Uzcard янгиликлари

Саволлар ва жавоблар

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

 Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

Савол-жавоб:

1. Ассалому алайкум, смс-хабарномага тегишли саволни аниқлаштирмоқчи эдим. Сайтда кириш хабарлар бепул эмас, тўлов амалга оширилади деган маълумот бор. Саволим шундан иборатки, демак маблағимда пул бўлмаса хабарнома келмайдими?

Жавоб: Агар телефонингизда етарлича маблағ бўлмаса, автоматик равишда хабарнома келмайди. 

2. Мен Москва шаҳрида ишлаб, яшаб келаман. Бундай шароитда QIWI ҳамёнидан фойдаланиш қулай бўлар эди. Ўзбекистонда қачон QIWI ҳамён ўз ишини бошлайди?

Жавоб: Ягона Умумреспублика Процессинг Маркази томонидан бугунги кунга келиб QIWI хамёнига тегишли лойихани амалга ошириш юзасидан тегишли ишлар олиб борилмоқда. Аниқроғи, мутахассиларимиз томонидан Марказимизга тегишли бўлган томонлари ишлаб чиқилмоқда.

3. Мени пластик картам бор, яна битта карта очишим мумкинми?

Жавоб: Ҳа, Сиз номингизга яна битта пластик картани расмийлаштиришингиз мумкин. Бунинг учун Сиз исталган Банкка мурожаат қилишингиз керак. Ўз навбатида Банк сизга керакли хужжатларни тақдим этади.

Карта эгалари бўйича аёл ва эркаклар ўртасидаги статистик кўрсаткич

 Ягона Умумреспублика Процессинг Маркази пластик карталарга боғлиқ статистик маълумотларни бериб боришда  давом этмоқда. Жумладан, бу гал Марказимиз мутахассислари томонидан  пластик карталарнинг эгалари бўлмиш эркак ва аёллар ўртасидаги нисбат кўрсаткичи аниқланди. Жумладан, аёллар орасида пластик карталарга эгалик қилувчилар фоизи  54%, эркаклар орасида эса 46% ни ташкил қилди. Миқдорий коэфицентда эса эркаклар – 5,1 млн., аёллар – 6 млн. эканлиги маълум бўлди.

 Диаграммага назар ташласак, пластик карта эгалари орасида аёллар кўпчиликни ташкил қилмоқда. Марказ томонидан барча ёшдаги пластик карта эгалари ҳисобга олинган.  

«EXPERT.UZ» САВДО БЕЛГИСИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИГА АЙЛАНДИ

 Эндиликда «Woy-wo’» тўлов порталининг фойдаланувчиларига www.expert.uz манзили орқали  консалтинг онлайн-сервис хизматлари кўрсатилади.

«EXPERT.UZ» -бу бухгалтерия ҳисобини олиб бориш билан боғлиқ солиқ қонунчилигига ва саволларига тегишли пуллик ёзма маслаҳат берувчи консалтинг онлайн-сервис. 

 Таъкидлаш жоизки, мазкур хизматлар бизнеснинг исталган шакли ва кўриниши, молия ходими, шунингдек, солиқ тўғрисида ҳеч қандай маълумотга эга бўлмаганлар учун мўлжалланган.

 Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – “Woy-wo’” Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади.

Скачать мобильное приложение платёжного портала Woy-wo’

Версия для Android

Версия для iOS

САВОЛЛАР ВА ЖАВОБЛАР

 Ҳар жума кунлари  www.uzcard.uz сайтида бизга келаётган саволларга жавобларни тақдим этамиз. Йўллаётган саволларингиз учун миннатдормиз. Ҳар бир савол, ўз навбатида, бизга камчиликларни бартараф этиш ҳамда хизмат кўрсатиш сифати даражасини оширишга ёрдам бермоқда.

 

 Саволларингизни  This email address is being protected from spambots. You need JavaScript enabled to view it. электрон почта манзилига ёки сайтимиздаги онлайн чатга юборишингиз мумкин.

 

Савол-жавоб:

1. Бир ойда картадан картага пул ўтказишнинг максимал миқдори қанча?

