Uzcard янгиликлари

Британияликлар нақддан воз кечишмоқда

Қарийб 33% британияликлар харид пайтида нақд пулдан фойдаланмай қўйганлар. Мазкур кўрсаткич миллениаллар (80-90-йиллар бошларида туғилган инсонлар авлоди вакиллари. Миллениаллар глобализация, саноатлаштириш ва рақамли технологиялар даврида туғилганлар) ўртасида янада юқорироқ – ушбу тоифадаги сўровда қатнашганларнинг қарийб 51% нақд пулдан фойдаланмайдилар. Катта авлод вакиллари орасида нақд пулсиз тўлов шаклига тўлиқ ўтганлар эса 27% ҳисобланади. Британиянинг PPRO Group финтех-компанияси тадқиқотлари бунга гувоҳлик бермоқда.

Бундан ташқари, чамаси 59% британияликлар мамлакат “яқинда” тўлалигича нақд пулдан воз кечади деган фикрни билдирганлар, 12% аҳоли эса бу яқин беш йил ичида амалга ошишига ишонишади. Сўровда иштирок этганларнинг  2% Буюк Британия яқин икки йилда нақдсиз тўловлар тизимига ўтишини маълум қилганлар.

Нақднинг ўрнига Буюк Британия аҳолиси аксарият ҳолатларда банк карталари ҳамда Android Pay ва Apple Pay контактсиз мобил тўловларидан фойдаланмоқдалар. 2016 йилда смартфонлар ёрдамида амалга оширилган тўловлар сони ўтган йилга нисбатан  247% ўсишни қайд этган.

 

Манба

Woy-wo’ мобил иловасида QR-код орқали тўлов имконияти пайдо бўлди

Молиявий хизматларнинг онлайн имкониятларини кенгайтириш мақсадида Ягона Умумреспублика Процессинг Маркази Woy-wo’ тўлов портали мобил иловасида савдо терминалидан фойдаланилмаган ҳолда QR-код орқали тўлов янги тизимини жорий қилди. 

Дастлаб ушбу хизмат “UZCARD” тўлов портали мобил иловасида мавжуд эди. Ҳозирда Woy-wo’ мобил иловасида ҳам QR-код орқали тўловларни амалга ошириш мумкин.

Ягона Умумреспублика Процессинг Маркази QR-лойиҳаси ғояси қуйидагича: банк тўлов картасини смартфонга боғлаб олиб, сўнг ушбу иловани савдо шохобчаларида ҳисоб-китобларни амалга ошириш учун фойдаланиш. Тўловнинг бундай усули сотувчи учун ҳам харидор учун ҳам одатий банк пластик картасидан амалга ошириладиган тўлов шаклидан қулайроқдир. Мисол учун, картани қабул қилиш учун сотувчига савдо терминали талаб этилмайди. Харидор учун эса смартфон ўрнини босадиган карта солинган ҳамёндан воз кечиш имконияти пайдо бўлади. Айни пайтда, карта маълумотларининг хавфсизлик даражаси ошади: картани сотувчига тақдим қилиш ёки Интернетдаги сайтларда унинг реквизитларини киритишга ҳожат қолмайди.

Таъкидлаш жоизки, QR-код орқали тўлов харидор учун мутлақо бепул, яъни ушбу хизмат учун ундан ҳеч қандай қўшимча тўлов ундирилмайди. Албатта, мобил телефондаги Интернет  хизмати учун олинадиган тўловни ҳисобга олмаганда.

Аслида QR-код  “портрет” ёки “ландшафт” йўсинида қоғозга чоп этиб чиқариш мумкин бўлган шаклан A4 форматидаги баннер демакдир. Баннер исталган лазерли ёки ранглар нуқталар шаклида акс этадиган принтердан (рангли ёки оқ-қора шаклда) қоғозга чиқариб олиш мумкин.

Фойдаланувчи савдо шохобчасига келиб, муайян хизмат учун тўловни мобил телефони орқали амалга ошириши мумкин. Бунинг учун Woy-wo’ мобил иловасини юклаб олиши ва ишга тушириши  ҳамда мобил илова менюсида QR-код орқали тўловни танлаши зарур. Кейин эса QR code менюсига кириши ва камера объективини кодга қаратиши, маълумотни олиши ва якунда тўловни амалга ошириш зарур.

