Карта орқали тўловларни амалга ошириш ҳавфсизлик чоралари

Тўловларни амалга ошириш жараёнида амал қилинувчи қоидалар билан танишинг:

– Карта PIN-кодини мукаммаллаштиринг (Personal Identification Number — шахсий идентификацион рақами). Хизмат кўрсатувчи банкингиз томонидан карта PIN-кодини ўрнатиш тавсия этилса, унинг мукаммалигига эътиборингизни қаратинг. Шахсий туғилган кун, телефон рақамларингиз ва шу ҳоказо шахсий маълумотлар билан боғлиқ рақамларни ўрнатманг;

– PIN-код рақамини сир сақланг. Картангизнинг PIN-кодини ҳеч кимга ишониб топширманг;

– Картангиз PIN-кодини ёдда тутишга ҳаракат қилинг;

– Тўловларни мустақил равишда амалга оширинг. Дўконларда харидларни амалга ошириш жараёнида пластик картангизни бегона одамларга топширманг. Карт эгаси томонидан тўловларни мустақил равишда амалга ошириш ўринли. Ҳисобчидан  терминал ускунасини тақдим этишни талаб қилинг ва мустақил равишда тўловни амалга оширинг;

– Баъзида тўлов пункти ҳисобчиси томонидан терминал клавиатураси носоз ҳолатда ёки ноқулай жойлашуви сабабли карта эгасига PIN-кодни киритиш имконияти яратилмайди. Ушбу ҳолатда тўлов сизнинг иштирокингизда амалга оширилишини талаб қилинг.

Ёдингизда тутинг, Uzcard пластик картаси ёрдамида амалга оширилган барча амалиётларга карта эгаси жавобгар ҳисобланади.