Дунё янгиликлари

Паспорт ва йўл чипталари ўрнига Швеция аҳолиси тери остига микрочиплар жойлаштирмоқда

Паспорт ва йўл чипталари  ўрнига Швеция аҳолиси тери остигамикрочиплар жойлаштирмоқда. Фото: news.abs-cbn.com

Швеция аҳолиси фикрича, чипларни тери остига жойлаштириш усули орқали шахсий маълумотлар ҳимоя қилинар экан.

Аниқланишича, Швециянинг 3000 га яқин аҳоли вакиллари сўнгги 3 йил давомида ўзлари билан ID-карталар ва бошқа шахсиятни тасдиқловчи идентификацион пластик карталар олиб юрмаслик учун тери остига микрочиплар ўрнатишган экан. Микрочип тери остига махсус шприц ёрдамида киритилади. Унинг эгаси истагига кўра эса, у осонликча тери остидан олиб ташланар экан.  

Ушбу чиплар йўлкира чипталари, шахсиятни тасдиқловчи гувоҳномалар, спорт мажмуаси абониментлари ўрнини босишда қўл келаётган экан. Бу нафақат қулайлик нуқтаи назаридан, балки вақт тежашга мўлжалланган замонавий технология сифатида ўз ўрнига эга. Мисол учун, ишхоналарнинг ўтиш жойларидан рўйхатдан ўтаётган ходимлар учун ушбу қурилма ўз қулайликларини намоён қилади. Керакли маълумотни юклаб олиш учун микрочип эгаси чипдаги маълумотларни ўқий оладиган қурилмага қўлини яқин келтириши керак холос.  

Ушбу замонавий қурилма илк маротаба 2015 йилда Швецияда қўлланилган бўлиб, ўтган 2017 йилда мамлакат Миллий темир йўл компанияси ҳам йўлкирага белгинлаган тўловларни микрочип орқали амалга ошириш имкониятини тақдим қилди. Келажакда эса, ушбу янги қурилма орқали дўконлардаги тўловларни ҳам амалга ошириш имконияти пайдо бўлиши табиий.

Паспорт ва йўл чипталари ўрнига Швеция аҳолиси тери остига микрочиплар жойлаштирмоқда

Паспорт ва йўл чипталари  ўрнига Швеция аҳолиси тери остигамикрочиплар жойлаштирмоқда. Фото: news.abs-cbn.com

Швеция аҳолиси фикрича, чипларни тери остига жойлаштириш усули орқали шахсий маълумотлар ҳимоя қилинар экан.

Аниқланишича, Швециянинг 3000 га яқин аҳоли вакиллари сўнгги 3 йил давомида ўзлари билан ID-карталар ва бошқа шахсиятни тасдиқловчи идентификацион пластик карталар олиб юрмаслик учун тери остига микрочиплар ўрнатишган экан. Микрочип тери остига махсус шприц ёрдамида киритилади. Унинг эгаси истагига кўра эса, у осонликча тери остидан олиб ташланар экан.  

Ушбу чиплар йўлкира чипталари, шахсиятни тасдиқловчи гувоҳномалар, спорт мажмуаси абониментлари ўрнини босишда қўл келаётган экан. Бу нафақат қулайлик нуқтаи назаридан, балки вақт тежашга мўлжалланган замонавий технология сифатида ўз ўрнига эга. Мисол учун, ишхоналарнинг ўтиш жойларидан рўйхатдан ўтаётган ходимлар учун ушбу қурилма ўз қулайликларини намоён қилади. Керакли маълумотни юклаб олиш учун микрочип эгаси чипдаги маълумотларни ўқий оладиган қурилмага қўлини яқин келтириши керак холос.  

Ушбу замонавий қурилма илк маротаба 2015 йилда Швецияда қўлланилган бўлиб, ўтган 2017 йилда мамлакат Миллий темир йўл компанияси ҳам йўлкирага белгинлаган тўловларни микрочип орқали амалга ошириш имкониятини тақдим қилди. Келажакда эса, ушбу янги қурилма орқали дўконлардаги тўловларни ҳам амалга ошириш имконияти пайдо бўлиши табиий.

