Uzcard янгиликлари

Саволлар ва жавоблар

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш даражаси ва сифатини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it.  электрон почта манзилига юборишингиз мумкин.

Савол-жавоб:

1. Нима учун аксарият дўконларда DUET карталари қабул қилинмаяпти?

Ушбу дўконларнинг терминалларида DUET тизимидаги карталарга хизмат кўрсатиш учун зарур бўлган савдо картаси мавжуд эмас. Шу сабабли савдо тармоқлари ходимлари эски намунадаги (DUET) карталарга хизмат кўрсатишни рад этади. Ҳозирги пайтда, онлайн тизимида ишлаётган карточкалар сони тезлик билан ўсиб бормоқда. Аслида республикамиздаги барча банклар онлайн режимида ишлайдиган карточкаларни эмиссия қилмоқда ва яқин даврда офлайн режимидаги пластик карточкалар муомаладан чиқиб кетади.

2. DUET пластик карточкаларини Online режимида ишлайдиганларига алмаштириш жараёни қай тарзда амалга оширилади?

DUET пластик карточкаларини Online режимида ишлайдиганларига алмаштириш учун хизмат кўрсатувчи банкка тегишли ариза билан мурожаат қилиниши керак. Ушбу жараёнда DUET картасида қолган пул маблағлари фойдаланиш учун янги картага ўтказилади.

3. Банкда DUET пластик карточкаларини Online режимида ишлайдиганларига алмаштириб бериш ҳақида мурожаат қилинганда, карточкалар йўқлиги айтилиб, рад этилганда нима қилиш керак? Нима учун банклар эскирган DUET карталарини янги намунадаги карточкаларга алмаштиришга шошилмаяпти?

Ҳақиқатан, пластик карточкаларга нисбатан талаб ўта юқори бўлгани сабабли банкларда барча хоҳловчилар учун тақдим этиш учун етарлича карталар мавжуд бўлмаслиги мумкин. Бироқ ушбу ҳолат одатга кўра, узоқ давом этмайдиган жараён. Ягона Умумреспублика Процессинг Маркази DUET платформасидан тез фурсатларда Online тизимига ўтиш учун барча банклар билан ҳар томонлама ишлар олиб бормоқда. Айни пайтда, аксарият банкирлар Online платформадан фойдаланишнинг афзалликлари ҳақида яхши тушунчага эгадирлар. Фикримизча, агарда банк DUET карталарини Online режимида ишлайдиганларига алмаштиришни рад этса ёки алмаштириш жараёнини имкон қадар секинлаштиришга интилаётган бўлса, бу қуйидагилардан далолат беради:

- банк ходимларининг лаёқатсизлиги ва нопрофессионаллиги
- эскирган DUET платформаси ҳимоя тизими камчиликларидан фойдаланувчи банк ходимларининг ғаразли манфаатлари, улар нолегал даромаддан ажралиб қолишни асло истамайди.

Мақолаларимизнинг бирида хабар берганимиздек, “DUET” карталаридаги пул маблағлари ҳақидаги қайд бевосита картанинг ўзида сақланади ва технологик жиҳатдан молия муассасалари серверлари томонидан Online режимида ҳеч қандай назорат қилинмайди. Бу эса фирибгарларга карталарни бузиш ва тасдиқланмаган маблағларни киритиш ёки ҳаражатлар ҳисобига қўшиш учун улкан имкониятлар яратади.

Сизга хизмат кўрсатувчи банкка янги намунадаги картани чиқариш бўйича қайта мурожаат қилишни тавсия этамиз. Шунингдек, барча “DUET” карталари эгаларига  эскирган offline карталарни хавфсиз Online карталарига алмаштириш бўйича зарур чораларни кўриш ва шу аснода offline технологиялар даври интиҳосини тезлаштиришни тавсия қиламиз.

«Woy-wo’» тўлов порталида товар ва хизматларнинг янги таъминотчилари

Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – «Woy-wo’» Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади.

Айни пайтда, электрон савдонинг ушбу Интернет-ресурси таъминотчи-ҳамкорлар учун ўз бизнеслари самарадорлигини оширишга хизмат қилувчи қулай майдонча ҳам ҳисобланади. Энди турли товарлар ва хизматлар (Интернет, ТВ, мобил алоқа, китоблар ва фильмлар, дори ва пардоз воситалари, пойафзал ва кийим-кечаклар, канцелярия маҳсулотлари ва ўйинчоқлар, шунингдек, бошқа кўплаб нарсалар) учун тўловларни амалга ошириш мумкин.

