Кўп сўраладиган саволлар
  1. Uzcard карта эгасининг ҳисоб рақамида максимум неча пул миқдорида лимит белгиланган?
  2. Ассалому алайкум. Картамга кимдир пул маблағи ташлади, ким томонидан операция амалга оширилганини қандай билишим мумкин?

PIN-рақамни ўзгартириш

  1. POS-терминал орқали PIN-рақамни ўзгартириш

POS-терминалга пластик карта жойлаштирилади. Терминал менюсида “PIN-рақамни ўзгартириш” бўлими танланади. Ушбу бўлим танланганидан сўнг, амалдаги PIN-рақами киритилади. Шундан сўнг, “ Янги PIN” бўлими ихтиёрингизда очилади. Янги PIN-рақами мослама клавиатураси орқали киритилади. Паролингизни тасдиқлаш учун PIN-рақами қайта киритилади. Ушбу маълумот қабул қилиниши учун терминал процессинг маркази тизими билан боғланиши даркор. Натижада, терминал PIN-рақами муваффақиятли алмаштирилгани тўғрисида  чек тақдим этилади.

  1. Инфокиоск орқали PIN-рақамини ўзгартириш

Инфокиоскга  пластик карта жойлаштирилади. Мослама дисплейида қулай тил танланади. Экранда амалдаги PIN-рақамлар киритилиши сўралади. Шундан сўнг, инфокиоск орқали амалга ошириладиган хизматлар рўйхати тақдим этилади. Улар орасидан “PIN-рақамини ўзгартириш” хизмати танланади. Дастур янги PIN-рақами киритилишини сўрайди ва клавиатура орқали ушбу код киритилади. Жараён амалга оширилганидан сўнг, мослама яна бир бор  янги PIN-рақами киритилишини сўрайди. Натижада карта эгаси инфокиоск дисплейида PIN-рақами муваффақиятли алмаштирилгани билан хабардор этилади.

  1. Банкомат орқали PIN-рақамини алмаштириш

Банкоматга пластик карта жойлаштирилади. Қурилма дисплейида маълум тил танланади.  Экранда амалдаги PIN-рақамлар киритилиши сўралади. Шундан сўнг, банкомат орқали амалга ошириладиган хизматлар рўйхати тақдим этилади. Улар орасидан “PIN-рақамини ўзгартириш” хизмати танланади.  Дастур янги PIN-рақами киритилишини сўрайди ва клавиатура орқали ушбу код киритилади. Жараён амалга оширилганидан сўнг, мослама яна бир бор  янги PIN-рақами киритилишини сўрайди. Натижада карта эгаси банкоматдисплейида PIN-рақами муваффақиятли алмаштирилгани билан хабардор этилади.

  1. Банк вакиллари PIN-рақамини алмаштиришда амалий ёрдам беришлари мумкин.

Бунинг учун Uzcard  пластик картаси очилган банк филиалига мурожаат этиш ўринли.