Онлайн-харидлар: бир марталик тўлов карталари омма эътиборига хавола қилинди

Онлайн-харидлар: бир марталик тўлов карталари омма эътиборига ҳавола қилинди. Фото: blog.revolut.com

 

        Revolut  мобил банки онлайн-харидларга мўлжалланган бир марталик янги турдаги виртуал карталарни тақдим қилди.

Гап янги турдаги виртуал карталар тўғрисида бормоқда, чунки белгиланган тарифлар асосида қўшимча виртуал караларни генерация қилиш имконияти мобил банк хизматларида аллақачон кузатилади. Бу янги турдаги каратларнинг авзалликлари шундаки, ҳар бир транзакциядан сўнг улар иккинчи маротаба қўлланилмайди ва йўқ бўлиб кетади.

Шунингдек, виртуал карталар фойдаланувчи учун шубҳали интернет-дўконда бир маротабалик харидни амалга ошириш учун қўл келади. Revolut томонидан тақдим қилинаётган янги ишланма орқали виртуал карта яратилиб, унинг маълумотларини  юқорида айтиб ўтилган сайтларга киритиш мумкин. Транзакция амалга оширилганидан сўнг, банк бутунлай уни ўчириб қўяди. Бир неча сониялардан сўнг, яна навбатдаги бир маротабалик картага эгалик қилиш имкони мавжуд.

 Шундай қилиб, ушбу бир маротабалик карталарни онлайн-обуна  ҳамда доимий тўловлар учун ишлатиш имконияти йўқ. Бироқ, бир маротабалик карталар ҳавфсизлик талабларига жавоб бериб, қаллобликка йўл қўймаслиги унинг устунлигини белгилайди.  

Google янги тўлов тизимини тақдим этади

Google янги тўов тизимини тақдим этади. Фото: essomastercard.no

 

  Google техник гиганти ўзининг янги мобил  тўлов иловасини  тақдим этишини эълон қилди.  Google Pay сервиси ушбу мобил иловани катта аудиторияга мўлжаллаб яратди, яъни ундан фойдаланиш учун рўйхатдан ўтилганлик, уяли алоқа воситаси модели ҳамда  тўлов амалга оширилган жой муҳим ҳисобланмайди.

 Компания мақсадларидан бири, исталган инсоннинг тўлов  жараёнини ҳавфсизлантириш учун ягона аккаунтдан фойдаланишдир. Жумладан, тўлов сервисининг бош директори Пали Бхат яқинда Android Pay нинг барча фойдаланувчилари Google Pay дан автоматик равишда фойдаланишни бошлашларини таъкидлаб ўтди.  Жорий йилнинг яқин ойлари давомида эса, Google  янада кўпроқ мерчант ва тўлов платформалари билан ҳамкорлик қилишни йўлга қўйиб, улар учун Google Pay мобил иловасига  енгил интеграцияни таъминлаб беради. Қисқа вақтга мўлжалланган режаларга асосан, Google Pay қўшимча имкониятлар сифатида Chrome браузери ва компаниянинг бошқа сервислари орқали фойдаланиш имкониятларини ҳавола қилади.  

 Компания томонидан янги илованинг бир қатор функциялари батафсил ёритилди.Жумладан, Google Pay нинг янгиланган “Бош саҳифаси” фойдали маълумотни ўзида жамлайди – яқин атрофдаги дўконлар манзили, чегирмалар билан фойдаланишнинг қулай йўли ҳамда турли фойдали маслаҳатлар.

 “Карталар” бўлимида тўлов маълумотлари: кредит ва дебет карталар, қулайликлар дастури ҳамда сертификатларга тегишли маълумотлар сақланади.