Ҳозир пайтда, юздан ортиқ таъминотчи ташкилотлар шартномалар тузиб, мазкур портал орқали ўз хизматларини тақдим этмоқда. Жумладан, Интернет-провайдерлар, Ўзбекистон Республикасининг уяли алоқа операторлари, йирик савдо тармоқлари, суғурта компаниялари,  онлайн ТВ хизматлари таъминотчилари, ўқув марказлари, аптекалар ва бошқалар. 

«Woy-wo’»  фойдаланувчиларига маълумки, қарийб ҳар ҳафта ушбу порталга ўнлаб янги таъминотчилар қўшилиб бормоқда. Энди Сиз мазкур тўлов портали орқали қуйидаги таъминотчиларнинг товарлари ва хизматларига тўловларни амалга оширишингиз мумкин:

  • Озиқ-овқат етказиб бериш хизмати: Bringo.uz
  • Мактаб ўқувчилари давоматини назорат қилиш тизими: Uchenik.uz
  • Интернет провайдер: FiberNet.uz
  • Онлайн телевидение: I-TV.uz 

Ривожланаётган бозорлар: карталар қабул қилувчи тармоқларнинг юқори даражадаги ўсиш суръатлари

Бирмунча ривожланган бозорларда ўсиш омили регулировка қилиш ва янги технологиялар саналса, ривожланаётган бозорларда пластик карталарни қабул қилишдаги юқори ўсиш суръатлари қишлоқ ҳудудлари ҳисобидан амалга ошади.

Карталарни қабул қилиш бўйича паст даражадаги ҳудудлар рекорд даражадаги ўсиш суръатларини қайд этмоқда 

RBR компаниясининг сўнгги тадқиқот (“Жаҳон тўлов карталари бозори ва 2021 йилга қадар прогноз” /Global Payment Cards Data and Forecasts to 2021/) натижаларига кўра,  бутунжаҳон миқёсида карталар қабул қилувчи савдо шохобчалари сони 2015 йилда 7 миллиондан ортиқроққа – 54 миллионта шохобчага қадар ўсди. Энг юқори ўсиш кўрсаткичлари тўлов карталарини қабул қилиш тармоғининг ривожланиш даражаси ҳанузгача паст бўлиб қолаётган Осиё-Тинч океани минтақаси (ОТМ), Яқин Шарқ ва Африка, Марказий ва Шарқий Европада кузатилди.

ОТМда мижозлар карта орқали тўловни амалга ошириши мумкин бўлган савдо шохобчалари сони 2015 йилда 29 фоизга кўпайди. Бундай ўсиш суръати сезиларли даражада бир йил мобайнида тўлов карталари 4,7 млн. савдо шорхобчаларида қабул қилинган Хитой ҳисобидан амалга ошгани ажабланарли эмас. Хитойнинг савдо хизмат кўрсатиш шохобчалари мамлакатнинг кўп сонли, айниқса, карта эгаларига хизмат кўрсатиш даражаси паст бўлган қишлоқ ҳудудларидаги аҳоли талабларига ўз вақтида жавоб беришга интиладилар.

Ягона Умумреспублика Процессинг Маркази
PR-хизмати таржимаси

«Woy-wo’» тўлов порталида товар ва хизматларнинг янги таъминотчилари

Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – «Woy-wo’» Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади.

Айни пайтда, электрон савдонинг ушбу Интернет-ресурси таъминотчи-ҳамкорлар учун ўз бизнеслари самарадорлигини оширишга хизмат қилувчи қулай майдонча ҳам ҳисобланади. Энди турли товарлар ва хизматлар (Интернет, ТВ, мобил алоқа, китоблар ва фильмлар, дори ва пардоз воситалари, пойафзал ва кийим-кечаклар, канцелярия маҳсулотлари ва ўйинчоқлар, шунингдек, бошқа кўплаб нарсалар) учун тўловларни амалга ошириш мумкин.