Жавоб: Картадан картага ўтказмоқчи бўлган пул миқдорининг лимитини сиз боғланган тўлов иловаси белгилайди. Сабаби, ушбу чеклов индивидуал ҳисобланади. Бу саволингизни аниқлаштириб олишингиз учун, сиз рўйхатдан ўтган тўлов иловасига мурожаат қилишингиз ўринлидир. 

 

2. Union Pay карталари мамлакатимизда жорий қилинадими ва қандай қилиб ушбу карталарнинг эгасига айланишим мумкинлиги қизиқтирмоқда. Шу масалани ёритиб берсангиз. Рахмат.

Бугунги кунда Ўзбекистоннинг бир қанча банклари UnionPay International халқаро тўлов тизимининг иштирокчилари ҳисобланишади. Ҳозирги кунга келиб мамлакатимизда UnionPay конверсион карталарини тақдим этувчи банклар рўйхати билан танишинг:

1. "Ипак йули"

2. "Invest Finance bank"

3. "Hamkor bank"

4. "Asia Alliance bank"

5. "Davr bank"

 

3. Пластик картага қайси телефон рақами уланганини қандай билса бўлади?

Жавоб: Ушбу маълумот ҳар бир фойдаланувчи учун шахсий маълумот ҳисобланади. Шунинг учун телефон рақамни билиш учун  сизга хизмат кўрсатаётган Банкка мурожаат қилишингиз керак.  Бунинг учун сиз картанинг рақамини айтишингиз керак, Банк эса сизга керакли маълумотни тақдим этади.

 

Карта эгалари сони бўйича етакчи банклар рўйхати аниқланди

 Ягона Умумреспублика Процессинг Марказининг мониторинг натижаларига кўра, карта эгалари сони бўйича “Ўзбекистон Республикаси Халқ банки” (2 316 370)  биринчи ўринда турибди.  «Agrobank» (2 186 299) – иккинчи,  «Ipoteka bank» (1 206 921) эса етакчи учликни ёпиб берди.

«OXYGEN NETWORKS®» САВДО БЕЛГИСИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИГА АЙЛАНДИ

 Эндиликда «Woy-wo’» тўлов порталининг фойдаланувчиларига www.2oxygen.uz манзили орқали  шаҳарлараро ва халқаро алоқа хизматлари кўрсатилади.

 «OXYGEN NETWORKS®» - Ўзбекистон бозорида Тошкент худудидан ташқарида бўлган абонентлар учун  тезкор, сифатли, тежамкор алоқани таклиф қилувчи савдо белгиси. Бу дунёнинг исталган нуқтасига шахсий ёки  иш юзасидан қунғироқ қилиш учун таклиф қилинаётган энг мақбул таклифдир.

 Бугунги кунда «OXYGEN NETWORKS®» бир қатор хизматларни таклиф қилмоқда. Жумладан, ҳар бир мижоз исталган вақтда ўзининг қўнғироқларига тегишли статистика билан танишиши мумкин.

 Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – “Woy-wo’” Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади.

Скачать мобильное приложение платёжного портала Woy-wo’

Версия для Android

Версия для iOS

Ватанимиз мустақиллигининг 26 йиллиги билан табриклаймиз!

 Ягона Умумреспублика Процессинг Маркази бутун Ўзбекистон халқини  Ватанимиз мустақиллигининг 26 йиллиги билан табриклайди! Барчангизга осойишталик, юртимиз тинчлиги ва мамлакатимизни янада гуллаб яшнашини тилайди.  Жорий йилда халқимизга қўшалоқ байрамни нишонлаш насиб қилди. Фурсатдан фойдаланиб, барча мусулмон аҳлини ёруғ байрам – Қурбон Хайити билан муборакбод этамиз. Ҳар бир оилада тинчлик, хотиржамлик ва ҳурсандчилик ўрин эгалласин! 

Ҳурматли карта эгалари!

 Ягона Умумреспублика Процессинг Марказининг маълум қилишича, профилактика ишлари олиб борилиши муносабати билан 2017 йил 30 август соат 01:00 дан 02:00 гача POS ва E-POS терминаллари процессинг маркази билан вақтинчалик улана олмаслиги мумкин.

Вақтинчалик ноқулайликлар учун узр сўраймиз.