 Google Pay иловасини Киев ва Лондондаги бир неча транспорт турларида фойланиш мумкин бўлиб, унинг рўйхати кенгайиб бориши табиий. Йўлкира учун белгиланган  тўловни амалга ошириш учун қурилмани турникет олдига яқин келтириш кифоя.

 Google Pay фойдаланувчиларининг шахсий маълумотлари ҳавфсилик талабаларига риоя қилинган ҳолда ҳимоя билан таъминланган.

 

ePOS: Wirecard смартфон ва планшетлар орқали тўловларни қабул қилишга мўлжалланган иловани тақдим этди

ePOS: Wirecard смартфон ва планшетлар орқали  тўловларни қабул қилишга мўлжалланган иловани тақдим этди. Фото: wirecard.com

Wirecard таниқли тўлов провайдери кичик ва ўрта бизнес учун мўлжалланган мобил қурилмалари орқали халқаро тўлов усулларини қабул қилувчи  мобил тўлов ишланма - Wirecard ePOS  номли янги илованинг чиқарилишини эълон қилди.

Ушбу иловани планшет ва смартфонларда ишлатиш мумкин. Илова чакана савдо билан шуғулланувчи савдогарлар учун мавжуд инфраструктураларига турли тўлов усулларини интеграциялашга имкон яратади.

Ушбу дастур мавжуд Wirecard ишланмалари билан мос келади ва NFC технологияси орқали тўловаларни қўллаб-қувватлайди. Шунингдек, мижозлар амалга оширилган савдо мониторингини кузатиб боришлари ҳам мумкин. Wirecard ePOS мобил иловаси 2018 йилнинг 15 февралидан бошлаб Google Play ва  iOS дўконларида сотувга чиқарилади. 

Швециянинг машҳур банкларидан бири томонидан паролли карталар чиқарилишига чек қўйилади

Швециянинг машҳур банкларидан бири томонидан паролли карталар чиқарилишига чек қўйилади. Фото: veidas.lt

  Швециянинг Swedbank номли машҳур банкларидан бири 2018 йилнинг феврал ойидан бошлаб ўз мижозларини паролли пластик карталар билан таъминламайди.

Бугунги кунга келиб, банкнинг 230 мингга яқин мижози онлайн ёки мобил банкингда аутентификация учун паролларни қўллаб келишади. Уларнинг сони банк хизматларидан фойдаланишнинг ҳавфсизрок - Smart-ID, ID-карталар, Mobile-ID ёки PIN-ҳисоблагичлар каби химатлар мавжудлиги боис камайиб бормоқда.

Swedbank банкининг 140 мингдан ортиқ мижози смартфонлардан фойдаланувчилар орасида машҳур бўлган Smart-ID – бепул сервисидан фойдаланишади. Ёши катароқ ҳамда смартфонлари бўлмаган мижозлар учун  эса, банк PIN-калькулятордан – сўровга қараб автоматик равишда паролларни генерация қилувчи сервисдан фойдаланишни таклиф қилмоқда.

 Эслатиб ўтамиз, password card – паролли картаси онлайн банкингга кириш учун бир марталик паролларни генерация қилади.

 Паролли карточка эгалари бўлмиш Swedbank нинг мижозлари карталарни 2019 йилнинг февралига қадар кунлик 200 евро чеклови белгиланган  транзакцияларни амалга оширишлари мумкин.

 

Mastercard компанияси фойдаланувчиларнинг қачон бармоқ излари орқали тўловларни тасдиқлашларига ойдинлик киритди

Mastercard компаниясида фойдаланувчиларнинг қачон бармоқ излари орқали тўловларни тасдиқлашларига ойдинлик киритилди. Фото: imperiya.by

Компания харид қилиш имкониятларини кенгайтирмоқда: 2019 йилнинг апрелидаёқ барча банклар биометрик таклифларини намоён қилади. Аниқроғи, Mastercard 2019 йилнинг апрел ойидан бошлаб карта фойдаланувчиларига  харид ёки тўлов амалга оширилаётганда бармоқ излари ва юз шаклини таниш учун биометрик маълумотларни қўллаш имкониятининг яратилиши тўғрисида хабар қилди.