Ҳозир пайтда, юздан ортиқ таъминотчи ташкилотлар шартномалар тузиб, мазкур портал орқали ўз хизматларини тақдим этмоқда. Жумладан, Интернет-провайдерлар, Ўзбекистон Республикасининг уяли алоқа операторлари, йирик савдо тармоқлари, суғурта компаниялари,  онлайн ТВ хизматлари таъминотчилари, ўқув марказлари, аптекалар ва бошқалар. 

«Woy-wo’»  фойдаланувчиларига маълумки, қарийб ҳар ҳафта ушбу порталга ўнлаб янги таъминотчилар қўшилиб бормоқда. Энди Сиз мазкур тўлов портали орқали қуйидаги таъминотчиларнинг товарлари ва хизматларига тўловларни амалга оширишингиз мумкин:

  • Иш қидирувчилар учун сайт: uzjobs.uz 
  • Ўзбекистоннинг тиббиётга оид каталоги : mku.uz
  • Тўй ва тантаналарни ташкил қилиш: bazm.uz
  • Ахборот тизимлари соҳасидаги улгуржи савдо: itrade.uz
  • Хусусий клиника хизматлари: “Мадад-шукур” МЧЖ

Саволлар ва жавоблар

Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш даражаси ва сифатини оширишга ёрдам бермоқда.

Саволларингизни  This email address is being protected from spambots. You need JavaScript enabled to view it.  электрон почта манзилига юборишигиз мумкин.

Савол-жавоб:

1. Баъзан шошилинч равишда карта балансини текшириш  зарурати пайдо бўлади. Бироқ вақти-вақти билан кликда сўровни ишлаш билан боғлиқ хатоликлар юзага келади. Балансни текшириш учун муқобил  вариантлар борми?

Карта балансини бошқа усуллар билан ҳам текшириш мумкин. Мисол учун, Woy-Wo’ тўлов порталининг мобил иловаси ёрдамида. Агар Сизнинг рақамингизга смс-хабарнома хизмати уланган бўлса, атиги *899# қисқа рақамини териб, ўз картангиз балансини текширишингиз мумкин.

2. Янгилангандан сўнг, Woy-Wo’мобил иловасига кириб бўлмаяпти?

Мобил иловага янги функциялар қўшилиши ва унинг иш тузилмасидаги ўзгаришлар сабабли Woy-Wo’ янги талқинининг муваффақиятли ишлаши учун эскисини ўчириб ташлашингиз ва шундан сўнг янгисини ўрнатишингиз зарур.

3. Woy-Wo’ мобил иловасида қандай янгиликлар?

Жорий босқичда Woy-Wo’ мобил иловасига қуйидаги функционаллар қўшилди:

- фойдаланувчини рўйхатга олиш

- карталарни қўшиш

- карталарни активлаш

- Woy-Wo’ паролини қайта тиклаш

- картани таҳрирлаш

«Woy-Wo’»: Таъминотчилар ҳақида фикр-мулоҳазалар билдиришни унутманг!

Компьютер технологиялари тараққиёти боис янги иқтисодий тушунчалар пайдо бўлмоқда. Бугунги кунда электрон тўловлар, Интернет-савдо, электрон пуллар ва бошқа кўпгина янгиликлар кундалик ҳаётимиздан мустаҳкам ўрин эгаллашга улгурди. Аҳолининг электрон савдо воситалари хазинаси янада бойиши учун Ягона Умумреспублика Процессинг Маркази Woy-Wo’ тўлов порталини ташкил этиб, уни изчиллик билан ривожлантириб бормоқда.

Таъкидлаш жоизки, портал ёрдамида турли товар ва хизматлар (Интернет, ТВ, мобил алоқа, китоблар ва фильмлар, дори ва пардоз воситалари, пойафзал ва кийим-кечаклар, канцелярия маҳсулотлари ва ўйинчоқлар,шунингдек, бошқа кўплаб нарсалар) учун тўловларни осонгина амалга ошириш мумкин. Ҳозирги пайтда, шартномалар тузиб, портал орқали ўз хизматларини кўрсатиб келаётган таъминотчи ташкилотлар сафи жадаллик билан ортиб бормоқда.   

Ҳурматли Woy-Wo’ тўлов портали фойдаланувчилари, таъминотчи ташкилотлар фаолияти ҳақида сизнинг фикр-мулоҳазаларингиз, уларни танлаш жараёнида биз учун ишончли йўл-йўриқ бўлиб хизмат қилади. Шунингдек, ушбу порталнинг барча фойдаланувчиларига энг асосий жиҳатни эслатиб ўтмоқчи эдик: таъминотчи ташкилотлар фаолияти ҳақида сизнинг фикр-мулоҳазаларингиз хизмат кўрсатиш даражаси ҳамда сифатининг ошишига ёрдам беради.