Мерчант (Инглиз тилидан олинган бўлиб, Merchant тужжор, савдогар бизнесда фойдаланишга мўлжалланган кенг таснифдаги молиявий хизматлар учун қўлланиладиган атама.Аксарият ҳолатларда ушбу атама банк пластик карталари ёрдамида тўловларни қабул қилиш хизматига тегишлидир) муайян хизмат тўлови учун  QR-код акс этган баннерни яратиш учун ўзининг шахсий кабинетига кириши зарур. У ерда баннер генерация учун зарур бўлган параметрларни киритиши лозим. Шунингдек, QR code менюсига кириши ва QR code генерациясини амалга ошириши керак. Бунинг учун қуйидаги қаторлар тўлдирилади:

1. Баннер матни (Сизнинг савдо белгингизнинг номи ёки хоҳишингизга кўра, бошқа матн: товарнинг номланиши, унинг баҳоси ёхуд хоҳишингизга кўра исталган бошқа матн).

2. Баннер шакли – баннер чоп этиладиган қоғоз вароғи йўсини: «портрет» ёки «ландшафт».

3. Тўлов суммаси –  ушбу қаторга агарда фойдаланувчи уни ўзгартира олмаслигини истасангиз товар ёки хизмат учун суммани киритинг ёхудушбу қаторни бўш қолдиринг. Бундай ҳолатда, тўловни амалга ошириш пайтида фойдаланувчи суммани ўзи кўрсатиши мумкин. Агарда сизда турли нархларда фақат чекланган миқдордаги товар ва хизматлар бўлса, унда ҳар бир товар ва хизмат учун айнан маълум бўлган суммадаги алоҳида-алоҳида QR-кодли баннерларни яратиш ва суммани тўловни амалга ошириш пайтида киритишга имкон қолдирмасликни тавсия қиламиз.

4. Киритиб бўлгач, QR-кодли PDF-файлни шакллантириш учун “QR-код генерацияси” тугмачасини босинг.  

Кейин эса генерация қилинган QR code юклаб олинади ва сақлаб қўйилади. Тайёр  QR code (Мерчант генерациядан кейин тайёр QRни принтерда қоғозга чиқариб олиши мумкин. Агарда браузер қоғозга чиқариб олиш функциясига мосланган бўлса, PDF-файл тўғридан-тўғри браузердан қоғозга чиқариб олиниши мумкин. Шунингдек, PDF-файллар билан ишлаш  учун махсус дастурлар ҳам мавжуд: Adobe Acrobat Reader ёки Foxit Reader).

 

Ягона Умумреспублика Процессинг Маркази мутахассисларининг таъкидлашича, QR-кодларни кундалик ҳаётда электрон тўловларни амалга оширишдаги восита сифатида қўлланилиши аҳоли ва савдо ва хизмат кўрсатиш корхоналарига янги имкониятлар ва қулайликлар яратади.

 

Ягона Умумреспублика Процессинг Маркази
PR-хизмати

Оффлайн платформадан онлайнга ўтиш қарийб якунланди

“Ўзкарт” БТТ фаолияти якунларига кўра, 2017 йилнинг апрель ойи давомида DUET (“оффлайн”) карталари орқали амалга оширилган банклараро транзакциялар сони ва умумий суммаси  бутун тизим бўйича транзакцияларнинг умумий ҳажмида 0,7% ва 0,5%, UZCARD EMV (“онлайн”) карталари бўйича транзакциялар улуши эса – мувофиқ равишда 99,3% ва 99,5% кўрсаткичларини қайд этди.
Шу тариқа, “Ўзкарт” тўлов тизимининг оффлайн платформадан онлайнга ўтиши қарийб ниҳоясига етди.

Онлайн платформанинг афзалликлари ҳақида бу ерда билиб олишингиз мумкин (Оффлайн – нафақат урфда эмас… балки хавфсиз ҳам эмас  DUET технологиялар даври тугамоқда).

 

Ягона Умумреспублика Процессинг Маркази
PR-хизмати

2021 йилда мобил тўловлар: фойдаланувчилар ва смартфонлар сони

Шу йил якунида 3,4 млрд. смартфонларда Apple, Google ва Samsung мобил тўлов сервислари пайдо бўлади.


2017 йил якунида 3,4 млрд. смартфонларда Apple Pay, Samsung Pay ва Android Pay мобил тўлов сервислари пайдо бўлади. 2021 йилда эса бундай смартфонлар сони 5,3 миллиардга етади. Бунга IHS Markit томонидан ўтказилган тадқиқотлар натижалари гувоҳлик бермоқда.