 Яқинда Оксфорд Университетининг Mastercard билан ҳамкорликда ўтказилган сўровнома натижаларига кўра, банк секторидаги 92 % мутахассислар биометрик ишланмаларни жорий қилишни режалаштираётган экан.

 Mastercard Identity Check аутентификация учун муқобил ечим бўлиб, карта эгалари учун онлайн-шопинг ёки банк операциялари вақтида тўловни амалга ошириш учун  мобил қурилма орқали  биометрик идентификаторлар орқали (бармоқ излари, кўз ва юз шаклини аниқлаш орқали) шахсиятни тасдиқлаш имконини яратади. Ушбу имконият юқори сифатли харидни таъминлаган ва бекор бўлган ҳолатларни камайтирган ҳолда, рақамли тўловларни амалга оширишни тезлаштиради ҳамда унинг ҳавфсизлик даражасини оширади. Mastercard Identity Check дунёнинг 37 та давлатида жорий қилинган.

 

Масофали тўловлар: Verifone янги мобил терминалларни намойиш қилди

Масофали тўловлар: Verifone янги мобил терминалларни намойиш қилди. Фото: verifone.com

 Verifone  компанияси e280 мобил терминалларни (mPOS) омма эътиборига ҳавола қилди. Унинг авзалликларидан бири шундаки, харидорлар дўконнинг исталган нуқтасида туриб тўловларни амалга оширишлари мумкин бўлади. Сотувчилар янги қурилма орқали харидорларга ўз-ўзига хизмат кўрсатиш маданиятини ошириш ва мобил иловаларга бўлган эҳтиёжни қондиришни мақсад қилиб белгилашган.

 TimeTrade сўровномасининг натижаларига кўра, харидорлар дўконларда 10 дақиқадан ортиқ туриб, тўловларни амалга оширишдан норози эканлар. Жумладан, IHL Group ҳисоботига биноан, дўконнинг исталган нуқтасида туриб, мижоз учун ёрдам беришга қаратилган  мобил иловаларни қўллайдиган сотувчиларнинг сотувдан тушган йиллик фойдаларида ўсиш кузатилибди.

e280 терминалларининг асосий белгилари:

-          NFC, QR-код, мобил хамёнлар, EMV ва амалдаги бошқа тўлов турлари орқали тўловларни қабул қилади;

-          Ишлатилиши оддий ҳамда, бошқариш, PIN-код, имзолардан фойдаланиш учун рангли тачскринлар қўлланилган;

-          USB-C  коннектори, маълумотлар ва энергия етказишга қаратилган стандартларга жавоб беради;

-          Аксессуарлар тўплами: заряд ускунаси, суянчиқ жиҳози, деворга  мустаҳкамловчи жиҳоз, штрих-кодлар сканери ва бошқалардан ташкил топган. 

 Ушбу терминал шунингдек, зарядсиз 10 соатдан ортиқ вақт давомида транзакцияларни қайта ишлаш қобилиятига эга. е280 терминаллари Bluetooth Low Energy ва Wi-Fi технологияларини қўллаб қувватлайди.

Автомобилларнинг турар жойи ва бензин учун онлайн-тўловлар: Alibaba ва Honda ҳамкорликдаги лойиҳа устида ишлашмоқда

Автомобилларнинг турар жойи ва бензин учун онлайн-тўловлар: Alibaba ва Honda ҳамкорликдаги лойиҳа устида ишлашмоқда.Фото: carmagazine.co.uk

 

 Alibaba ва Honda “ автомобилларни системага улаш”  учун тўловларни амалга ошириш имкониятини ишлаб чиқишмоқда.

