ШИР-коддан фойдаланадилар ва картангиз блокка тушиб қолади(уч маротаба нотўғри код киритилганда). Сиз эса бу вақт ичида банк ҳодимларини огоҳлантиришга улгурасиз.  

 

ЯУПМ PR-хизмати

 

Саволлар ва жавоблар

Бизнинг реклама ва жамоатчилик билан ишлаш бўлимимизга келиб тушадиган  мурожаатларга жавобларни ҳар жума кунлари «Саволлар ва жавоблар» саҳифасида жойлаштирамиз.

Саволлар-жавоблар.

1.  Давлат солиқ қўмитасига тўловларни, яъни ер, мол-мулк солиғи ва шунга ўхшаш солиқ тўловларни онлайн тарзда амалга ошириш бўйича хизмат кўрсатишни режалаштирганмисиз?

Ҳозирда ҳодимларимиз “Woy-wo’” лойиҳаси устида ишлашни давом эттирмоқдалар. Яқин кунладра “Woy-wo’” тўлов портали ва мобил иловаси орқали солиқларни тўлаш хизматини ишга тушириш режалаштирилмоқда.

2.  Агар савдо-хизмат шохобчаси вакили менинг картамга хизмат кўрсатишни инкор қилса, бундай ҳолатда қандай йўл тутишим керак?

Агар тадбиркор товар хариди ёки кўрсатилган хизмат учун тўловни пластик карта орқали қабул қилмаса ёки олинган товар учун чек бермаса, булар ҳақида Давлат солиқ қўмитаси ва давлат солиқ хизмати ҳудудий органлари “ишонч телефонларига” хабар беринг.

Тошкент ДСБ ишонч телефони: 244-54-86.

3.  Мен Агробанк пластик картасидан микрокредит банк картасига 500 000 сўм пул ўтказмоқчиман. Бунинг учун қабул қиловчи ўз картасида Pay me дастурини ўранатиши керак бўладими? Ушбу амилиётни бепул бажариш учун нима қилиш керак?

Картадан картага пул ўтказиш амалиётини бажариш учун, пул қабул қиловчи картасида “СМС-хабарлар” хизматини ёқтирган бўлиши керак. Ушбу амалиётни бепул амалга ошириш учун, сиз, яъни пул ўтказувчи ўз банкига ариза билан мурожаат этиши керак бўлади.

4.  DUET картани қандай қилиб On-line картага алмаштириш мумкин?

UZCARD EMV (Online) картасини очиш учун исталган пайтда банкка ариза билан мурожаат қилишингиз мумкин. Ҳар бир банкнинг ўз муддатлари  ва шартлари бор, ушбу маълумотни ўзингизга яқин бўлган банк филиалидан билиб олишингиз керак бўлади.

 

Саволларингизни ушбу  This email address is being protected from spambots. You need JavaScript enabled to view it.  электрон почта манзилига юборишингиз мумкин.