IHS Markit маълумотларига кўра, жорий йил якунига бориб, бутун дунё бўйлаб фаол смартфонларнинг 11% Apple Pay, 61% – Android Pay ва 3% – Samsung Pay фаолияти учун эркин бўлади.

IHS Markit томонидан таъкидланишича, Apple, Samsung ва Android бундай натижаларга эришиш учун стратегик жиҳатдан ўзларининг мобил тўлов сервисларини кенгайтира борадилар ва тобора кўпроқ банк ва молиявий муассасаларни жалб қиладилар.

Apple ва Samsung ўз мобил тўлов сервислари географиясини кенгайтириш суръатлари бўйича етакчилик қилиб келмоқда. Apple Pay Samsung Pay сервисидан 10 ой олдин ишга тушганига қарамай, Samsung эгалланган бозорлар қамрови жиҳатидан Apple билан равобатлаша олмоқда.

 

Манба

 

Саволлар ва жавоблар

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it.  электрон почта манзилига юборишингиз мумкин.

Савол-жавоб:

1. Агар картанинг амал қилиш муддати якунланган бўлса нима қилиш керак?

Картанинг амал қилиш муддати тугаганда, унинг эгаси картани тақдим этган банк муассасасига ариза билан мурожаат қилиши зарур. Бироқ банкка картанинг амал қилиш муддати тугамасдан олдин мурожаат қилган маъқул. Банк янги пластик карточкани очади ва унга аввалги картадаги баланс қолдиқлари ўтказилади.

2. Woy-wo’ мобил иловасида QR-код орқали тўловни қандай амалга ошириш мумкин?

Фойдаланувчилар муайян хизмат учун тўловни мобил телефон орқали амалга оширишлари мумкин. Бунинг учун Woy-wo’ мобил иловасини юклаб олиш ва ишга тушириш  ҳамда мобил илова менюсида QR-код орқали тўловни танлаш зарур. Кейин эса QR code менюсига кириш ва камера объективини кодга тўғрилаш, маълумотни олиш ва якунда тўловни амалга ошириш зарур.

Электрон тижоратсиз келгуси глобал тараққиёт мумкин эмас – Жек Ма

Жек Ма Женевада бўлиб ўтган, электрон тижоратга бағишланган анжуманда иштирок этди.


Миллиардер ва электрон тижорат соҳасидаги йирик Alibaba компаниясининг асосчиси Жек Ма келажакдаги глобал тараққиёт электрон тижоратнинг Ер сайёрасидаги барча учун мавжуд бўлишига боғлиқ эканини айтган.

У бу ҳақда Женевадаги электрон тижоратга бағишланган анжуманда сўз юритган.  

Ма e-commerce камбағалликка қарши курашишнинг самарали воситаси бўлиши ҳамда ривожланаётган мамлакатлардаги ўсишни рағбатлантириши мумкинлигини таъкидлаган.

Ушбу ёз фаслида Ма Хитой бизнеси вакилларини Африкага олиб келишни мўлжаллаган. Мақсад – қитъада тадбиркорлик потенциалини ривожлантиришга кўмаклашишдир.


 

Манба

 

Ҳурматли карта эгалари!

Ягона Умумреспублика Процессинг Маркази шуни Сизга маълум қиладики, профилактика ишлари олиб борилиши муносабати билан 2017 йил 27 апрель соат 01:00 дан 02:30 гача POS ва E-POS терминаллари процессинг маркази билан вақтинчалик улана олмаслиги мумкин.

Вақтинчалик ноқулайликлар учун узр сўраймиз.

Ҳурмат билан,
Маъмурият

Саволлар ва жавоблар

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it.  электрон почта манзилига юборишингиз мумкин.

Савол-жавоб:

1. Мен ўз пластик картамдан бошқа банкка тегишли пластик картага банкка ариза берган ҳолда, бепул 100 миллиондан ортиқ маблағ ўтказишим мумкинми?

Тижорат банкларида картадан картага пул ўтказиш операциялари учун лимитлар мавжуд бўлиб, барча тижорат банкларида ушбу лимитлар турлича. Мазкур савол юзасидан хизмат кўрсатувчи банкка мурожаат қилини зарур. 

2. UZCARD тизими PCI DSS  хавфсизлик стандартига мувофиқлик сертификатига эгами?

UZCARD тизими 2015 йилнинг декабридан эътиборан PCI DSS хавфсизлик стандартига мувофиқлик сертификатига эга бўлган. Мазкур стандартга мувофиқлик халқаро карталар маҳсулотларини амалга татбиқ этиш имкониятини яратади. 

