Ҳамкорлар

“Трастбанк” хусусий акциядорлик банки

1994 йилда ташкил этилган «Трастбанк» хусусий акциядорлик банки Ўзбекистон Республикасидаги энг етакчи банкларидан бири бўлиб, у ўз мижозларига барча турдаги кенг кўламли банк маҳсулотлари ва хизматларини кўрсатиб келмоқда

O’ZMILLIYBANK

Ўзбекистон Республикаси Ташқи иқтисодий фаолият миллий банки мамлакатимиз биринчи Президенти И.Каримов 1991 йил сентябрь ойида чиқарган Фармон билан ташкил этилган. Мамлакатимизнинг иқтисодий муҳим ҳисобланувчи барча минтақаларида жойлашган 90 та филиали кенг доирадаги хизматлар кўрсатилишини таъминламоқда. Шунингдек, Миллий банк Москва шаҳрида ўзининг “Азия-Инвест Банк” шўъба банкига эга. Миллий банк кенг доирада юритаётган фаолият ички ва халқаро банк операцияларининг амалда барча соҳаларини қамраб олган. Энди у халқаро андозалар даражасида банк хизматлари кўрсатиш имконини берувчи замонавий банк технологияларини ривожлантирмоқда.

Халқ банки

Акциядорлик тижорат Халқ банки Ўзбекистоннинг қадимий банкларидан бири ҳисобланади. Тошкентда бирламчи жамғарма кассалар 1875-йилда ташкил этилган. Ўзбекистон Республикаси Ҳукуматининг 1995-йил 4-октабрдаги Қарорига асосан «Ўзжамғармабанк» Давлат-тижорат Халқ банки этиб қайта ташкил этилди. Бугунги кунда, Халқ банки Ўзбекистон банк тизимининг муҳим бўғини ҳисобланади. Унинг 197 ҳудудий ва туман (шаҳар) филиаллари, 33 та мини-банк ва 1 000 дан ортиқ жамғарма ва махсус кассалари иқтисодиётнинг реал секторига – кичик бизнес субъектлари ва аҳолига кенг қамровли банк хизматларини кўрсатиб келмоқда.

“АСАКА” БАНК

«Асака» банк мамлакатимиз молиявий хизматлар бозорида 1995 йилдан бери фаолият кўрсатиб келмоқда. Капитал ва активлар ҳажми бўйича республика тижорат банклари ўртасида етакчи банклардан биридир. Ҳудудий тармоқ Ўзбекистон Республикаси бутун ҳудудини қамраб олиб 26 та филиал, 77 та мини-банк ва 174 та жамғарма, махсус ва кўчма кассадан иборат. Молия бозорида кенг ҳажмда анъанавий ва замонавий банк хизматларини тақдим этувчи йирик универсал молиявий-кредит институти муассасаси сифатида ўрин эгалланган. Банкнинг чакана хизматларидан мунтазам равишда фойдаланувчилар сони 1,8 миллион нафардан ошди.

Ипотека-банк

«Ипотека-банк» акциядорлик тижорат ипотека банки Ўзбекистон Республикаси Президентининг 2005 йил 16 февралдаги «Уй-жой қурилиши ва уй-жой бозорини янада ривожлантириш чора-тадбирлари тўғрисида»ги ПҚ-10-сонли қарорига асосан ташкил этилган. Ипотека-банк ипотека кредитларини бериш ва уй-жой қурилишини молиялаш бўйича тажриба тўплаган етакчи молия муассасаси. Банкнинг республика бўйича 38 та филиаллари томонидан юридик ва жисмоний шахсларга хизмат кўрсатилмоқда.