Ҳурмат билан, Маъмурият

«SkyLine» ИНТЕРНЕТ-ПРОВАЙДЕРИ «WOY-WO’» ТЎЛОВ ПОРТАЛИНИНГ ЯНГИ ҲАМКОРИ БЎЛДИ

 Эндиликда  “Woy-wo’” тўлов портали фойдаланувчилари www.skyline.uz интернет сайти хизматларидан фойдаланишлари мумкин.   

 Бугунги кунга келиб, «SkyLine» компанияси Dial-Up, АDSL, SDSL, SHDSL, ВОЛС, Ethernet технологияларидан фойдаланган ҳолда тармоққа уланиш учун хизматларни таклиф қилади. Шунингдек, компания Cisco, ZyXEL, D-Link, HP каби замонавий ускуналар, ҳар бир АТС да сифатли оптик-толали алоқа линиялари, замонавий компьютер технологиялар ва интеллектуал тармоқлар соҳасида ўз мутахассисларига эга.

 «SkyLine» интернет-провайдери Тошкент шаҳрида ADSL-технологисидан фойдаланган ҳолда Интернетда уланиш нуқталарига эга. Шунингдек, корпоратив мижозлар учун Ўзбекистон ҳудуди бўйлаб уланиш имконияти ҳам кўриб чиқилади.

 Ҳозирги вақтга келиб, “Woy-wo’” тўлов портали билан  300 га яқин ҳамкорлик шартномалари тузилиб, мазкур портал орқали таъминотчи ташкилотлар ўз хизматларини тақдим этмоқда.

 Ягона Умумреспублика Процессинг Маркази (ЯУПМ)нинг бугунги кунда жадаллик билан ривожланиб бораётган лойиҳаси – “Woy-wo’” Интернет тўловлари портали бир маконда турли товар ва маҳсулотларнинг таъминотчилари ва истеъмолчиларини бирлаштиришга замин яратади. 

Скачать мобильное приложение платёжного портала Woy-wo’

Версия для Android

Версия для iOS

Жорий йилнинг 2-чорак натижалари. e-commerce транзакциялар сони сезиларли қадамлар билан ўсмоқда

Электрон тижорат (E-Commerce)

 Ягона Умумреспублика Процессинг Марказининг маълумотига кўра, жорий йилнинг 2-чорак натижаларига кўра,  Ўзбекистонда электрон тижорат  (e-commerce) транзакциялар сони барқарор ўсишни намоён қилмоқда.

 Натижада, e-commerce транзакциялар сони  89,5 млн. ни ташкил қилиб, ўтган чоракнинг худди шу вақти оралиғидаги кўрсатилган натижаларига нисбатан 3,6% га кўпроқ эканлигини кўрсатмоқда. Жумладан, 1-чоракда ушбу кўрсаткич 86,4 млн.ни ташкил қилган эди.  2-чоракда электрон тижорат бўйича транзакцияларнинг бирлашган миқдори эса  16,7 трлн. сўмни ташкил қилиб, ўз ўрнида жорий йилнинг ўтган 1-чораги кўрсаткичларига кўра 16 трлн. сўмлик миқдорига нисбатан 4,4% ўсишни кўрсатиб турибди.

 

 1

 

2

Оффлайн карталар

 “Ўзкарт” банклараро тўлов системаси жорий йилнинг 2-чоракда  DUET (“оффлайн”)  карталар орқали амалга оширилган банклараро транзакцияларнинг умумий миқдори 44,9 минг транзакция билан 31,07 млрд.сўмни ташкил қилди.

UZCARD EMV (uzcard онлайн карталар)

 Статистик маълумотларга кўра, 2017 йилнинг 2-чорагида UZCARD онлайн карталарнинг умумий транзакциялар миқдори  267,7 млн.га етиб,   30,5 трлн. сўмни кўрсатди.  Шу ўринда “Ўзкарт” банклараро тўлов тизимининг оффлайн платформадан онлайн платформага ўтиши деярли тугатилди.

 

3

 

4

 

 Таъкидлаш жоизки, мамлакатимизда жорий йилнинг 2-чорагида  908,210 мингта пластик карталар ишлаб чиқилган бўлиб, ушбу кўрсаткич 1-чоракнинг худди шу муддатдаги кўсаткичидан 15,05% га кўпроқ эканлигини кўсатмоқда. Жорий йилнинг 1-чорагида бу кўрсаткич, яъни ишлаб чиқарилган карталар сони 789,380 мингтани ташкил қилган.

5