 Alibaba Group AutoNavi холдинг компанияси ҳамда Honda йирик  автомобиллар компанияси интеллектуал система ва интернет тармоғига уланган  автомобиллар учун тўловларни амалга ошириш имконини яратувчи лойиҳани ҳамкорликда амалга оширишни режалаштирмоқда.

Аниқроғи, Япониянинг автомобил ишлаб чиқарувчиси ва AutoNavi холдинги автомобил ҳайдовчилари учун AutoNavi  картаси орқали бензин, автомобил турар жойи ва Хитойдаги бошқа бир қатор хизматлар учун онлайн тўловларни амалга ошириш имконини берувчи системани яратишни режалаштиришмоқда.

 Hondа ҳамда AutoNavi компаниялари 2015 йилдан ҳамкорлик қилиб келишади. Уларнинг аввалги ҳамкорликдаги лойиҳалари кўп функцияли навигацион система яратилишига қаратилган эди. Эндиликда бу икки йирик компаниялар автомобилларда Alipay хизматларидан фойдаланишга қаратилган лойиҳа устида ишлайдилар.  Хитойда муҳим автомобил ишлаб чиқарувчи ҳисобланувчи Honda янги лойиҳа орқали янада кўпроқ мижозларни жалб қилишни режалаштирган. Бундан ташқари иккала компания ҳам “автомобилларни системага улаш” технологиясини ва мобил алоқа учун 5G интернет имкониятини кенгайтиришга ҳаракат қилишмоқда.

 Эслатиб ўтамиз, ҳозирги кунга келиб, Alibaba  тўлов системасининг  фойдаланувчилари 500 миллиондан ортиғини ташкил қилмоқда.  

 

Visa транзакциялари махсус овоз ва анимация билан бирга амалга оширилади

Visa транзакциялари  махсус овоз ва анимация билан бирга амалга оширилади. Фото: techweez.com

 Visa карталари орқали интернет ёки дўконда муваффақиятли амалга оширилган транзакциялар борасида карта фойдаланувчиларига  анимацион  расм, овозли сигнал ёки тебраниш орқали хабар берилади.

 “Visa овози” ни  2018 йилда Пхенянда ўтказиладиган Қишки Олимпия Ўйинлари вақтида биринчи бўлиб глобал реклама кампанияси доирасида оммага эшиттирилиши режалаштирилмоқда.

 Visa брэндингида сенсорли элементларнинг ишлатилиши компания тўғрисидаги фикрни шаклланишига қай даражада таъсир қилишини аниқлаш мақсадида дунёдаги саккизта давлатлардаги карта фойдаланувчилари иштирокида олиб борилган  сўровнома доирасида қуйидаги натижалар келиб чиқди:

•        83%  сўровнома иштирокчилари овозли сигнал ва анимациялар Visa компаниясининг брэндингига ижобий таъсир қилишини белгилаб ўтганлар;

•        81%  карта фойдаланувчилари эса, овозли сигнал ва анимацияларни қўлловчи савдо-саноат ташкилотларига нисбатан жуда ижобий муносабатда эканликларини таъкидлаб ўтганлар;

•        бир сониядан кам вақт давом этадиган “Visa овози”  тўлов тезлиги ва қулайлиги билан чамбарчас боғлиқлиги ҳам алоҳида таъкидлаб ўтилгани аниқланди.

 Рекламада сенсорли технологияларнинг қўлланилиши инсонларда ижобий ҳиссиётни келтириб чиқаради.

 2018 йилда Visa нинг сенсорли брэндинг элементлари Visa Developer Platform платформасидаги ишлаб чиқарувчилари доирасида, шунингдек, эҳтиёж сезилганда Visa Ready программаси доирасида ҳам чуқурроқ интеграция қилинади.  Visa  шунингдек, келгуси йилда савдо корхоналари ва шохобчалари учун ускуналарнинг миллий етказиб берувчилари иштирокида бошланғич дастурларни амалга оширишни тайёрлаган.