Таъминотчилар ҳақида фикр-мулоҳазалар билдиришни унутманг!

ЯУПМ
PR-хизмати

Дунё мамалакатлари қай тариқа нақд пулсиз тўловлар тизимига ўтмоқда

Жаҳонда нақд пулсиз тўловларнинг иккита асосий драйвери мавжуд банклар ва операторлар

Жаҳонда товарлар ва хизматлар учун нақд пулсиз тўловларга ўтиш тенденцияси кузатилмоқда. Интернет-хизматлар нақадар шиддатли ва кенг миқёс ҳамда кўламларда тараққий этиб бораётгани инобатга олинса, ушбу ҳолатдан ажабланишга ҳожат қолмайди. Муайян мамлакатлар нақд пулли тўловлар тизимидан тез ва безиён воз кечса, бошқалари – консерватив қарашлар сабабли бундан чўчийди ва бу борада сусткашликка йўл қўяди. Мазкур мақолада жаҳон мамлакатларида нақд пулсиз тўловлар қай йўсинда бозорлардан ўзининг муносиб ўрнини эгаллаётгани хусусида сўз юритилади.

Тенденциялар

Жаҳонда нақд пулсиз тўловларнинг иккита асосий драйвери мавжуд банклар ва операторлар.

Банк иловалари ва сервисларининг позициялари АҚШ, Канада, Европа давлатлари сингари юқори даражада ривожланган мамлакатларда аввалдан тахмин қила олиш мумкин бўлган даражада кучлидир. Нақд пулсиз тўловлар тизими оммалашган ҳар бир давлатда ўзига хос сабаблар ва тарихий жараён мавжуд. Бироқ ҳамма жойда натижа ягона, яъни транзакциялар, фойдаланувчилар, воситалар сонида фақатгина ўсиш қайд этилган. 

Швеция

Швеция – ҳаёт даражаси бўйича рейтингларда юқори ўринлардан муқим жой эгаллаган энг ривожланган Европа мамлакатларидан биридир. Ушбу давлатда банк, нақд пулсиз тўлов тизими ва бутун мамлакат бўйлаб уларни қабул қилувчи терминаллар тармоғи ҳамда барча соҳаларда билвосита тўловларни амалга оширишга мўлжалланган сервислар яхши ривожланган. Ҳатто шаҳар кўчаларидаги бошпанасиз кишилар учун ҳам нақд пулсиз транзакцияларни амалга оширишда ҳеч қандай мураккаблик кузатилмайди.

Барчаси қандай тартибга солинган

Мамлакатда нақд пулсиз тўловларни ҳаракатга келтирувчи асосий куч – Swish иловаси бўлиб, унинг аккаунти мамлакат аҳолисининг 40 фоизида мавжуд. Сўнгги йилда мазкур илова орқали 9 миллион транзакция амалга оширилган. 
Swish Швециянинг асосий банклари томонидан ишлаб чиқилган. У пулни бошқа абонент ҳисобига шунчаки унинг телефон рақами ва маблағ миқдори кўрсатилган ҳолда ўтказишга имкон яратади.

Нақд пулсиз тўлов тизимига фақатгина йирик савдо шохобчаларигина ўтган эмас. Швецияда банк картаси ёки мобиль иловасиз жамоат транспортига чипта сотиб олиш ҳам маҳол. Кичик савдо шохобчалари арзимаган нарсани сотиб олиш пайтида нақд пул қабул қила олмасликларини рўкач қилиб, харидни амалга оширишни рад этишлари мумкин. Хизмат кўрсатиш соҳаси объектлари нақд пул тўловларини қабул қилишни дастлаб рад этгани ҳолатлари маълум, бироқ яна ушбу амалиётни жорий қилганлар. Бироқ бу умумий тенденцияга путур етказмайди, яъни Швеция аҳолиси нақд пул билан овора бўлиб қолмасликни афзал кўради.

