Карта турлари

Дебет карталар – маълум бир банкнинг тўлов картаси бўлиб, карта эгасининг ҳисоб рақамига уланади. Ушбу карта қуйидаги тўловлар учун мўлжалланган:

  • тўловларни амалга ошириш;
  • турли хизматлар учун тўловларни амалга ошириш;
  • банкомат орқали нақд пул ечиб олиш;
  • бошқа банк мижозларига пул ўтказиш имкониятига эга.

 

Ойлик иш ҳақи картаси – банк картаси бўлиб:

  • ойлик иш ҳақини тўлаш учун;
  • мукофот;
  • иш сафари учун ажратилган маблағ;
  • ёрдам пули ва ҳоказолар учун мўлжалланган карта ҳисобланади.

Пул миқдори “ойлик иш ҳақи” лойиҳаси доирасида ҳисоб-китоб юритувчи банк томонидан ташкилот ходимининг ҳисоб рақамига туширилади.

 

Оилавий карта –  қўшимча банк картаси ҳисобланиб, шахсий ҳисоб рақамига боғланган ҳолда очилади ва карта эгаси томонидан белгиланган оила аъзолари ёки бошқа ишонган вакиллари томонидан фойдаланилади. Унинг қулайликлари қуйидагилардан иборат:

  • бир ҳисоб рақамидан оила аъзолари фойдаланиши;
  • барча оила аъзолари учун бир неча карталарни очиш;
  • лимит ўрнатилиши орқали картадаги пул маблағини назорат қилиш;
  • қўшимча картани нафақат оила аъзолари номига, балки ишонган вакиллари номига очиш имкониятларига эга.

 

Хусусий тадбиркор картаси – банк картаси бўлиб, юридик шахс ҳисобланмаган якка тартибдаги тадбиркорлар учун тақдим этилади. Ушбу карта:

  • ўзаро ҳисоб-китоб юритиш;
  • маҳсулотларни харид қилиш;
  • жорий тўловларга тегишли ҳаражатларга мўлжалланган.

 

Корпоратив карта– банк картаси бўлиб, юридик шахсларга тақдим этилади. Ушбу карта:

  • ўзаро ҳисоб-китобларни амалга ошириш;
  • иш сафари учун ажратилган маблағ;
  • вакиллик ҳаражатларни амалга ошириш;
  • концелярия маҳсулотларини харид қилиш ва ҳоказоларга мўлжалланган.

 

Нафақа карталари – банк дебет картаси. Ушбу карта:

  • нафақа олишга ҳақли банк мижозлари;
  • бошқа ижтимоий нафақаларни қабул қилишга ҳақли мижозлар учун мўлжалланган.

Ушбу тўловлар нафақа органлари томонидан белгиланади.

 

Кобейджинг карталари – икки тўлов тизимларига хизмат кўрсатувчи карталар. Ушбу карталар чип, магнит чизиғи ва NFC технологиялар орқали тўловларни қўллаб-қувватлайди. Ташқи кўринишидан ягона тўлов тизимига хизмат кўрсатувчи карталардан фарқ қилмайди. Унинг авзалликлари қуйидагилардан иборат:

  • ҳар иккала тўлов тизимларга хизмат кўрсатиши;
  • ушбу карталардан мамлакатимиздан ташқарисида, яъни чет элда фойдаланилиши;
  • тўлов тизимлардан бирида носозлик кузатилганида, иккинчи тўлов тизими орқали тўловни амалга ошириш;
  • ҳар бир тўлов тизимнинг авзалликларидан фойдаланиш.

Ҳозирда мамлакатимиз ва чет эл ҳудуди Uzcard-UnionPay кобейджинг карталари амал қилмоқда (https://uzcard.uz/uz/news/kobejdzhing-kartalari-kuch-birlikda/).