Саволлар ва жавоблар

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it.  электрон почта манзилига юборишингиз мумкин.

Савол-жавоб:

1. Ягона Умумреспублика Процессинг Маркази  томонидан Ўзкарт БТТ аъзолари бўлган тижорат банкларига кўрсатиладиган хизматлар учун янги тарифлар тасдиқланди.  “Тўлов терминаллари (инфокиоскалар, банкоматлар) ёрдамида ахборотга ишлов бериш” учун ундириладиган комиссия ҳақида батафсил тушунча берсангиз. Энди инфокиоскалар орқали тўловлар бўйича маълумотларни билиш учун пул тўлаш керакми?

Янги тарифларнинг мазкур бандини пластик карточка эгаларига мутлақо алоқаси йўқ. Ушбу тарифлар фақатгина Ўзбекистон Республикаси тижорат банклари учун ишлаб чиқилган.

2. АҚШ долларида Visa Electron картасини очтирдим. Бироқ ушбу картадан Ўзбекистон ҳудудида  фойдалана олмаслигим билан боғлиқ муаммога дуч келдим. Маблағларни нақдлаштиришдан ташқари, мамлакат ҳудудида тўсиқларсиз фойдаланиш учун UzCard тизимида дебет карта очтиришим ва унга Visa картасидан UzCard картасига долларни сўмга конвертация қилган ҳолатда долларда маблағларни кўчиришим мумкинми?

Ҳозирда Visa картасидан UzCard пластик карточкаларига пўл ўтказмаларини амалга ошириш хизмати мавжуд эмас. UzCard картасига маблағ туширишни хизмат кўрсатувчи банкнинг офисида ёки амалда бўлган мобил иловаларидан (UzCard, PayMe, Click) биридан фойдаланган тарзда бошқа UzCard картасидан пул кўчириш йўли билан амалга оширилади.

«Фирибгарлар ҳужум қилмоқда»: Электрон тижорат ҳимояга муҳтож

Фирибгарлар тобора ўз ёндашувларини такомиллаштириб бормоқдалар, дея ҳисобламоқда АмериканингExperian компанияси мутахассислари. Фақатгина АҚШнинг ўзида 2016 йилда беш миллиард (бу секундига 3300 фирибгарлик операциялари) фирибгарлик ҳужумлари аниқланган.

Умуман, электрон савдолар соҳасидаги фирибгарлик бўйича кўрсаткичлар ўтган 2015 йилга (маълумотлар АҚШ бўйича) нисбатан 33 фоизга ўсган. Мухтасар айтганда, фирибгарларнинг барча хатти-ҳаракатларини шартли равишда бир неча турга бўлишимиз мумкин.

Муайян мижозга оид бўлган маълумотлар компрометацияси (унинг картаси маълумотларини ўғирлаш ва мазкур маълумотлардан келгусида сохта пластик карточка тайёрлаш ёки электрон ўтказмалар билан боғлиқ фирибгарликлар учун фойдаланиш).
Картани ўғираш (бегона картани қўлга киритиш ва унинг ёрдамида тўловларни амалга ошириш).
Товар буюртмаси ва хариди билан боғлиқ фирибгарлик (жиноятчи ўзини харидор сифатида танитиб, сотувчини алдагани ҳолатда, унинг карта маълумотларини олишга интилиши).

Товалар сотиш билан боғлиқ фирибгарлик (жумладан, сохта онлайн магазинларни яратиш, мижозлар ҳеч нарсадан шубҳаланмасдан мавжуд бўлмаган товар учун пул ўтказаверадилар).

Товарни етказиб бериш билан боғлиқ фирибгарлик

Америкалик экспертларнинг фикрига кўра, 2016 йилдаги асосий фирибгарлик бўйича тенденция – маълумотлар яхлитлигининг бузилишидир. Бундай ҳолатлар 2015 йилга нисбатан 40 фоизга кўпроқдир. Кредит карталари билан боғлиқ фирибгарликлардан шикоят қилувчи мижозлар мурожаатларининг сони 2016 йилда 56 фоизга ошган.

Шу боис, онлайн тижорат иштирокчилари олдида турган вазифалардан асосийлари бу мижозларга тегишли маълумотлар бутлигини сақлаш, шунингдек, уларни фирибгарликлар ва улардан ҳимояланиш усуллари ҳақидаги билимларини оширишдир.

Манба