Дания

Дания нақд пулсиз мамлакатга айланишни мўлжалламоқда. 2015 йилдан буён бу борада сўз юритиб келинмоқда. Умуман олганда, Шимолий Европадаги барча мамлакатларда вазият бир қадар ўхшаш – уларда тўловларни электрон оламга ўтказиш учун етарли инфратузилма мавжуд. 2012 йилда Данияда карталар ва электрон ҳамёнлар ҳиссасига умумий транзакцияларнинг 84,2 фоизи тўғри келган. 2013 йилда Даниянинг энг йирик банки – Danske Bank  MobilePay иловасини жорий этди. Потенциал фойдаланувчилар бундай ечим шаклига руҳий ва технологик жиҳатдан аллақачон тайёр эди. Биринчи кунданоқ MobilePay 25000 фойдаланувчи томонидан юклаб олинди. Ҳозирда илова фойдаланувчилари сони 3 миллион нафарни (Дания аҳолиси – 5,7 млн.) ташкил этади.

Манба: http://ubr.ua

ЯУПМ PR-хизмати таржимаси

Саволлар ва жавоблар

     Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Бераётган саволарингиз учун миннатдормиз. Ҳар бир савол ўз навбатида бизга камчиликларни бартараф этишга, ҳамда хизмат кўрсатиш сифатини оширишга ёрдам бермоқда.

     Саволларингизни  This email address is being protected from spambots. You need JavaScript enabled to view it.  электрон почта манзилига юборишигиз мумкин.

Саволларга жавоблар.

1. «Woy-wo’» тўлов портали орқали товар ва хизматлар учун амалга оширилган тўлов квитанциясини олиш имконияти мавжудми?

Сиз «Woy-wo’» порталидан рўйхатдан ўтиб, товар ва хизматлар учун тўловларни амалга оширганингиздан сўнг, ўз саҳифангизда тўловларингиз тариҳига кириб, тегишли тўловни танлаб, чекни сақлаб қўйишингиз ёки уни принтерда чоп этишингиз мумкин бўлади.

2. SMS-хабарлар хизматига қаерда ва қандай қилиб уланиш мумкин? Шунингдек, битта картада ушбу хизмат орқали  иккита телефон рақамига улаш мумкин?

SMS-хабарлар хизматини инфокиоска/банкомат орқали йоқиш мумкин. Ушбу хизматни ёқишда картани фақатгина битта мобил рақамига улаш мумкин. Лекин битта мобил рақамига икки ва ундан ортиқ бўлган карталарни ушбу хизмат орқали  улаш имконияти мавжуд.

3.  Мен корпоратив картадан жисмоний шахснинг пластик картасига маблағни ўтказишим мумкинми?

Афсуски, картадан картага пул ўтказиш хизмати жисмоний шахслар картаси учун қўлланилади.

4. Ҳозирда мен ҳар бир оила аъзолари учун кийимлар сотиш билан шуғулланидиган дўкон эгасиман. Келажакда мижозларга интернет орқали маҳсулотларни харид қилиш хизматини йўлга қўйиш ниятим бор. «Woy-wo’» тўлов портали билан қандай қилиб шартнома тузишим мумкин?

«ЯУПМ» МЧЖ ҚК билан E-POS орқали электрон тўловларни қабул қилиш тўғрисидаги шартномани тузиш юзасидан маълумотларни қуйида кўриб чиқишингиз мумкин. Шунгингдек, (+99871) 238 69 76, 245 54 67 рақамларига телефон қилиб ҳам маълумот олишингиз мумкин.

POS-терминал учун янги ишончли UZCARD-POS дастурий таъминоти

     Ҳар қандай пластик картанинг афзаллиги бу бутун кун давомида ундаги маблағдан фойдалана олиш ҳамда сарф-ҳаражатларни назорат қилиш мумкинлигидадир. Пластик карталарнинг муомилага киритилиши ҳар бир фуқаролар учун товар ва хизматлар учун тўловларни қулай тарзда амалга оширишларига имконият яратди.

     Ҳозирги кунда савдо марказлари, умумий овқатланиш жойларида пластик карталари орқали тўлаш жараёни самарали ва қулайлиги сабабли, ушбу масканларда кундан кунга POS-терминалларни ўрнатиш авж олиб бормоқда.  

     Терминал орқали тўлов хавфсизлигини ошириш мақсадида, савдо ва хизмат кўрсатувчи корхоналарга янги «Uzcard-Pos» дастурий таъминотни ўрнатиш юзасидан, хизмат кўрсатувчи банкларга мурожаат қилишингизни маслаҳат берамиз.

