Картани йўқотиш, унга шикаст етказиш ҳамда топиб олиш ҳолатларида

Пластик картангиз йўқолса, ўғирланса ёки унга шикаст етказилса, дарҳол, сизга хизмат кўрсатаётган банк орқали картани блокланг. Агар картангиз қаллоблар қўлига тушса ва унинг PIN-коди аниқланса, картангиздаги пул маблағингиз ҳавф остида қолиш эҳтимоли мавжуд. Шунингдек, картангизни  сиз фойдаланиб келаётган мобил иловалар ҳамда сизга хизмат кўрсатаётган банкингизга қўнғироқ қилган ҳолда блоклашингиз мумкин. Банкга ушбу картангизни блоклашингиз ва янгисини ишлаб чиқаришга ариза билан мурожаат этиш имконияти ҳам мавжуд. Баъзи ҳолатларда, йўқотиш ёки ўғирлик борасида ҳуқуқ тартиботи органларига мурожаат этиб, ёзма ариза билан ҳолатни тасдиқлаш талаб этилади. Юқорида айтиб ўтилган жараёнларни амалга оширганингиздан сўнг, йўқотиш ва ўғирлик содир этилган ҳолатда пластик картангизда сақланаётган пул маблағингизнинг ҳавфсизлигини таъминлайсиз.