     Маълумки, сифатли дастурий таъминот ҳар бир қурилманинг самарали ишлашини таъминлайди. Дастурий таъминот  қанча ишончли ва барқарор фаолият кўрсатса, савдо ва хизмат кўрсатиш корхоналар ва банклар учун ортиқча муоммолар келтириб чиқармайди.

     «Uzcard-Pos» дастурий таъминот аввалги дастурий таъминотга нисбатан қуйидаги афзалликларга эга:  фойдаланишда соддалик, қисқа фурсат ичида транзакцияни амалга ошириш, Ўзбекистон ҳудудида фаолият олиб бораятган провайдерларни танлаш, GPRS ҳамда Wi-Fi орқали интернетга уланиш каби имкониятлар.

«Uzcard-Pos» - POS-терминаллар учун универсал ечим бўлиб, савдо ва хизмат кўрсатиш корхоналарнинг молиявий амалиётларини самарали амалга оширилишини  таъминлайди.

Саволлар ва жавоблар

     Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Саволларингизни  This email address is being protected from spambots. You need JavaScript enabled to view it. электрон почта манзилига юборишигиз мумкин.

     Саволларга жавоблар.

1. Қандай қилиб онлайн картани Дуэт картасидан фарқлаш мумкин?

     Картани ташқи кўринишига қараб фарқлаш жуда осон:

А) Онлайн карта (Uzcard EMV): Карта номери 16 та сондан иборат бўлиб, биринчи 4та рақам 8600 дан бошланади. Шунингдек, картага    логотипи мавжуд.

Б) Офлайн карта (Дуэт): Карта номери 17 та рақамдан иборат бўлиб, рақамлар 9860 дан бошланади.

Агар сиз Дуэт карта эгаси бўлсангиз, сизга уни Uzcard EMV га алмаштиришни маслаҳат берамиз. Алмаштириш сабабалри қуйида келтирилган.

2. Агар савдо шаҳобчаларида харидни амалга оширганда, терминал «Отказано» деган хабарли чек чиқарсаю, аммо картадан маблағ ечилганлиги тўғрисидаги смс-хабар келган ҳолларда нима қилиш керак?

     Бундай ҳоллатларда карта эгаси товар ва хизмат кўрсатувчи корхона ҳодимларига картадан маблағ ечилганлиги тўғрисида хабар қилишлари керак бўлади. Товар ва хизмат кўрсатувчи корхона ҳодимлари ушбу карта балансини терминалда текшириш ёки кейинги тўлов амалиётини бажарганларидан кейин, биринчи тўлов транзакцияси бекор бўлади ҳамда маблағ картага қайтиб тушади.

3. Сўнги пайтларда картадан маблағ ечилганлик тўғрисидаги СМС-хабарлар менинг қўл телефонимга келмаяпти. Нима учун?

     Бизнинг мутахассисларимиз қуйидаги ҳолларда СМС-хабарлар келмаслик сабабларини аниқлашди:

А) Мобил рақам ҳисобида маблағ бўлмаган ҳолатлар.

Б) Ушбу хизматга нотўғри уланиш ҳолатлари. Мисол учун мобил телефон рақам коди нотўғри киритилган бўлиши мумкин.

В) Мобил алоқа операторлари томонидан СМС-хабар етказилмаганлиги ёки алоқа сигналининг сустлиги каби ҳолатлар.

Г) Мобил қурилмада носозликлар мавжуд бўган ҳолатлар. Агар янги мобил илова ўрнатилганидан сўнг смс-хабарлар келмай қолса, сизга ушбу иловани ўчиришни маслаҳат берамиз. Шунингдек, мобил қурилма ҳотираси смс-хабарлар билан тўлиб қолган бўлиши мумкин.

     Баъзи бир ҳоллатларда алоқа тўрлари ортиқча юкланганлиги боис СМС-хабар келмаслиги мумкин. Ушбу ҳолларда СМСлар маълум бир муддат ўтганидан сўнг юбориш навбатидан ўчирилади. Келмаган СМС-хабарлар борасида бизнинг алоқа марказимизга 200 28 28 телефон рақамини териб, мурожаат этсангиз, СМС-хабар сизнинг мобил телефон рақамингизга қайта юборилади.